Galad 2:4 - Gabri Maja

⁴ Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 2:4 ပူးပေါင်းရင်းမြစ်များ

Kɔl-gɨ-Ɗari gɨ Lug wal 5:38

Ama cɛrɛ di suru gɨ jali le kan beege na boy idili gɨ hɨrɨwa gɨŋ.

Gɨye-lɔɔ 15:1

Ɨni na, kalaŋ ga pɨna wo̰ saygage a cay gɨsəŋ ga Jude gaŋ, ɨrgage gɨlɨn̰ge ka-karme ga a Antɨyɔs kɔl, yege hɨn̰: «Hɨn̰ gɨ kɨŋ na ɗa gɨ kan na walagɨŋ ban̰a dan̰ gɨyəŋ gɨ da gasɨn̰-kɔl gɨ da Moyis naŋ na, Kumu kɨya poɗɨgɨŋ naŋ bɨrɨŋ.»

Gɨye-lɔɔ 15:24

Ni je gɨ kalaŋ ga pɨna wo̰, na sayge duroyni kɛ orge mɔndɛ kuduroygɨŋ bɨ, dorge turnoygɨŋ bɨ, dan̰ kɔl yɔɔdɨge. Ama kalaŋ ga nee le, na ni ba-aye noyni bɨge ojɨn̰ cay kɔl gɨ nee le naŋ bɨrɨŋ.

Gɨye-lɔɔ 20:30

Bɨ duroygɨŋ kɨŋ-gandi gusɨgɨŋ kogɨŋ gaŋ kalɨn̰ ma, kalaŋ ga pɨna kɨya sɔ gɨ ni dɔrɛ kɔl poy gɨ ni dorɨn̰ ka-aye-cay-tɨbay Jesu bogɨge kardɨge bɨ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

2 Korɛ̰t 11:13

Kalaŋ ga nee le na ka-gɨre-gɨye ga cɨndi naŋ, kan na ka-lɔɔ gɨye ga ka-nare cɨn̰ kalaŋ ga leege gusɨge gɨlɨn̰ hɨn̰ ka-gɨre-gɨye ga da Kɨris wo̰.

2 Korɛ̰t 11:17

Kɔl gɨ ɨŋ ba kɨya yɔ gɨlɨn̰ gusɨnɨ kɛ le, na hɨn̰ gɨ Ba-gulɔŋ gey wo̰ naŋ, ama gɨlɨn̰ na hɨn̰ kɔl gɨ da ungo gɨ ba-dɨngale wo̰.

2 Korɛ̰t 11:20

Hɨn̰ gɨ kan na ɗa dɔnɔ caygɨŋ hɨn̰ gɨ kɨŋ naa gɔyɔŋ wo̰, wala na sɨmage dage kardɨgɨŋ, wala na tɨrage hɨnga a kobɨgɨŋ, wala na sɨlagɨŋge laan̰ hɨnga naŋ, wala na ɨmdɨgɨŋge a cɨndɨgɨŋ na, kɨŋ hay-kuduroygɨŋ cayge.

2 Korɛ̰t 11:26

Ɨŋ or tɨrga tɨba kondɨ, lee gɨ ɨŋ way hɨnga ga ɓal tɨma a cay kuray gɨŋ bɨ, kobɨ ka-dɨɗe kalaŋ bɨ, kobɨ karmɨnɨ ga ni te wɔɔ hɨnge gaŋ bɨ, kobɨ te kalaŋ ga toyge na Jubɨ naŋ bɨ. Ɨŋ way hɨnga ga ɓal tɨma a cay ƴaa-di-gumu dɨŋ bɨ duroy daldɨŋ bɨ. Ɨŋ way hɨnga ga ɓal tɨma a cay kuray gɨ gumu taa taa gɨŋ bɨ, kobɨ ka-aye kudurɔ ga cɨndi naŋ bɨ.

2 Korɛ̰t 3:17

Ba-gulɔŋ le na Turnɔ di da Kumu, kɨɗɨn̰ ga Turnoy Ba-gulɔŋ woy a nee le, na kɨɗɨn̰ ga ni somɨn̰-dan̰-ca kalɨn̰.

