Epɛs 5:3 - Gabri Maja

³ Haw kɛ na, kɨŋ na kalaŋ ga kɨŋ woy dan̰ cɨndɨgɨŋ ɨni, ɗɔɔ gɨ yɔyɛ dan̰ gangɨ caygɨŋ, naŋ le lɔɔ hɨnga ga ni dasi, naŋ le lɔɔ te gursu le, ungo tɔgɛ gusondɨge duroygɨŋ naŋ ɨni.

Epɛs 5:3 ပူးပေါင်းရင်းမြစ်များ

Matɨyo 15:19

Kɨya wa ɨrɨme ga ɨsɨn bɨ, ɨrɨme gɨ ni dɨɗɨn̰ ungo bɨ, yɔyɛ tama wala bara gɨ da mɨgan̰ bɨ, gɨye lɔɔ gɨ da yɔyɛ dan̰ gangɨ caa bɨ, geye hase bɨ, pɔyɛ kɔl se cay kalaŋ bɨ, yagɨde kɨɗɨn̰ bɨ, saygage na kuduroy ungo.

Kɔl-gɨ-Ɗari gɨ Lug wal 12:15

Bɨ ban yen̰ dɨmdɨrdi kalaŋ le ye hɨn̰: «Ɗagɨŋ muɗɔlɛ a cay gusɨgɨŋ bɨ, orɨn̰gɨŋ dan̰ tabɨlaŋ di ni wan̰ hɨnga nɔm naŋ bɨ, kɨya wa ungo kɨya sɔmɛ-bɨra a cay gɨsəŋ gaŋ, kɨya cay hɨnga wɔɔdi ga kondi naŋ.»

Kɔl-gɨ-Ɗari gɨ Lug wal 16:14

Parɨsɨn̰an̰əŋ, jege kɔl gɨ nee le nɔm bɨ, asɨge cay Jesu, kɨya gɨ kan na kalaŋ ga geyge sɔlɛ gursu pɨde cɨndɨge naŋ.

Gɨye-lɔɔ 15:20

Ama kuɗa gɨ na gɨn̰gɨŋ dan̰ magtubu bɨge, narge dɔɔ kuyoŋ ga mɨdagi ga na kuyoŋ ga kan dɨɗɨge n̰ɨrɨn̰ge kulan̰əŋ bɨ, narge cay yɔyɛ dan̰ gangɨ cayge bɨ, dɔɔ kuyoŋ ga asɨri bɨ, dɔɔ kɨbar bɨ.

Gɨye-lɔɔ 20:33

Ɨŋ dɨŋga gursu wala, lɔr wala, badɨge ga da ungo kayi cay pɨna naŋ bɨrɨŋ.

Magtubu di Pol wal bɨn̰ kalaŋ ga Rɔm 1:29

Hɨnga ga dan̰ durɔ ɗɨngar naŋ ga toyge kan̰dɨge kan̰dɨge ba wanɨn̰a kuduroyge bɨ: Hɨnga ga nee le na terɨn̰ bɨ, lɔɔ te gursu bɨ, ƴɔmɛ ungo kuduroy bɨ, cɨn̰-pɨɗɨma bɨ, dɨɗe ungo bɨ, bɔjɨn̰ɛ bɨ, lɔɔ jɨba bɨ, lɔɔ solum bɨ, pɔydɛ kɔl bɨ, kuduroy ɨndɨwa bɨ, yɨle kɨɗɨn̰ bɨ.

Magtubu di Pol wal bɨn̰ kalaŋ ga Rɔm 16:2

Ƴɨmaagɨŋ gusɨgɨŋ dan̰ guson̰ Ba-gulɔŋ bɨ, laagɨŋ tɨrga hɨn̰ gɨ ba ojɨ gɨ ni lɔɔ dan̰ kalaŋ ga woyge dan̰ cɨndɨge wo̰ bɨ. Jɨbgɨŋ tɔɔ a bon̰ hɨnga nɔm ga hɨndi orɨn̰ dan̰ n̰agedɨge a gusɨgɨŋ, kɨya wa hɨndi kalɨn̰ ma jɨbɨ te kalaŋ dan̰ kondiige bɨ, ɨŋ-bandi kalɨn̰ ma hɨndi jɨbɨ tonɨ bɨ.

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

1 Korɛ̰t 10:8

Kɨŋ ɗɔɔ ba male kandɨ wala ban̰aŋ bon̰ ɨsɨna gɨŋ hɨn̰ kalaŋ ga pɨna duroyge ba leen̰ge wo̰ naŋ. Lee gɨ kalaŋ dubu toy-sɔɔ-cayge-sɨbɨ marɨn̰ge baɗag duroy wɔlɛ gɨ pɨna gɨŋ.

