Galad 1:24 - Gabri Maja

²⁴ Lee gɨ kan hɨramge Kumu kol canɨ.

Galad 1:24 ပူးပေါင်းရင်းမြစ်များ

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Marg 2:12

Kɔl gɨ kɨbɨna kɛ bɨ, ban de say daa ay gasɨlaŋ-jala kay bɨ andɨn̰ doŋ cɨn̰ kalaŋ nɔm lee gɨ kan nɔm ga ba ɨrege nee le kɔl kayge yɔd bɨ, kardi nee na kan hɨramge Kumu yen̰ge hɨn̰: «Ni sɨla hɨnga ga hɨn̰ wo̰ cay pɨna naŋ ƴee.»

Kɔl-gɨ-Ɗari gɨ Lug wal 15:10

Aŋ yəgɨŋ daa waŋ, gusi-mɔwa kɨya wɔyɛ a da ka-ƴɔbɛ ga daa nii da Kumu na hɨn̰ wo̰ bɨ, kɨya ba-lɔɔ ɨsɨna pɨna nɛŋ gɨ ba bɨle gɨye-lɔɔdi.»

Kɔl-gɨ-Ɗari gɨ Lug wal 15:32

Ama ojɨ gɨ na ləgɨŋ dɔɔ ten̰gɨŋ pɨre bɨ, leen̰gɨŋ gusi-mɔwa bɨ, kɨya wa kurdɨn̰ gɨ ba kɛ le, ban na ungo gɨ ma, ma ban boy lɨbɨ bɨ, ban na ungo gɨ kayaŋ, ma maŋ wayi bɨ.”»

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Lug wal 7:16

Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!»

Gɨye-lɔɔ 11:18

Kɨɗɨn̰ ga kan jege kɔl gɨ nee le ɨni na, ɗugoyge jɨga baa cay mɨgaa dɨŋ bɨ, hɨramge Kumu yege hɨn̰: «Hɨnga le woy na hɨn̰ wo̰ leen̰ cɨndi hage, kalaŋ ga toyge na Jubɨ naŋ le, Kumu bɨge gɨyəŋ gɨ ni bɨle gɨye-lɔɔdɨge, ɗe gɨ kan na wan̰ sɔmɛ-bɨra gɨ leen̰ cɨndi bɨ.»

2 Korɛ̰t 9:13

Gɨye gɨ nee le, lee gɨ kalaŋ solge gɨ kɨŋ naa ka-aye kudurɔ ga leen̰ cɨndi. Kɨŋ gɨlge hɨn̰ gɨ kɨŋ na bee kɔl a cay Kɔl-gɨ-Ɗari gɨ da Kɨris gɨŋ hagɨŋ. Kɨŋ ƴom wandɨ dan̰ ka-aye kudurɔ ga a Jerusalɛm bɨ, dan̰ kalaŋ ga ɗaŋ nɔm nee bɨ, a te hɔgɛ hɨnga pɨna gaŋ bɨ. Na toy di hɨn̰ wo̰ ma kan kɨya hɨramege Kumu tɔgɨ.

2 Tesalonigɨ 1:10

Hɨnga ga nee le, kɨya lɔɔ gusɨge kɨɗɨn̰ ga ban kɨya ɨrga duroy kalaŋ kayi ga woyge dan̰ cɨndɨge, ɗe kan na dɨbɨn̰ gusoŋ-tɔgɛ cayi. Wɔlɛdi gɨ nee le, ban kɨya ɨrga duroy kalaŋ ga beege kuduroyge cayi bɨ, kan nɔm cɨndɨge kɨya wɔyɛ cayi hɨrɨm bɨ. Kɨŋ-gandi kalɨn̰ ma, kɨŋ kɨya ɨre danage nee, kɨya wa kɨŋ bee kuduroygɨŋ a cay kɔl gɨ ni ba tee bɛrnɛdi bɨgɨŋ le bɨ.

2 Tesalonigɨ 1:12

Na hɨn̰ wo̰ ma, guson̰ Ba-gulondɨna Jesu kɨya wɔɔ gusoŋ-tɔgɛ kol caygɨŋ bɨ, kɨŋ kɨya wɔɔ gusoŋ-tɔgɛ kol cayi ban bɨ. Dan̰ gɨyəŋ gɨ da ɗarwa di da Kumu kona bɨ, da Ba-gulondɨna Jesu-Kɨris bɨ.