Epɛs 6:18 - Gabri Maja

¹⁸ Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Epɛs 6:18 ပူးပေါင်းရင်းမြစ်များ

Matɨyo 17:21

[Ɗaŋ coŋ, turnɔ ga ɨsɨn ga hɨn̰ wo̰ le, kɨya andaŋge kalɨn̰ wo̰ naŋ, kɨya andaŋge na kɨɗɨn̰ ga ungo na ula Kumu bɨ, ungo na haya kɨbi bɨ, dɨm.»]

Matɨyo 26:41

Sɨmagɨŋ dan̰ toygɨŋ daa bɨ, ulagɨŋ Kumu ɗe agɨŋ ban̰ boy hɨnga ga ni gɨybe gaŋ naŋ. Kɨya wa turnoy ungo gey lɔɔ hɨnga ga kuɗa hage, ama ungo gɨ ɨndi ɨran̰ dan̰ tɔgɨ naŋ.»

Marg 13:33

Ɗagɨŋ muɗɔlɛ cay gusɨgɨŋ gɨŋ bɨ, sɨmagɨŋ-bɨra bɨ, kɨya wa kɨŋ sɨla cay tɨwa di hɨnga ga nee le kɨya cagan̰ naŋ.

Marg 14:38

Sɨmagɨŋ bɨra bɨ ulagɨŋ Kumu bɨ, ɗe agɨŋ ban̰ boy hɨnga ga ni gɨybe gaŋ naŋ. Kɨya wa turnoyi ungo gey lɔɔ hɨnga, ama kuyoŋdi-gusi ɨran̰ dan̰ tɔgɨ naŋ.»

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Kɔl-gɨ-Ɗari gɨ Lug wal 22:46

Ban say yege hɨn̰: «Jə! Na kɨya wa ma magɨŋ woy kuŋ hɨn̰ wo̰ ga? Sagɨŋ daa ulagɨŋ Kumu ɗe agɨŋ ban̰ duroy hɨnga ga ni gɨybe gaŋ naŋ.»

Kɔl-gɨ-Ɗari gɨ Lug wal 3:26

Nagay na kurɨn̰ Mat, Mat na kurɨn̰ Matatɨyas, Matatɨyas na kurɨn̰ Semen̰, Semen̰ na kurɨn̰ Josɛg, Josɛg na kurɨn̰ Joda,

Kɔl-gɨ-Ɗari gɨ Lug wal 3:37

Lamɛg na kurɨn̰ Matusalɛm, Matusalɛm na kurɨn̰ Inɔg, Inɔg na kurɨn̰ Yɛrɛt, Yɛrɛt na kurɨn̰ Malaleyɛl, Malaleyɛl na kurɨn̰ Kayna̰,

Gɨye-lɔɔ 1:14

Kan nɔm kɨbɨge beege kuduroyge pɨna bɨ, ƴomge kuduroyge osɨ kɨɗɨn̰ ɔlɛ Kumu gɨŋ daa daa bɨ. Kandɨ ga pɨna bɨ, Mari Jesu ƴoyi bɨ, karmii bɨ, daydaŋge danage nee bɨ.

Gɨye-lɔɔ 10:2

Ban na ungo gɨ gɨye-lɔɔdi bugoŋ pɨna dan̰ Kumu bɨ, hɨndar Kumu bɨ, ban dan̰ ka-ƴaadi nɔm leege hɨnga ga nee le. Ban leen̰ Jubɨ ga ka-n̰age ɗarwa tɔgɨ bɨ, ol Kumu dan̰ cay tɨwa nɔm bɨ.

Gɨye-lɔɔ 12:5

Pɨyɛr woy dangay dɨŋ, ama kalaŋ ga Ka-Daye olge Kumu ye man̰ kɔl cayi.

Gɨye-lɔɔ 6:4

Ama ni-gandi na, ni kɨya ɔrɛ cɨndɨni tumɔ kɨbɨ gɨye gɨ ni olɨn̰ Kumu bɨ, gɨ ni togɨn̰-bɛrnɛ bɨ.»

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

Epɛs 1:16

ɨŋ leen̰ Kumu ho’o daa daa kol caygɨŋ. Kɨɗɨn̰ ga ɨŋ ol Kumu na, kuduronɨ hala gɨybəŋ caygɨŋ naŋ.

