Galad 2:11 - Gabri Maja

¹¹ Ama kɨɗɨn̰ ga Kepas ɨrga bugoŋ a cay ƴaa-di-gumu di Antɨyɔs dɨŋ na, ɨŋ ƴeyi daa ɗalii, kɨya cay gɨye-lɔɔdi gɨ ɨra dan̰ gɨyəŋdi naŋ.

Galad 2:11 ပူးပေါင်းရင်းမြစ်များ

Matɨyo 16:23

Ɨni na, Jesu bɨle cɨndi jɨn̰ cay Pɨyɛr bɨ yeyi hɨn̰: «Sidan aya guse sɛdɨ coŋ gusɨnɨ! Ji na gundi sɨya gɨ ba dɔgɛ tɨbanɨ. Kɨya wa ɨrɨme gɨ a kuduron̰ le, na ɨrɨme gɨ da Kumu naŋ, ama na ɨrɨme gɨ da kalaŋ ga ɨndəŋ.»

Kɔl-gɨ-Ɗari gɨ Ja̰ wal 1:42

Ban orɨn̰ dan̰ Simo gusi Jesu. Jesu sol Simo ɗɛɛ ɨni na, yey hɨn̰: «Ji na Simo kurɨn̰ Ja̰, ama kan kɨya togɨn̰ na, Kepas» duroy na «Garma.»

Gɨye-lɔɔ 11:19

Kalaŋ ga kan gɨlge cɨn̰-kɨɗɨn̰ ga kan dɨɗɨn̰ Etɛn le, busdoŋge a cay kɨɗɨn̰ gaŋ. Ga pɨna duroyge orge bɨrɨŋ andaŋge a cay gɨsəŋ ga Pinisi gaŋ bɨ, ga Sɨpɨr gaŋ bɨ, cay ƴaa-di-gumu di Antɨyɔs dɨŋ bɨ. Kan tee bɛrnɛ kɔl gɨ da Kumu bɨn̰ kalaŋ, ama kan tee bɨn̰ na Jubɨn̰əŋ ƴɔbɨ.

Gɨye-lɔɔ 11:20

Ama ga pɨna duroyge ga na kalaŋ ga a cay gɨsəŋ ga Sɨpɨr gaŋ bɨ, cay ƴaa-di-gumu di Sirɛn dɨŋ bɨ le, kɨɗɨn̰ ga bugoŋge a Antɨyɔs ɨni na, kan teege bɛrnɛ Kɔl-gɨ-Ɗari gɨ da Ba-gulɔŋ Jesu-Kɨris bɨn̰ kalaŋ ga na Gɨrɛgn̰əŋ.

Gɨye-lɔɔ 11:22

Kɔl gɨ nee le, baa a sɨmay Ka-Daye ga Jerusalɛm, lee gɨ kan gɨyge Barnabas a Antɨyɔs.

Gɨye-lɔɔ 11:27

Boy wɔlɛ gɨ nee gɨŋ le, ka-yɔɔ-kɔl-gɨ-Kumu-ba-yɔɔ saygage Jerusalɛm ɨrgage Antɨyɔs.

Gɨye-lɔɔ 15:1

Ɨni na, kalaŋ ga pɨna wo̰ saygage a cay gɨsəŋ ga Jude gaŋ, ɨrgage gɨlɨn̰ge ka-karme ga a Antɨyɔs kɔl, yege hɨn̰: «Hɨn̰ gɨ kɨŋ na ɗa gɨ kan na walagɨŋ ban̰a dan̰ gɨyəŋ gɨ da gasɨn̰-kɔl gɨ da Moyis naŋ na, Kumu kɨya poɗɨgɨŋ naŋ bɨrɨŋ.»

Gɨye-lɔɔ 15:5

Ama ka-aye kudurɔ ga pɨna wo̰ ga ka-kɔbɛ kardi hɨnga gɨle ga da Parɨsɨn̰an̰əŋ sayge daa kɨɗɨn̰ dayaŋ gaŋ le yege hɨn̰: «Ka-aye kudurɔ ga na Jubɨ naŋ le, naa wa wa kalɨn̰ ma ojɨ gɨ kan walage ban̰a. Bɨ ojɨ gɨ ni na aya noyni bɨge ɗe kan na kɨba te gasɨn̰-kɔl gɨ da Moyis bɨ.»