1 Korɛ̰t 5:1

Kalaŋ nɔm yege gɨ yɔyɛ dan̰ gangɨ caygɨŋ na woy duroygɨŋ, ama hɨnga le, kalaŋ ga sɨlage Kumu gɨ cɨndi naŋ kalɨn̰ ma yɨyage dan̰ gangɨ cayge hɨn̰ wo̰ naŋ. Kɨya wa yege kɔldɨgɨŋ yen̰ge hɨn̰ ungo gɨ pɨna duroygɨŋ na or bɨrɨŋ male tam-bay.

1 Korɛ̰t 6:13

«Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

1 Korɛ̰t 6:18

Ƴɨmagɨŋ gusɨgɨŋ coŋ te yɔyɛ dan̰ gangɨ caygɨŋ bɨ. Ɨsɨna ga ɗaŋ nɔm ga ungo lee le, na a kuyoŋdi-gusi gɨŋ doŋ. Ama kalaŋ ga ka-yɔyɛ dan̰ gangɨ cayge le, leege ɨsɨna na dan̰ kuyoŋdi-gusɨge koge gaŋ.

2 Korɛ̰t 12:21

Gajanaŋ kɨɗɨn̰ ga ɨŋ na bugoŋ gusɨgɨŋ na, Kumu kɨya dɨbe dasi canɨ ɗaŋ coŋ tumoygɨŋ bɨ, ɨŋ da ɨle kɨya cay kondɨwadi kalaŋ ga tumɔ leege ɨsɨna ma bɨlge kardɨge bɨn̰ lɔɔ hɨnga ga ni dasi naŋ bɨ, bɨn̰ yɔyɛ gɨ dan̰ gangɨ caa naŋ bɨ, bɨn̰ yɔyɛ gorɨn̰ daa naŋ bɨ.

Epɛs 5:12

Hɨnga ga kalaŋ ga nee leege kɨɗɨn̰ ga wosi gaŋ le, lee dasi gɨ ni yɔɔ daa.

Epɛs 5:5

Jagɨŋ kuɗa. Ungo gɨ ba lɔɔ gɨye yɔyɛ gɨ toy kan̰di kan̰di bɨ, lɔɔ hɨnga ga ni dasi wala orɨn̰ dan̰ tabɨlaŋdi wɔɔ hɨnga bɨ le, ban kɨya wɔɔ hɨnga a boy dɔɔ-ƴaa gɨ da Kɨris dan̰ Kumu naŋ. Orɨn̰ dan̰ tabɨlaŋ di ni woon̰ hɨnga le gɨlɨn̰ na hɨn̰ n̰ɨre kula wo̰.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

1 Tesalonigɨ 4:3

Hɨnga ga Kumu gey le, na gɨ gɨye-lɔɔdɨgɨŋ na wɨya dan̰ cɨndi jɨn̰ tumɔ tumɔ bɨ, gɨ kɨŋ na ƴɨma gusɨgɨŋ na cay yɔyɛ dan̰ gangɨ caygɨŋ bɨ.

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

1 Timote 2:10

Ama kuɗa gɨ kan gɨl kambɨladɨge dan̰ gɨye-lɔɔ gɨ kuɗa, hɨn̰ kandɨ ga gɨye-lɔɔdɨge bugoŋ pɨna dan̰ Kumu wo̰.

1 Timote 3:3

Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

1 Timote 6:10

Kɨya wa tabɨlaŋ di gursu le, na te sarnay hɨnga ga ɨsɨni nɔm. Kɨɗɨn̰ ga kalaŋ na aya gusɨge bɨn̰ gursu ɨni na, kɨya ɗɔɔge aye kudurɔ coŋ bɨ, kɨya kayaŋge hen̰ bɨ, hɨnga ga ni mɨrɨn̰tɨn̰i ga toyge kan̰dɨge kan̰dɨge kɨya looge bɨ.

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

Titɨ 2:3

Yan̰ kandɨ ga esɨdəŋ kalɨn̰ ma, kuɗa gɨ gɨye-lɔɔdɨge na bugoŋ pɨna dan̰ gɨye-lɔɔ gɨ da kandɨ ga woyge dan̰ cɨndɨge bɨ. Kuɗa gɨ kan yɨle kɨɗɨn̰ naŋ bɨ, bɨləŋ gɔyɔŋ ga da cɛrɛ di suru naŋ bɨ. Ama ɗe gɨ kan gɨlɨn̰ kalaŋ hɨnga ga ɗari.