Epɛs 2:22

Kɨya bugoŋ gɨ kɨŋ bugoŋ pɨna dan̰ Kɨris le, Kumu bəgɨŋ pɨna dan̰ ka-aye kudurɔ ga ɗaŋ, ɗe gɨ agɨŋ na bɨlɨn̰ hɨn̰ ƴaa di Kumu som nee dan̰ gɨyəŋ gɨ da Turnɔ.

Epɛs 3:18

Hɨn̰ wo̰ na, kɨŋ kɨya ɓale won̰ tɔgɨ di ni solɨn̰ duroy geye gɨ ban gey lɔɔ kol caygɨŋ le pɨna dan̰ kan ga woyge dan̰ cɨndɨge ga ɗaŋ. Kɨŋ kɨya sɔlɛ wolwado bɨ, sɨngɨɗɨwado bɨ, hɔgɨwado bɨ, ɗɨgɨwado bɨ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 6:19

Ɨŋ-bandi kalɨn̰ ma, ulagɨŋ Kumu kol canɨ bɨ, ɗe Kumu ɗe kɔl gɨ dan̰ gɨyəŋdi kɨbɨnɨ, ɗe aŋ teen̰ bɛrnɛ Kɔl-gɨ-Ɗari gɨ woy kɨɗɨn̰ wɔsɛdi gɨŋ gɨ Kumu haŋgɨ cayi le, dɨle hundɔrɔ.

Pilib 1:4

Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Kɔlɔs 1:3

Ni leen̰ Kumu, Ba-gulondɨnagɨŋ Jesu-Kɨris Bayi ho’o dan̰ wɔlɛ pɨna pɨna, kɨɗɨn̰ ga ni ol Kumu kol caygɨŋ.

Kɔlɔs 1:4

Kɨya wa ni je kol aye kudurɔ kogɨŋ, kol bugoŋ pɨna dan̰ Jesu-Kɨris bɨ, kol geye gɨ kɨŋ gey kalaŋ ga woyge dan̰ cɨndɨge nɔm bɨ.

Kɔlɔs 4:2

Ay karmɨnɨ, ƴɨmagɨŋ te ɔlɛ bɨ, sɨmagɨŋ-bɨra toy nee bɨ, laan̰gɨŋ Kumu ho’o jɨn̰ tumɔ tumɔ bɨ.

1 Tesalonigɨ 5:17

Ulagɨŋ Kumu daa daa bɨ.

1 Timote 2:1

Tumoy hɨnga nɔm na, ɨŋ dobɨ bandɨ kuduroygɨŋ gɨ ɗe kalaŋ ɨngɨrɨn̰ge Kumu hɨnga bɨ, ulan̰ge Kumu hɨnga bɨ, ɨlge cayi bɨ, laayige ho’o bɨ, kɨya cay kalaŋ nɔm.

2 Timote 1:3

Ɨŋ leen̰ Kumu gɨ ɨŋ lee gɨye bii dan̰ ɨrɨmenɨ gɨ arɨn̰ cərərə hɨn̰ gɨ mon̰ɨnɨ ba leen̰ge gɨye le ho’o. Kɨɗɨn̰ ga daa daa, duroy son̰do dan̰ tɨwa di ɨni bɨ, ɨŋ ɨrɨm kol can̰ boy ɔlɛ hɨnge gɨŋ na, ɨŋ leeyi ho’o.

Pilemo 1:5

Kɨya wa ɨŋ je kol geye kon̰ bɨ kol aye kudurɔ kon̰ bɨ, gɨ ojɨ cay Ba-gulɔŋ Jesu bɨ, ojɨn̰ cay kan ga woyge dan̰ cɨndɨge nɔm bɨ.

Əbɨro 5:7

Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

Magtubu di Jud wal 1:20

Ama ojɨn̰ caygɨŋ kɨŋ-gandi karmɨnɨ ga ɨŋ lee-toygɨŋ le, kɨŋ dɨba bandɨ kuduroy gusɨgɨŋ a te hɨnga ga ni gɨle ga cɨndi, ga kɨŋ bee kuduroygɨŋ cay nee ojɨn̰ cay Kumu le. Ulagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ.