Epɛs 6:6 - Gabri Maja

⁶ Lɔɔgɨŋ gɨye gɨ nee le na kɨya cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama kɨŋ ɗa a ɨrɨmedɨgɨŋ gɨŋ gɨ kɨŋ na gɔyɔŋ ga da Kɨris bɨ, laagɨŋ kuduroy geye gɨ da Kumu dan̰ kuyoŋdi-gusɨgɨŋ nɔm bɨ.

Epɛs 6:6 ပူးပေါင်းရင်းမြစ်များ

Matɨyo 12:50

Kɨya wa waŋ waŋ gɨ na laa kuduroy-geye gɨ da Banɨ gɨ a daa nii na, ban gɨ nee le ma na kurɨnɨ bɨ, tɨmnɨ bɨ, ƴonɨ bɨ.»

Matɨyo 7:21

«Na kalaŋ ga ka-tɔgɔŋge hɨn̰: “Ba-gulɔŋ, Ba-gulɔŋ!” Ba kɨya andaŋge nɔm boy dɔɔ-ƴaa di daa nii dɨŋ naŋ, ama na kan ga ka-lɔɔ hɨnga ga kuduroy Banɨ gɨ som a daa nii gey le ƴɔbɨ.

Marg 3:35

Kɨya wa waŋ waŋ gɨ na laa kuduroy geye gɨ da Kumu na, ban gɨ nee le ma na kurnɨ bɨ, tɨmnɨ bɨ, ƴonɨ bɨ.»

Magtubu di Pol wal bɨn̰ kalaŋ ga Rɔm 6:17

Kuɗa gɨ na laan̰ Kumu ho’o kɨya gɨ tumɔ kɨŋ na gɔyɔŋ ga da ɨsɨna, ama haw kɛ na kɨŋ je kɔl kɨbɨ Kumu, lee gɨ kɨŋ lee hɨnga ga kan gɨlgɨŋge le dan̰ kuduroygɨŋ ga pɨna.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

Galad 1:10

Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

Epɛs 5:17

Na toy di hɨn̰ wo̰ ma, kɨŋ ɗɔɔ ba lɔɔ hɨnga hɨn̰ ga da kalaŋ ga ka-dɨngale wo̰ naŋ, ama kɨŋ laa agɨŋ solɨn̰ duroy hɨnga ga kuduroy Ba-gulɔŋ gey le kuɗa.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

1 Tesalonigɨ 4:3

Hɨnga ga Kumu gey le, na gɨ gɨye-lɔɔdɨgɨŋ na wɨya dan̰ cɨndi jɨn̰ tumɔ tumɔ bɨ, gɨ kɨŋ na ƴɨma gusɨgɨŋ na cay yɔyɛ dan̰ gangɨ caygɨŋ bɨ.

Əbɨro 10:36

Haw kɛ na, kuɗa gɨ kɨŋ ƴɨma kuduroygɨŋ usa ɗe agɨŋ leen̰ hɨnga ga Kumu gey bɨ, wan̰ hɨnga ga ban ye gɨ ɗi na kɨya bɨgɨŋ le.

1 Pɨyɛr 2:15

Kɨya wa hɨnga ga Kumu gey le, na gɨ kɨŋ na laa hɨnga ga ɗari agɨŋ na ƴɔmɨn̰ kɨbɨ kalaŋ ka-sɔlɛ hɨnga naŋ bɨ, ga dɨngaldaŋ bɨ.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

1 Ja̰ 2:17

Cay gɨsəŋ dan̰ tabɨlaŋdi hɨnga kaa kɨya pɨdege. Ama kalaŋ ga ka-lɔɔ kuduroy geye gɨ da Kumu le, kɨya sɔmɛge danayi dan̰ tumoyge.