Əbɨro 12:16

Ɗagɨŋ cɨndɨgɨŋ kardi gusɨgɨŋ ɗe ungo bɨle ba lɔɔ gɨye yɔyɛ gɨ toy kan̰di kan̰di, wala ba sɔlɛ-hɨnga ga woy dan̰ cɨndɨge loon̰ hɨnga naŋ, hɨn̰ Ejawi gɨ kɨya cay dɔɔ gɨ te ungo dɨŋ ƴɔbɨ le, ay gɨmɨn̰aw toyi di ojɨ cay kɨye gɨ wooyge cay wase le kɨl coŋ.

1 Pɨyɛr 5:2

Te gamge ga da Kumu ga beegege kobɨgɨŋ le, dɨragɨŋ tumoyge kuɗa bɨ. Ɗagɨŋ cɨndɨgɨŋ kuɗa kardɨge bɨ. Ama ɗɔɔgɨŋ gɨ ɗe ungo san̰ danagɨŋ pa dɨm ma magɨŋ lee ƴee naŋ. Ama kɨŋ sa laa dan̰ kuduroy-geye bɨ, dan̰ gɨyəŋ gɨ da Kumu bɨ. Kɨŋ laa gɨye kogɨŋ na gɨ ni won̰ nare gɨ kɨya dɨbe dasi caygɨŋ naŋ. Ama na kɨya se gɨ kɨŋ si gusɨgɨŋ kɨbɨ nee.

2 Pɨyɛr 2:10

Naa wo̰ na leen̰ cɨndi, kalaŋ ga ka-kɔbɛ tabɨlaŋdi hɨnga ga mɨdagi ga leege bɨ, ka hagɨre dɔnɔ di da Ba-gulɔŋ bɨ le, ban kɨya lɔɔge hɨnga ga homi. Ka-gɨlɨn̰ kalaŋ hɨnga ga cɨndi naŋ ga nee le, kan na kalaŋ ga hɨndarage hɨnga naŋ bɨ, ka-dɔrɛ n̰ərə bɨ. Ka-ƴɔbɛ ga daa nii ga ojɨ gɨ ni dɨbe gusoŋ-tɔgɛ cayge le kalɨn̰ ma, kan hɨndarage kardɨge naŋ, ama yagɨdɨgege.

2 Pɨyɛr 2:14

Tama di ani ani di kan kɔbɔɔ dan̰ cɨndɨge le, kan won̰ge danaa a ɨrɨmedɨge gɨŋ bɨ, lɔɔ hɨnga ga ɨsɨni sɨlge naŋ bɨrɨŋ bɨ. Kan gɨybɨge boy toge ƴomɨn̰ge kalaŋ ga togɨyge unɔ bɨ. Tɨrabe lɔɔ te gursu le, kan solge tɔgɨ bɨ, ɓɨse gɨ da Kumu woy cayge.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Wasɨn̰a 2:14

Ama hɨnga ga ɨŋ kan̰ɨn̰ kɔl kardɨgɨŋ dḛ na, na kɔl gɨ da kalaŋ ga pɨna wo̰ ga lun̰doŋge kardi hɨnga ga ni gɨle ga da Balam. Ban naa gosɨr kɨlma Balag ɗe na gɨybɨge te wɨn̰je gɨ da Ɨsɨrayɛl ɗe na dɨn̰ge kuyoŋ ga been̰ge kɨbar bɨn̰ kulan̰əŋ bɨ, ɗe na yoyɨn̰ge dan̰ gangɨ cayge bɨ.

Wasɨn̰a 2:21

Ɨŋ ɗe tɨwa boo ɗe na bɨlɨn̰ haldo. Ama hɨndi gey bɨle haldo ojɨn̰ cay yɔyɛ gɨ dan̰ gangɨ ca le naŋ.

Wasɨn̰a 21:8

Ama ka-hundɔrɔ bɨ, ka-ɨre a cay gasɨndɨge gaŋ naŋ bɨ, kalaŋ ga haldɨge ɨsɨn tɔgɨ bɨ, ka-dɨɗe kalaŋ bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-lɔɔ tɨmba bɨ, ka-n̰ɨre kula bɨ, ka-poy nɔm bɨ le, kɨɗɨn̰ kage kɨya wɔyɛ na a duroy kuraydi tɨwa di ƴee hɨn̰ kɨrbaŋdi hɨnga ga ƴee hɨn̰ tɨwa wo̰. Hɨnga ga nee le, ma na tɨma di cay-sɔɔ.»

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.

Wasɨn̰a 9:21

Kalaŋ ga nee le, kan̰ge ɗɔɔ kardi dɨɗe kalaŋ koge coŋ bɨ, lɔɔ tɨmba toge coŋ bɨ, yɔyɛ gɨ dan̰ gangɨ ca koge coŋ bɨ, hase koge coŋ bɨ.