2 Korɛ̰t 11:5

Ka-gɨre-gɨye ga nee ga kɨŋ ba ye kan naa ga gɨmdəŋ le, ɨŋ ya gɨ ɨŋ naa gɨ dḛ toyge naŋ.

2 Korɛ̰t 12:11

Sɨlagɨŋ, ɨŋ yəgɨŋ kɔl hɨn̰ ungo gɨ ba dɨngale wo̰. Kɨŋ-gandi ba orɨn̰ danaŋ ɗe gɨ ɨŋ yen̰ kɔl gɨ nee le. Kalaŋ ga ojɨ gɨ ni kɨya lɔɔge tɨmon̰ di ɗari ojɨn̰ canɨ le na kɨŋ-gandi. Ko ɨŋ naa hɨnga naŋ kalɨn̰ ma, ka-gɨre-gɨye ga kɨŋ ye gɨ kan naa ga gɨmdəŋ le ɗəŋge dan̰ hɨnga pɨna naŋ.

2 Korɛ̰t 5:16

Na toy di hɨn̰ wo̰ ma, ni sɨla ungo pɨna dan̰ gɨyəŋ gɨ da kalaŋ ga ɨndəŋ naŋ. Hɨn̰ gɨ jɨne ni na sɨla Kɨris dan̰ gɨyəŋ gɨ da kalaŋ ga ɨndəŋ kalɨn̰ ma, haw kɛ na ni sɨlayi na hɨn̰ wo̰ naŋ.

Galad 1:18

Ɨlge sɨbɨ kardi nee na, ɨŋ say or a Jerusalɛm aŋ na sɔlɛ Kepas gɨ ɨŋ sɨlayi tumɔ naŋ ƴee bɨ, ɨŋ somɨn̰ danayi wɔlɛ mɔjɨ-cay-bay.

Galad 2:14

Ama kɨɗɨn̰ ga ɨŋ sol gɨye-lɔɔdɨge ɨra dan̰ durɔ naŋ bɨ, ɨra pɨna dan̰ kɔl gɨ cɨndi gɨ da Kɔl-gɨ-Ɗari naŋ bɨ ɨni na, ɨŋ yen̰ Kepas cɨn̰ kalaŋ nɔm hɨn̰: «Hɨn̰ gɨ ji gɨ ni Jubɨ, ji na ɨra hɨn̰ ungo gɨ toyi na Jubɨ naŋ na, ji ɗe na hada di da Jubɨ coŋ. Naa hɨn̰ wo̰ na, na kɨya wa ma man̰ gey ɗɔɔ dɔnɔ a cay kalaŋ ga toyge na Jubɨ naŋ, ɗe na bɨləŋge hɨn̰ kalaŋ ga toyge na Jubɨ wo̰ ga?»

Galad 2:5

Ama ni ɗa-kɨɗɨn̰ dḛ wo̰ bɨge naŋ bɨrɨŋ. Ɗe gɨ Kɔl-gɨ-Ɗari gɨ cɨndi le, na wɨya jaŋ ban̰di nee hɨn̰ wo̰ kol caygɨŋ.

Galad 2:7

Ama kan solge gɨ tumɔ Kumu naa ba bɔgɔŋ gɨye tɔgɛ bɛrnɛ kɔl-gɨ-Ɗari bɨn̰ kalaŋ ga toyge na Jubɨ naŋ le kɔbɔŋ ɨŋ-bandi, hɨn̰ gɨ ban ba been̰ gɨye gɨ ni tɔgɛ bɛrnɛ kɔl-gɨ-Ɗari bɨn̰ kalaŋ ga toyge na Jubɨ kobɨ Pɨyɛr wo̰ bɨ le.

Galad 2:9

Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

1 Timote 5:20

Kan ga ba leege hɨnga ga ɨsɨni le, ji ɗalage cɨn̰ kamdɨge nɔm, ɗe toyge ga baa hɨndarge.

Magtubu di Jag wal 3:2

Kɨya wa na-gandi nɔm le, na leegɨŋ ɨsɨna dan̰ gɨyəŋ gɨ toy kan̰di kan̰di. Hɨn̰ gɨ ungo na ya kɔl, ma gɨ ɨsɨni na unɔ boy nee na, ban na ungo gɨ kuɗa duroŋ cɨrɛɗ bɨ, ɓal ƴɔmɛ gusi cay hɨnga ga ɨsɨni gaŋ nɔm bɨ.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.