Epɛs 5:26 - Gabri Maja

²⁶ Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Epɛs 5:26 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 13:10

Ɨni na, Jesu yeyi hɨn̰: «Ungo gɨ pɨl gusi ɨni le, kɨya pɨle kaŋ ɗaŋ naŋ, ama na tɨbayi ƴɔbɨ, kɨya wa gusi arɨn̰ cərərə ɨni. Kɨŋ-gandi kɨŋ arɨn̰daŋ, ama na kɨŋ nɔm naŋ.»

Kɔl-gɨ-Ɗari gɨ Ja̰ wal 15:3

Ama haw kɛ na, kɔl gɨ ɨŋ ba yəgɨŋ le n̰angɨŋ ɨni.

Kɔl-gɨ-Ɗari gɨ Ja̰ wal 15:8

Hɨn̰ gɨ kɨŋ naa ka-aye-cay-tɨbanɨ leen̰ cɨndi na, kɨŋ kɨya wɔyɛ naa hɨn̰ hɨyadi suru gɨ wɔɔ karɨndi kondɨ bajag bajag wo̰. Hɨn̰ wo̰ na gusoŋ-tɔgɛ gɨ da Banɨ kɨya andaŋ cɨn̰ kalaŋ nɔm.

Kɔl-gɨ-Ɗari gɨ Ja̰ wal 17:7

Haw kɛ, kan solge gɨ hɨnga nɔm ga ji bəŋ le, na sayga naa gusɨn̰.

Kɔl-gɨ-Ɗari gɨ Ja̰ wal 3:5

Ɨni na, Jesu dɨbii cay nee yeyi hɨn̰: «Ja, aŋ yen̰ daa waŋ na cɨndi, hɨn̰ gɨ kan na wɔɔge ungo dan̰ kaŋ naŋ bɨ, dan̰ Turnɔ di da Kumu naŋ bɨ na, ban kɨya ɓale andaŋ a boy dɔɔ-ƴaa di da Kumu dɨŋ naŋ.

Gɨye-lɔɔ 22:16

Haw kɛ na, ji gam na wa coŋ ga? Saa daa ɨra ɗa ɗe kan leen̰ge batɛm. Bɨ dan̰ gɨyəŋ gɨ da dɔnɔ di da guson̰ Jesu na ɨsɨna kon̰ kɨya duroŋ can̰ coŋ.”»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 10:8

Ama naa hɨn̰ wo̰ na, Magtubu di da Kumu ye kɔɔ na mɨna bɨ ga? Hɨndi ye hɨn̰: «Kɔl gɨ da Kumu woy na a kɨwan̰ pḛḛ kɛ bɨ, Na a kɨbɨn̰ bɨ a ɗugon̰ bɨ.» Kɔl gɨ nee le na kɔl gɨ da aye kudurɔ gɨ ni tee bɛrnɛdi bɨgɨŋ.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

2 Korɛ̰t 11:2

Ɨŋ lee jangɨ kol caygɨŋ bɨ jangɨ di ɨŋ lee le, na jangɨ di sayga gusi Kumu. Kɨya wa ɨŋ gey gɨlgɨŋ bɨn̰ Kɨris hɨn̰ tɨmbali di cɨl di sɨla bara naŋ ƴee wo̰ di ɨŋ ƴom caa na kol bara pɨna ƴɔbɨ, bara gɨ nee le na Kɨris.

Epɛs 6:17

Kagadi gɨŋ na, dɨbagɨŋ jagɨwa ga ni pɔɗɛ ga kɨŋ poɗɨn̰ le caygɨŋ bɨ, ayagɨŋ pəlɨm di na kɔl gɨ da Kumu gɨ Turnɔ di da Kumu bɨgɨŋ le kobɨgɨŋ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Əbɨro 10:14

Na toy di hɨn̰ wo̰ ma, kɨɗɨn̰ ga Jesu ba ay gusi been̰ kɨbar cay pɨna ɗɔɔ ƴɔbɨ le, ban lee gɨ kan ga ban dorge mɨra te ɨsɨna gɨŋ le, bɨləŋge kalaŋ ga kuɗa duroŋ cɨrɛɗ dan̰ cɨndɨge.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

Əbɨro 13:12

Na toy di hɨn̰ wo̰ ma, Jesu kalɨn̰ ma way cɨn̰-gɨle-cɨn̰, a kardi cay ƴaa-di-gumu dɨŋ doŋ, kɨya dorɨn̰ te kalaŋ sige dan̰ cɨndɨge dan̰ kɨbardi gɨ bugoŋ dugo le.

Əbɨro 4:12

Na cɨndi, kɔl gɨ da Kumu le na kɔl gɨ som-bɨra bɨ, togii woy nee bɨ, ƴee ɗɨn̰ pəlɨm di ƴee gasɨndo sɔɔ bɨ. Hɨndi andaŋ kuduroy ungo, or bɨrɨŋ pɔyɛ kɨɗɨn̰ ga ungo habedi bɨ, turnoy bɨ dayaŋge nee gaŋ daa. Bɨ or bɨrɨŋ pɔyɛ kɨɗɨn̰ ga gurɨyadi dan̰ sɔŋ gɨ a duroy isidi dayaŋge nee gaŋ daa bɨ. Kɔl gɨ da Kumu boy kɔl a cay hɨnga nɔm ga ungo ojɨ lɔɔ bɨ, cay ɨrɨme gɨ woy a kuduroy ungo gɨŋ bɨ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

2 Pɨyɛr 1:9

Ama ungo gɨ na ɨran̰ dan̰ hɨnga nɔm ga nee le naŋ na, ban na ungo gɨ ba-bɨbe gɨ mamde-kɨɗɨn̰. Kuduroy hal gɨybəŋ cay dɔrɛ gɨ dorge ɨsɨna koyi gɨ jɨne cayi coŋ le.

1 Ja̰ 5:6

Na Jesu-Kɨris ba sɔ gɨɗɨgɨ-Kumu gɨŋ ɨrga cay gɨsəŋ gaŋ bɨ lee batɛm dan̰ kaŋ bɨ, bee kɨbardi dugo dan̰ gɨyəŋ gɨ da tɨmaydi bɨ. Ban ɨrga na dan̰ kaŋ ƴɔbɨ naŋ, ama dan̰ kaŋ bɨ kɨbar bɨ. Turnɔ di da Kumu na kɔl gɨ cɨndi. Na hɨndi ba lɔɔ tɨmon̰ hɨn̰ wo̰ le kɔ.

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.