Galad 2:12 - Gabri Maja

¹² Kɨya wa tumɔ pa dɨm ma, ɗe kalaŋ ga saygage gusi Jag na bugoŋge ƴee na, ban diide dɔɔ dan̰ karmii ga toyge na Jubɨ naŋ. Ama kɨɗɨn̰ ga kan ɨrgage bugoŋge ɨni na, ban ƴom gusi bɨ, dor gusi cɛd gusɨge coŋ, kɨya wa ban hɨndar ka-ƴɔɔ cay hada gɨ da kalaŋ ga toyge na Jubɨ naŋ.

Galad 2:12 ပူးပေါင်းရင်းမြစ်များ

Kɔl-gɨ-Ɗari gɨ Lug wal 15:2

Ɨni na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis yɨliige yege hɨn̰: «Sɨlagɨŋ gɨlmi gɨ kɛ le ƴom ka-lɔɔ ɨsɨna gusi bɨ, di dɔɔ danage bɨ.»

Kɔl-gɨ-Ɗari gɨ Lug wal 5:38

Ama cɛrɛ di suru gɨ jali le kan beege na boy idili gɨ hɨrɨwa gɨŋ.

Gɨye-lɔɔ 10:28

Ban yege hɨn̰: «Kɨŋ sol kuɗa gɨ ungo gɨ ni Jubɨ gɨ ani ani kalɨn̰ ma, kan nariige ƴɔmɛ pɔgɨn̰ɛ dan̰ ungo gɨ ni Jubɨ naŋ bɨ, nariige dɨbe tɨbay duroy ƴaadi dɨŋ bɨ. Ama Kumu lee gɨ ɨŋ na gɨ sɔlɛ ungo loon̰ ungo gɨ mɨdagi naŋ bɨ, loon̰ ungo gɨ ungo ɓala ɔrɛ tayi naŋ bɨ.

Gɨye-lɔɔ 12:17

Ban leege kobi gɨ kan na sɨgɨyage dugo. Bɨ ban dorge te gɨyəŋ gɨ Ba-gulɔŋ ba lee dorii dangay dɨŋ le bɨge. Bɨ ban yege ɗaŋ coŋ hɨn̰: «Ɨragɨŋ yan̰ Jag dan̰ karmɨna ga ɗaŋ koldi.» Kardi nee ban andaŋ or kɨɗɨn̰ ga ɗaŋ gaŋ.

Galad 2:14

Ama kɨɗɨn̰ ga ɨŋ sol gɨye-lɔɔdɨge ɨra dan̰ durɔ naŋ bɨ, ɨra pɨna dan̰ kɔl gɨ cɨndi gɨ da Kɔl-gɨ-Ɗari naŋ bɨ ɨni na, ɨŋ yen̰ Kepas cɨn̰ kalaŋ nɔm hɨn̰: «Hɨn̰ gɨ ji gɨ ni Jubɨ, ji na ɨra hɨn̰ ungo gɨ toyi na Jubɨ naŋ na, ji ɗe na hada di da Jubɨ coŋ. Naa hɨn̰ wo̰ na, na kɨya wa ma man̰ gey ɗɔɔ dɔnɔ a cay kalaŋ ga toyge na Jubɨ naŋ, ɗe na bɨləŋge hɨn̰ kalaŋ ga toyge na Jubɨ wo̰ ga?»

Galad 2:9

Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

Epɛs 2:15

Dan̰ gɨyəŋ gɨ da tɨmaydi na, Jesu lee gɨ na kɔbɛ gɨ da gasɨn̰-kɔl bɨ, te tumɔ bɨ, naa ba kɨya lɔɔ gɨ Kumu na kɨya ƴomna gusi naŋ. Ban lee hɨnga ga nee le, ɗe Jubɨn̰əŋ bɨ, kalaŋ ga toyge na Jubɨ naŋ bɨ, na bɨləŋge te kalaŋ ga hɨrɨwa ga bugoŋge pɨna dan̰ Kɨris bɨ, ɗe gusi-dɔbɛ na woy duroyge bɨ.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

1 Tesalonigɨ 5:22

Dɨragɨŋ gusɨgɨŋ sɛdɨ coŋ te hɨnga ga ɨsɨni nɔm ga toyge kan̰dɨge kan̰dɨge.