Epɛs 5:21 - Gabri Maja

²¹ Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

Epɛs 5:21 ပူးပေါင်းရင်းမြစ်များ

1 Korɛ̰t 16:16

karmɨnɨ ga ban̰aŋ dan̰ ga kandɨ, dɨbagɨŋ caygɨŋ dugo bɨn̰ na kalaŋ ga hɨn̰ wo̰ le kɔ bɨ, kan ga ƴom kɨbɨ gɨye danage dan̰ ɗugoyge ga pɨna bɨ.

2 Korɛ̰t 5:11

Na-gandi na sol gɨ, na wa ma na hundɔrɔ Ba-gulɔŋ. Lee gɨ na mal na gɨ ni gɨlɨn̰ kalaŋ ɗe na solge kɔl gɨ cɨndi. Kumu solna kuɗa bɨ, ɨŋ ɨrɨm gɨ kɨŋ solni kuduroygɨŋ kuɗa bɨ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Epɛs 5:22

Kandɨ jagɨŋ, kuɗa gɨ tama di ani ani kalɨn̰ ma dɨba caa dugo bɨn̰ kudurɔɔ hɨn̰ gɨ hɨndi ba dobɨn̰ caa dugo bɨn̰ Ba-gulɔŋ wo̰ bɨ.

Epɛs 5:24

Hɨn̰ gɨ Ka-Daye ba dobɨn̰ge cayge dugo te Kɨris le, kuɗa gɨ kandɨ nɔm dɨbage cayge dugo te kodɨn̰ige a cay hɨnga nɔm bɨ.

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

1 Timote 2:11

Kuɗa gɨ kandɨ nɔm sɨmage kɨbɨge mundoŋ kɨya jon̰ kɔl gɨ ni gɨle dan̰ dɔbɛ caa dugo.

1 Timote 3:4

Sol dɔrɛ tumoyi kalaŋ ga duroy ƴaadi dɨŋ kuɗa bɨ, sol lɔɔ ɗe karɨndi beeyige kɔl nee kuɗa bɨ, dan̰ hurɔmɔ bɨ.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

1 Pɨyɛr 2:13

Kɨya cay Ba-gulondɨna le, jagɨŋ kɔl kɨbɨ ungo gɨ ani ani gɨ orɨn̰ dan̰ tɨrɨmbala. Jagɨŋ kɔl kɨbɨ kɨlma ba-dɔɔ cay ƴaa.

1 Pɨyɛr 2:17

Dɨbɨn̰gɨŋ kalaŋ nɔm hurɔmɔ bɨ, geygɨŋ karmɨgɨŋ ga ban̰aŋ dan̰ ga kandɨ ga ka-aye kudurɔ bɨ, bɨgan̰gɨŋ Kumu kɔl bɨ, dɨbɨn̰gɨŋ kɨlma gɨ gumu hurɔmɔ cayi bɨ.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»