Galad 2:1 - Gabri Maja

¹ Ɨlge mɔjɨ-cay-poɗɨn̰ kardi nee na, ɨŋ bɨle canɨ jogɨ a Jerusalɛm ɗaŋ coŋ, dan̰ Barnabas bɨ, ɨŋ orɨn̰ dan̰ Titɨ kɔbɔŋ nee bɨ.

Galad 2:1 ပူးပေါင်းရင်းမြစ်များ

Gɨye-lɔɔ 11:25

Kardi nee ɨni na, Barnabas say or a Tars kɨya male Sol.

Gɨye-lɔɔ 11:30

Kɨɗɨn̰ ga kan lee hɨnga ga kan ojɨ lɔɔ le ɨni na, kan ayge hɨnga wɔɔdɨge le beege kobɨ Barnabas kan dan̰ Sol, ɗe kan na ɨran̰ge bɨn̰ kan ga muɗoldoŋ ga a cay gɨsəŋ ga Jude gaŋ.

Gɨye-lɔɔ 12:25

Kɨɗɨn̰ ga Barnabas dan̰ Sol, dɨɗɨge kɨbɨ gɨye gɨ kan gɨyge koldɨge le, a boy cay ƴaa-di-gumu di Jerusalɛm dɨŋ ɨni na, kan bɨle cayge jogɨ. Barnabas dan̰ Sol, golge Ja̰ gɨ tɨrɨmbalay na Marg le kobɨge.

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 13:50

Ama Jubɨn̰əŋ gosɨrge kandɨ ga gɨmdəŋ gɨmdəŋ ga ka-n̰ɨre Kumu bɨ, kalaŋ ga gɨmdəŋ gɨmdəŋ bɨ, ga a boy cay ƴaa di nee dɨŋ le, lee gɨ kan dɨbɨn̰ge Pol dan̰ Barnabas cɨn̰-gɨle-cɨn̰ bɨ, taygege a cay gɨsəŋ kage gaŋ coŋ bɨ.

Gɨye-lɔɔ 14:12

Kan teege Barnabas na «Jɛs» bɨ, Pol na «Ɛrmɛs» bɨ. Kɨya wa ban ma na ba-yɔɔ kɔl dan̰ guson̰ kamdi.

Gɨye-lɔɔ 15:25

Na toy di hɨn̰ wo̰ ma, mani bee noyni pɨna, torɨn̰ kalaŋ kɨya gɨyge gusɨgɨŋ. Kan kɨya bɔgɛ Barnabas dan̰ Pol ga na ka-pogɨn̰ini ga ni ɗege jam cɨndɨni gaŋ.

1 Korɛ̰t 9:6

Kɛ ojɨ gɨ ɨŋ-bandi bɨ Barnabas bɨ ƴɔbɨ naa ba laa gɨye dan̰ kobɨni ga?

2 Korɛ̰t 2:13

Ama ɗugonɨ ba dugo naŋ, kɨya cay kurɨnɨ Titɨ gɨ ojɨ gɨ kɨya bɔgɔŋ orɨn̰ tagɨŋ le, ɨŋ wayayi naŋ. Na toy di hɨn̰ wo̰ ma ɨŋ say gusi karmɨni ga Tɨrowas, orɨn̰ cay gɨsəŋ ga Masedɨwan gaŋ.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.

2 Korɛ̰t 8:23

Gɨ ojɨn̰ cay Titɨ na, ban na ba-bɔgɔŋ bɨ, ba-lɔɔ gɨye danaŋ kol caygɨŋ bɨ. Ama ojɨn̰ cay karmɨni ga ɗaŋ ga orge danayi na, na kalaŋ ga Ka-Daye ba gɨyge bɨ, haldɨge kuɗa lee gɨ kalaŋ dɨbɨ gusoŋ-tɔgɛ cay Kɨris kol cayge bɨ.

Galad 1:18

Ɨlge sɨbɨ kardi nee na, ɨŋ say or a Jerusalɛm aŋ na sɔlɛ Kepas gɨ ɨŋ sɨlayi tumɔ naŋ ƴee bɨ, ɨŋ somɨn̰ danayi wɔlɛ mɔjɨ-cay-bay.

Galad 2:13

Karmɨnɨ ga toyge na Jubɨ ga ɗaŋ bage boy sɔɔ gɨ tɨba sɔɔ gɨ nee gɨŋ le bɨ, lee gɨ Barnabas kalɨn̰ ma, ƴol sɔɔ gɨ tɨba sɔɔ gɨ nee le bɨ.

Galad 2:3

Sɨlagɨŋ, Titɨ ban gɨ ni Gɨrɛg gɨ toyi na Jubɨ naŋ gɨ bəŋ le kalɨn̰ ma, kan sige tɔgɨ cay gɨ ni walii ban̰a naŋ.

Galad 2:9

Jag bɨ, Kepas bɨ, Ja̰ bɨ, na kalaŋ ga kan solgege leen̰ ka-cay Ka-Daye, ga woyge hɨn̰ sɨya ba duroy ƴaa wo̰. Naa hɨn̰ wo̰ kalɨn̰ ma, kan solge ɗarwa di Kumu ba lee danani. Ɨni na, kan cogɨdege kɔbɔŋ ɨŋ-bandi bɨ, kobɨ Barnabas bɨ, gɨlɨn̰ hɨn̰ gɨ kan na bugoŋ pɨna danani a cay gɨye gɨ nee gɨŋ le. Ni bee noyni pɨna, gɨ ni na kɨya lɔɔ gɨye duroy kalaŋ ga toyge na Jubɨ naŋ bɨ, ke na kɨya lɔɔ gɨye duroy kalaŋ ga toyge na Jubɨ bɨ.

Kɔlɔs 4:10

Kurɨndɨna Aristarg dan̰ Marg ga woyge dangay dɨŋ danaŋ le ləgɨŋge lapɨya. Barnabas, gɨlmii, ban gɨ ɨŋ ba yəgɨŋ kɔl gɨ ojɨ cayi tumɔ le. Hɨn̰ gɨ ban na bugoŋ na ƴɨmayigɨŋ gusɨgɨŋ kuɗa.

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.