Epɛs 5:25 - Gabri Maja

²⁵ Ban̰aŋ jagɨŋ, geygɨŋ kandiigɨŋ hɨn̰ gɨ Kɨris ba geyɨn̰ Ka-Daye bɨ, ayɨn̰ gusi bɨn̰ tɨma kol cay Ka-Daye wo̰ bɨ.

Epɛs 5:25 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:24

Hɨn̰ gɨ Ka-Daye ba dobɨn̰ge cayge dugo te Kɨris le, kuɗa gɨ kandɨ nɔm dɨbage cayge dugo te kodɨn̰ige a cay hɨnga nɔm bɨ.

Epɛs 5:28

Na toy di hɨn̰ wo̰ ma ojɨ gɨ kuduroy tama gey tamdi, hɨn̰ gɨ ban ba geyɨn̰ kuyoŋdi-gusi koyi wo̰ bɨ. Ungo gɨ na gey tamdi na, gey na kuyoŋdi-gusi koyi bɨ.

Epɛs 5:33

Ama gɨ ni orɨn̰ dan̰ kɔl le tumɔ tɔgɨ naŋ na, kuɗa gɨ waŋ waŋ kalɨn̰ ma gey tamdi hɨn̰ kuyoŋdi-gusi wo̰ bɨ, kɨŋ-gandi kandɨ kalɨn̰ ma kɨŋ bɨgan̰ kodɨn̰igɨŋ kɔl bɨ.

Kɔlɔs 3:19

Ay kɨŋ kɔdɨn̰ii kandɨ, geygɨŋ kandiigɨŋ bɨ sɔdɨrɛgɨŋ cɨndɨgɨŋ cayge naŋ.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

1 Pɨyɛr 3:7

Kogɨŋ kɨŋ-gandi kandɨ kodɨn̰ige ba kɛ: Kɨɗɨn̰ ga kɨŋ na sɨma dan̰ kandɨn̰igɨŋ na, kuɗa gɨ kɨŋ sɨla gɨ kan na kalaŋ ga usa tɔgɨ naŋ. Kɨŋ bɨge hurɔmɔ kɨya wa naa wa wa kalɨn̰ ma, kan kɨya wɔɔ sɔmɛ-bɨra gɨ Kumu be kalɨn̰ le danagɨŋ bɨ. Kɨŋ laa hɨn̰ wo̰ ɗe hɨnga pɨna lɨgɨ gɨyəŋ ɔlɛ Kumu kogɨŋ naŋ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,