Epɛs 6:1 - Gabri Maja

¹ Karɨn̰aŋ, jagɨŋ kɔl kɨbɨ kandɨgɨŋ ka-woogɨŋ, dan̰ te bugoŋ pɨna kogɨŋ dan̰ Ba-gulɔŋ. Na hɨnga ga nee le ma na hɨnga ga dan̰ gɨyəŋdɨge.

Epɛs 6:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 2:51

Ban been̰ kandi ga ka-woyi le kɔl nee cɔb cɔb, hɨn̰ gɨ ban ba leede tumɔ le. Bɨ ban jogɨ danage ɨndi toge di Najarɛt. Ƴoyi di ni Mari le, ɨrɨm cay kɔl gɨ cay wase bɨ, cay kɔl gɨ karu bɨ, cay hɨnga nɔm ga ba lee gusɨge bɨ, ɗa kudurɔ hala gɨybəŋ cay nee naŋ.

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

Magtubu di Pol wal bɨn̰ kalaŋ ga Rɔm 16:2

Ƴɨmaagɨŋ gusɨgɨŋ dan̰ guson̰ Ba-gulɔŋ bɨ, laagɨŋ tɨrga hɨn̰ gɨ ba ojɨ gɨ ni lɔɔ dan̰ kalaŋ ga woyge dan̰ cɨndɨge wo̰ bɨ. Jɨbgɨŋ tɔɔ a bon̰ hɨnga nɔm ga hɨndi orɨn̰ dan̰ n̰agedɨge a gusɨgɨŋ, kɨya wa hɨndi kalɨn̰ ma jɨbɨ te kalaŋ dan̰ kondiige bɨ, ɨŋ-bandi kalɨn̰ ma hɨndi jɨbɨ tonɨ bɨ.

Magtubu di Pol wal bɨn̰ kalaŋ ga Rɔm 7:12

Lee gɨ gasɨn̰-kɔl na hɨnga ga ɨsɨni naŋ, ama na hɨnga ga woy dan̰ cɨndɨge bɨ, te tumɔ na hɨnga ga masadɨge unɔ bɨ, woy dan̰ durɔ ɗɨngar bɨ, kuɗa bɨ.

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

1 Timote 5:4

Hɨn̰ gɨ tama di kudurɔ ma na ɨran̰ dan̰ karɨndo wala, dan̰ kongɨn̰ɔɔ na, ojɨ gɨ kan ba kɨya sɔlɛge kardi kandɨge cay wase. Hɨnga ga kandɨge lee danage le, kuɗa gɨ kan jɨga lɔɔ bɨge bɨ. Kɨya wa na hɨnga ga nee le ba mon̰ Kumu.

1 Pɨyɛr 2:13

Kɨya cay Ba-gulondɨna le, jagɨŋ kɔl kɨbɨ ungo gɨ ani ani gɨ orɨn̰ dan̰ tɨrɨmbala. Jagɨŋ kɔl kɨbɨ kɨlma ba-dɔɔ cay ƴaa.