Epɛs 5:2 - Gabri Maja

² Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:2 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Kɔl-gɨ-Ɗari gɨ Ja̰ wal 13:34

Ɨŋ bɨgɨŋ te tumɔ di hɨrɨwa: Geygɨŋ gusɨgɨŋ. Hɨn̰ gɨ ɨŋ ba geygɨŋ le, geygɨŋ gusɨgɨŋ duroygɨŋ hɨn̰ wo̰ bɨ.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 8:37

Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

1 Korɛ̰t 16:14

Laagɨŋ hɨnga nɔm dan̰ geye.

1 Korɛ̰t 5:7

Subugudi mapa di ɨlgɨ ɨni gɨ na ɨsɨna le, dɨragɨŋ duroygɨŋ coŋ ɗe agɨŋ bɨlɨn̰ kalaŋ ga duroŋ mɨra. Kɨɗɨn̰ ga nee le, kɨŋ kɨya wɔyɛ gɨlɨn̰a hɨn̰ kɨrbaŋdi gɛmɛ gɨ woŋsi gɨ hɨrɨwa gɨ dɨbɨge subugu nee naŋ wo̰, kɨya wa Kɨris gɨ na karɨn̰ dɨmangɨ da Pakɨ tona le, diɗiige ɨni.

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

2 Korɛ̰t 2:15

Na cɨndi, na woy gɨlɨn̰ na hɨn̰ sɔŋ ɨdɨr gɨ gasɨmdi ɗɔ̰ tɨna mon̰ Kɨris bɨn̰ Kumu wo̰. Nana sɔŋ ɨdɨr gɨ ɗɔ̰ tɨna kuɗa duroyna na-gandi ga na woy te gɨyəŋ gɨ ni pɔɗɛ gɨŋ bɨ, duroy kan ga curoŋge a te gɨyəŋ gɨŋ bɨ.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 1:4

Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi,

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 3:19

Kɨŋ kɨya sɔlɛ geye gɨ da Kɨris gɨ ɗɨn̰ hɨnga-sɔlɛ nɔm, ɗe gɨ kandi-wɔɔ ga da Kumu wanɨn̰ kuduroygɨŋ pɨl pɨl.

Epɛs 4:15

Ama na kɨya yɔ kɔl gɨ cɨndi dan̰ wandɨ, hɨn̰ wo̰ na na kɨya malge bɨlɨn̰ kalaŋ ga cɨndɨge nadɨrdaŋ cay hɨnga nɔm dan̰ te bugoŋ pɨna dan̰ Kɨris. Ban ma na ba-cayna.

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Epɛs 5:15

Ɨrɨmgɨŋ kuɗa a cay gɨye-lɔɔdɨgɨŋ gɨŋ. Kɨŋ ɗɔɔ ba lɔɔ hɨnga hɨn̰ kalaŋ ga ɨran̰ge dan̰ cɨn̰-muɗɔlɛ naŋ wo̰ naŋ, ama kɨŋ laa hɨnga hɨn̰ kalaŋ ga muɗoldoŋ wo̰.

Epɛs 5:25

Ban̰aŋ jagɨŋ, geygɨŋ kandiigɨŋ hɨn̰ gɨ Kɨris ba geyɨn̰ Ka-Daye bɨ, ayɨn̰ gusi bɨn̰ tɨma kol cay Ka-Daye wo̰ bɨ.

Pilib 4:18

Hɨnga ga kɨŋ ba gɨyɨn̰ bəŋ le ɨŋ way nɔm. Hɨnga le ɗɨn̰ cay hɨnga ga n̰agedɨge ləŋ coŋ. Kɨɗɨn̰ ga Epapərodit bəŋ hɨnga ga kɨŋ ba bii ɗe na bəŋ le na, hɨnga nɔm ga n̰agedɨge ləŋ le ɨŋ way. Hɨnga ga kɨŋ ba bəŋ le, woy gɨlɨn̰ hɨn̰ hɨnga ga ni bogɨn̰ kɨbar ga walge bɨn̰ Kumu ga tɨnadɨge ɗo̰ kuɗa bɨ, ga Kumu gey bɨ ƴee cɨndi bɨ.

Kɔlɔs 3:14

Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

1 Tesalonigɨ 4:9

Kɔl gɨ ojɨ cay geye gɨ a duroy ka-karme na, kɨŋ ɨra n̰agedi gɨ ungo gɨ wale magtubu koldi bɨgɨŋ naŋ ɨni, kɨya wa Kumu gɨlgɨŋ kɨŋ-gandi gusɨgɨŋ gɨyəŋ gɨ ni geyɨn̰ gusɨgɨŋ duroygɨŋ.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

1 Timote 4:12

Ɗɔɔ gɨ ungo hagɨrɨn̰ kɨya gɨ ji naa marɨna naŋ. Ama kuɗa gɨ kɔl yɔdɨn̰ bɨ, gɨye-lɔɔdɨn̰ bɨ, ƴɔmɛ wandɨ ton̰ bɨ, aye kudurɔ kon̰ bɨ, haldɨn̰ gɨ duroŋ mɨra bɨ, wɨya na hɨnga ga ni gɨle, kɨya cay ka-aye kudurɔ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 8:3

Mangɨl gