Galad 2:20 - Gabri Maja

²⁰ Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 2:20 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 4:3

Ɨni na, Haban̰, Ba-gɨybe kɨɗɨn̰ ɨrga gusi bɨ yeyi hɨn̰: «Ji naa Kurɨn̰-Kumu leen̰ cɨndi na, aya noy bɨn̰ karɨn̰ orun̰əŋ ga kɛ le, ɗe bɨle mapan̰əŋ bɨn̰ an̰ dii.»

Kɔl-gɨ-Ɗari gɨ Ja̰ wal 1:49

Ɨni na, Natanɨyɛl jɨga yey hɨn̰: «Ba-gɨlɨn̰ kalaŋ hɨnga, ji na Kurɨn̰-Kumu, ji na Kɨlma gɨ da karɨn̰ Ɨsɨrayɛl.»

Kɔl-gɨ-Ɗari gɨ Ja̰ wal 10:11

«Ɨŋ-bandi, ɨŋ na ba sɔlɛ kardi gamge gɨ kuɗa. Ba sɔlɛ kardi gamge gɨ kuɗa le, ɗe gusi bɨn̰ tɨma kɨya cay gamge kayi.

Kɔl-gɨ-Ɗari gɨ Ja̰ wal 15:13

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Kɔl-gɨ-Ɗari gɨ Ja̰ wal 17:21

Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:35

Kɨye Bayi gey kurondi, lee gɨ ban ɗe hɨnga nɔm a duroy kobi gɨŋ.

Kɔl-gɨ-Ɗari gɨ Ja̰ wal 6:57

Hɨn̰ gɨ Banɨ ba gɨyigəŋ ba som-bɨra dan̰ cɨndi bɨ, ɨŋ ba som-bɨra na kol cay Banɨ bɨ na, ungo gɨ na daaŋ na, kɨya sɔmɛ-bɨra dan̰ cɨndi kol canɨ bɨ.

Kɔl-gɨ-Ɗari gɨ Ja̰ wal 6:69

Ni-gandi na, ni bee kuduroyni can̰, ni solɨn̰, ji woy dan̰ cɨndɨn̰, Kumu gɨygɨn̰.»

Gɨye-lɔɔ 8:36

Kɨɗɨn̰ ga kan ayge gɨyəŋ orge na, kan bugoŋge a kɨɗɨn̰ ga kaŋ woy nee gaŋ ɨni na, ungo gɨ kan dorge toyi le yey hɨn̰: «Sɨla kaŋ ba kɛ, na wa ba kɨya nare ɗe gɨ ji gɨ looŋ batɛm ga?»

Gɨye-lɔɔ 9:20

Sol gama naŋ bɨ, ban ay te tɔgɛ bɛrnɛ a duroy ƴaa-daye-di-da-Jubɨn̰əŋ gaŋ yen̰ kalaŋ gɨ Jesu naa Kurɨn̰-Kumu.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 14:7

Na cɨndi, ungo pɨna wo̰ duroyna gɨ ba-sɔmɛ-bɨra kɨya cay gusi koyi ƴɔbɨ wala, mare kɨya cay gusi koyi ƴɔbɨ le, unɔ bɨrɨŋ.

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Magtubu di Pol wal bɨn̰ kalaŋ ga Rɔm 5:6

Ho’o, kɨya wa a boy wɔlɛ gɨ Kumu ojɨ gɨŋ, kɨɗɨn̰ ga na-gandi na ɨran̰ dan̰ dɔnɔ di ni poɗɨn̰ gusɨna naŋ ƴee le, Kɨris ma kol cayna na-gandi ka-lɔɔ ɨsɨna.

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

Magtubu di Pol wal bɨn̰ kalaŋ ga Rɔm 6:8

Hɨn̰ gɨ nana mara pɨna dan̰ Kɨris na, na sol hɨn̰ gɨ nana kɨya sɔmɛ-bɨra danayi bɨ.

Magtubu di Pol wal bɨn̰ kalaŋ ga Rɔm 8:10

Ama hɨn̰ gɨ Kɨris na wɨya a ɗugoygɨŋ na, kuyoŋdi-gusɨgɨŋ na hɨnga ga da tɨma kɨya cay ɨsɨna, ama Turnɔ di da Kumu bɨgɨŋ sɔmɛ-bɨra kɨya wa kɨŋ na kalaŋ ga Kumu bɨlgɨŋ leen̰ kalaŋ ga dan̰ durɔ ɗɨngar.

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 6:17

Ama ungo gɨ bugoŋ pɨna dan̰ Ba-gulɔŋ le, turnoyge bɨləŋ na pɨna kəɗ kəɗ danayi.

2 Korɛ̰t 1:24

Ni mala na gɨ ni dɔɔ-ƴaa a cay aye kudurɔ kogɨŋ gɨŋ naŋ, kɨya wa ni sol gɨ kɨŋ ɨre osu a cay aye kudurɔ kogɨŋ gɨŋ. Ama ni na ka-lɔɔ gɨye pɨna danagɨŋ kol gusi-mɔwa togɨŋ kɨŋ-gandi gaŋ.

2 Korɛ̰t 10:3

Na cɨndi, ni som na cay gɨsəŋ gaŋ, ama ni wɨrɨn̰a na hɨn̰ kalaŋ ga cay gɨsəŋ gaŋ naŋ.

2 Korɛ̰t 11:10

Dan̰ gɨyəŋ gɨ da kɔl gɨ cɨndi gɨ da Kɨris gɨ woy a canɨ le, aŋ yəgɨŋ daa waŋ: Hɨnga ga ojɨ cay gusi-mɔwa tɨnge di nee le, ungo pɨna wo̰ kɨya ɓale ƴɔɔ kɔbɔŋ a cay gɨsəŋ ga Agay gaŋ naŋ.

2 Korɛ̰t 13:3

Kɨŋ gey gɨ ɨŋ na gɨlgɨŋ hɨnga ga gɨl gɨ Kɨris na yəgɨŋ kɔl dan̰ kɨbɨnɨ ɨŋ-bandi. Kɨŋ kɨya sɔlɛ-hɨngadɨge haw kɛ: Kɨris gɨ a gusɨgɨŋ le dɔnɔdi dḛ naŋ bɨ, ban gɨl dɔnɔ toyi duroygɨŋ leen̰ cɨndi bɨ.

2 Korɛ̰t 13:5

Ɨngɨrgɨŋ gusɨgɨŋ kogɨŋ, kɛ leen̰ cɨndi kɨŋ na ka-aye kudurɔ ga? Kɨbagɨŋ gusɨgɨŋ sɨla. Kɛ kɨŋ sɨla gɨ Jesu-Kɨris na wɨya gusɨgɨŋ naŋ ga? Leen̰ cɨndi duroy kɔbɛ gusɨgɨŋ gɨŋ le hɨn̰ gɨ kɨŋ na sɨla gɨ Kɨris na unɔ gusɨgɨŋ na, kɨŋ na ga gabaŋ.

2 Korɛ̰t 5:14

Kɨya wa na geye gɨ da Kɨris ba orɨn̰ danani ma mani leen̰ hɨn̰ wo̰, ni-gandi ga ni sol kuɗa gɨ na ungo pɨna hayi ƴɔbɨ ba mare a ban̰di kundɨwa gɨ da kalaŋ le. Hɨn̰ wo̰ na kan nɔm mage danayi.

2 Korɛ̰t 5:15

Ban ma na kɨya cay kalaŋ nɔm ɗe kan ga somge-bɨra le na sɨmage-bɨra na kol cayge ke naŋ, ama na kol cay ban gɨ ma ma boy lɨbɨ kol cayge le.

2 Korɛ̰t 5:7

Na cɨndi, na godɨrde na dan̰ gɨyəŋ gɨ da aye kudurɔ kona wala na gudɨrda na dan̰ gɨyəŋ gɨ da hɨnga ga na sol dan̰ cɨndɨna naŋ.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 3:11

Leen̰ cɨndi, ɗe ungo na bɨləŋ ungo gɨ dan̰ durɔ ɗɨngar tumoy Kumu dan̰ gɨyəŋ gɨ da gasɨn̰-kɔl gɨ ban kobɨ nɔm leen̰ gɨye le unɔ. Na toy di hɨn̰ wo̰ ma, Magtubu di da Kumu ye hɨn̰: «Ungo gɨ na ungo gɨ dan̰ durɔ ɗɨngar dan̰ gɨyəŋ gɨ da aye kudurɔ le, ban kɨya sɔmɛ-bɨra.»

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:25

Ban̰aŋ jagɨŋ, geygɨŋ kandiigɨŋ hɨn̰ gɨ Kɨris ba geyɨn̰ Ka-Daye bɨ, ayɨn̰ gusi bɨn̰ tɨma kol cay Ka-Daye wo̰ bɨ.

Pilib 1:21

Kɨya wa hɨnge ɨŋ-bandi na, sɔmɛ-bɨra na Kɨris bɨ, tɨma na cay-kɔbɔŋ bɨ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Tesalonigɨ 5:10

Ɗe hɨn̰ gɨ na na sɨma naa bɨra naŋ le, wɨya naa kuŋ kalɨn̰ ma, na na bugoŋ pɨna danayi te sɔmɛ-bɨra gɨŋ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 8:3

Mangɨl gɨ da ka-cay ka-bɔgɛ kɨbar gɨ ani ani le, ɗeyge ɗe ban na bɨn̰ Kumu hɨnga ga ni bee bɨ, nare gɨ ni dɨɗe bogɨn̰ kɨbar bɨ. Na toy di hɨn̰ wo̰ ma, ojɨ gɨ Kɨris kalɨn̰ ma, na ɨran̰ dan̰ hɨnga ga ni bee bɨ.

1 Pɨyɛr 1:8

Jesu le, kɨŋ sɨlayi dan̰ cɨndɨgɨŋ naŋ pa pa, ama kɨŋ geyii. Hɨn̰ gɨ haw kɛ kɨŋ na sɨlayi naŋ kalɨn̰ ma, kɨŋ bee kuduroygɨŋ a cayi. Na toy di hɨn̰ wo̰ ma gusɨgɨŋ moogɨŋ tɔgɨ bɨ, moogɨŋ bɨrɨŋ ɗɨn̰ gɨ ni yɔ yɔd bɨ.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 3:20

Sɨlagɨŋ, ɨŋ ɨre kɨbɨ-ƴaa gɨŋ doŋ de kɨbɨ-ƴaa. Hɨn̰ gɨ ungo na ja dɔgɛ kɨbɨ-ƴaa bɨ hanga bəŋ na, ɨŋ kɨya andaŋ toyi ƴen̰ bɨ, ɨŋ kɨya dɔɔ hɨnga danayi bɨ, ban kalɨn̰ ma kɨya dɔɔ hɨnga danaŋ bɨ.