Epɛs 6:10 - Gabri Maja

¹⁰ Kagadi kɔl hɨnge ba kɛ: Daragɨŋ togɨygɨŋ na duroy te bugoŋ pɨna kogɨŋ gɨŋ dan̰ Ba-gulɔŋ bɨ, a gusi tɔgɨ toyi di ɗɨn̰ hɨnga nɔm bɨ.

Epɛs 6:10 ပူးပေါင်းရင်းမြစ်များ

1 Korɛ̰t 16:13

Sɨmagɨŋ bɨra cay gusɨgɨŋ bɨ, ɨrgɨŋ usa a cay aye kudurɔ gɨŋ bɨ, ƴɨmagɨŋ gusɨgɨŋ ban̰aŋ bɨ, ƴɨmagɨŋ gusɨgɨŋ usa bɨ.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

Epɛs 1:19

ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris,

Epɛs 3:16

Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ.

Pilib 3:1

Gɨ ojɨ cay te kɔl gɨ ba baa na, ay karmɨnɨ ga ban̰aŋ dan̰ ga kandɨ, laagɨŋ gusi-mɔwa cay bugoŋ gɨ kɨŋ bugoŋ pɨna dan̰ Ba-gulɔŋ. Jɔgɛ wale magtubu bɨgɨŋ ojɨn̰ cay hɨnga ga pɨna hage ga ɨŋ ba yəgɨŋ koldɨge tumɔ le usaŋ naŋ. Ɨŋ jɨga ye hɨn̰ wo̰ ɗaŋ, na ɗe gɨ na laa danagɨŋ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

Kɔlɔs 1:11

A duroy tɨwa nɔm na, kuɗa gɨ Kumu bɨgɨŋ tɔgɨ a duroy hɨnga nɔm, dan̰ gɨyəŋ gɨ da dɔnɔ di orɨn̰ dan̰ gusoŋ-tɔgɛ koyi ɗe agɨŋ ɓalɨn̰ ƴomɨn̰ kuduroygɨŋ duroy gɨwase gɨŋ nɔm bɨ, dɨbɨn̰ ɗugoygɨŋ bɨ.

2 Timote 2:1

Naa hɨn̰ wo̰ na, kuronɨ, ɗarwa di Jesu-Kɨris ba lee dan̰ kan ga bugoŋ pɨna danayi le, ɨr cay nee usa.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

1 Ja̰ 2:14

Ay, karɨn̰aŋ, ɨŋ wal kɔl gɨ kɛ le bɨgɨŋ: «Kɨŋ sol Bayna.» Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag.» Ay, marɨne, ɨŋ wal kɔl gɨ kɛ le bɨgɨŋ: «Kɨŋ lee bandɨ bɨ, kɔl gɨ da Kumu ƴom kuduroygɨŋ bɨ, kɨŋ boy-kɨmbɨl cay Haban̰ Ba-lɔɔ ɨsɨna bɨ.»