Epɛs 5:4 - Gabri Maja

⁴ Yɔɔgɨŋ kɔl ga ni karma naŋ bɨ, ga ni matɨr naŋ bɨ, ga ni dasi naŋ bɨ. Kɔl ga nee le, na kɔl ga wɨyan̰ ga ni yɔɔ naŋ. Ban̰di kɔl ga nee le laagɨŋ na ɔlɛ gɨ ni ho’o bɨn̰ Kumu.

Epɛs 5:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 6:23

Ama koburon̰əŋ ga ɗaŋ saygage cay ƴaa-di-gumu di Tiberɨyadɨ dɨŋ, ɨrgage bugoŋge a kɨɗɨn̰ ga Ba-gulɔŋ naa ba leen̰ Kumu ho’o cay mapa gɨŋ bɨ, bɨge diige le.

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

2 Korɛ̰t 1:11

Kɨŋ-gandi kalɨn̰ ma ojɨ gɨ kɨŋ na jɨbɨ toyni dan̰ ɔlɛ Kumu kogɨŋ. Kumu kɨya jɔɔ ɔlɛ kogɨŋ nɔm gɨ kondɨwadi kalaŋ olge bɨ, kol cay ɔlɛ nɔm gɨ nee le na, ban kɨya tɔrɛ kɨbi cayni bɨ kondɨwadi kalaŋ kɨya loon̰ge Kumu ho’o kol cayni bɨ.

2 Korɛ̰t 9:15

Kuɗa gɨ kalaŋ laan̰ Kumu ho’o kol hɨnga ga ɗɨn̰ yɔ koldɨge ga Kumu bɨn̰ kalaŋ kalɨn̰ le.

Epɛs 1:16

ɨŋ leen̰ Kumu ho’o daa daa kol caygɨŋ. Kɨɗɨn̰ ga ɨŋ ol Kumu na, kuduronɨ hala gɨybəŋ caygɨŋ naŋ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Kɔlɔs 3:8

Ama haw kɛ na, kuɗa gɨ kɨŋ ɗa hɨnga ga nee le nɔm coŋ: Na kuduroy-hɔmɛ bɨ, bɔyɛ-asɨn̰e bɨ, kuduroy-ɨndɨwa bɨ, yagɨde kɨɗɨn̰ nɔm bɨ, kɔl gɨ homi gɨ andaŋ kɨbɨgɨŋ bɨ.

1 Tesalonigɨ 3:9

Gusi-mɔwa nɔm di ni way kol caygɨŋ le, ni gɨ lɔɔ na mɨna ma mani gɨ leen̰ Kumu ho’o ɗe ɓal kɨɗɨn̰di gaŋ ga?

1 Tesalonigɨ 5:18

Hɨn̰ gɨ kɨɗɨn̰ na kuɗaa na ɨsɨndee kalɨn̰ ma, laan̰gɨŋ Kumu ho’o. Kɨya wa, na hɨnga ga nee le ma, Kumu gey gɨ kɨŋ-gandi ga kɨŋ bugoŋ pɨna dan̰ Jesu-Kɨris le, kɨŋ na laa.

Pilemo 1:8

Na toy di hɨn̰ wo̰ ma, ɨŋ gey ɔlɛ hɨnga pɨna gusɨn̰. Ɨŋ orɨn̰ dan̰ gɨyəŋ a te bugoŋ pɨna dan̰ Kɨris kona gɨ ni aye nonɨ bɨn̰ gɨ ji na laa hɨnga ga ɨŋ gey.

Əbɨro 13:15

Hɨn̰ wo̰ na, dan̰ gɨyəŋ gɨ da Jesu, hɨramanagɨŋ Kumu daa daa. Gɨ nee le ma na hɨnga ga ni bogɨn̰ kɨbar ga na biigɨŋ kɨɗɨn̰ ga na yəgɨŋ kɔl dan̰ gusondi waŋ daa gɨ ban na Ba-gulɔŋ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

2 Pɨyɛr 2:7

Lotɨ gɨ na ungo gɨ ba lɔɔ hɨnga ga dan̰ durɔ ɗɨngar le, Kumu dorii duroy nee coŋ. Gɨye-lɔɔ gɨ ni yɔyɛ gorɨn̰ daa gɨ da kalaŋ gɨ dɨlage hɨnga cay nee naŋ boy ɨlge gɨ da Lotɨ gɨŋ le, gɨlii-cɨn̰.

Magtubu di Jud wal 1:10

Ama kalaŋ ga nee le, yagɨdege hɨnga nɔm ga kan sɨla toyge naŋ. Gɨrɨn̰ cayge laa gɨye naŋ hɨn̰ kɨmɛnɛ nɔm wo̰. Kan kobɨge na te hɨnga nɔm ga ɨrga boy ɨrɨmedɨge gɨŋ, na toy di hɨn̰ wo̰ ma kan kɨya mundoŋge le.

Magtubu di Jud wal 1:13

Dasi di da kalaŋ ga nee le, woy cɨn̰ tɨwa doŋ hɨn̰ mɨdage gɨ mɛwdi kuray gɨ gumu taa taa gɨ ye tɔgɨ dor orɨn̰ cay kaŋ gaŋ wo̰. Kan woy gɨlɨn̰ na hɨn̰ dɛsɨɗɛŋn̰əŋ ga pɨdɨde daa bɨ kaydaŋge wo̰. Kumu ƴom cay tɨbay dɨlɨm di ɨndi tɨlɨm kol cayge, ɗe kan na somɨn̰ nee dan̰ tumoyge.