Galad 1:7

Leen̰ cɨndi na, Kɔl-gɨ-Ɗari gɨ ɗaŋ unɔ, ama ɨŋ yəgɨŋ kɔl gɨ nee le hɨn̰ wo̰, na kɨya cay kalaŋ ga ka-tɔbɨdɛ kɔl duroygɨŋ. Kan geyge bɨle kɔl gɨ ɗari gɨ da Kɨris le ɗaŋ.

Galad 4:25

Leen̰ cɨndi Agar le, woy na hɨn̰ garma gɨ gusondi na Sɨnayi gɨ a cay gɨsəŋ ga Arabi gaŋ gɨ Kumu bɨn̰ Moyis gasɨn̰-kɔl nee le. Hɨndi gɨlɨn̰ na hɨn̰ cay ƴaa-di-gumu di Jerusalɛm di haw kɛ, kɨya wa kalaŋ nɔm ga somge boy nee na gɔyɔŋ ga da gasɨn̰-kɔl.

Galad 4:3

Woy na hɨn̰ wo̰ kɨya cayna bɨ. Kɨya wa kɨɗɨn̰ ga na ban̰ karma ƴee le, tɔgɨn̰əŋ ga ɨsɨndəŋ ga a cay gɨsəŋ gaŋ ba ƴomnagɨŋge gɔyɔŋ.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Galad 5:10

Ba-gulɔŋ lee gɨ ɨŋ si kuduronɨ pɨna caygɨŋ, hɨn̰ gɨ ɨrɨmedɨgɨŋ na kɨya wɔyɛ kan̰di dan̰ hɨnge naŋ. Ama ungo gɨ ba dɨbe do̰ duroygɨŋ le, ban naa ungo gɨ mɨna mɨna kalɨn̰ ma, Kumu kɨya lɔɔ gɨ hɨnga lɔɔdi kɨya ɓalɨn̰a dan̰ kɨbi.

2 Timote 3:6

Kan na ka-andɨdaŋ duroy ƴaan̰əŋ gaŋ kardi kandɨ ga usage naŋ, kɨya looge ɗoge kan kɨya laydaŋge a boy boy toge dɨŋ. Kandɨ ga nee le, ɨsɨna ƴee kuduroyge bɨ, tabɨlaŋdi hɨnga ga toyge kan̰dɨge kan̰dɨge orɨn̰ danage hen̰ dan̰ Kumu bɨ.

Magtubu di Jag wal 1:25

Ama waŋ waŋ gɨ na ɗa cɨndi dɨŋdɨn̰ gasɨn̰-kɔl gɨ ɗari gɨ duroŋ dan̰ durɔ cɨrɛɗ, gɨ dor guyɔŋdu da ɨsɨna bɨ, da tɨma bɨ, cay kalaŋ coŋ le, kɨɗɨn̰ ga ban na ɨr cay nee jaŋ aya laan̰ gɨye bɨ, ja ɗa kuduroy hala gɨybəŋ guyɔbɨ cay nee naŋ bɨ na, ungo gɨ nee le, tumoy wolwa kɨya wɔyɛ a cay gɨye-lɔɔdi gɨŋ nɔm gɨ ban kɨya lɔɔ.

1 Pɨyɛr 2:16

Laagɨŋ gɨye-lɔɔ gɨ da kalaŋ ga cayge kalɨn̰. Ama kɨŋ ɗɔɔ ba aye gɔrɛ cay-kalɨn̰ le loon̰ badɨge ga ni tolɨn̰ cay ɨsɨna naŋ. Ama kɨŋ hale gɨybəŋ gɨ kɨŋ naa gɔyɔŋ ga da Kumu naŋ.

2 Pɨyɛr 2:19

Kan ayge tumoyge bɨge yegege hɨn̰ gɨ kan na kɨya andaŋ kɨbɨ guyɔŋdu dɨŋ coŋ, ama kan kalɨn̰ ma na gɔyɔŋ ga da gɨye-lɔɔ gɨ kɨya orɨn̰ dan̰ ungo dɨbii kɨbɨ tɨma dɨŋ. Kɨya wa ungo na guyɔŋ gɨ da hɨnga ga ɗɨn̰ cayi.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.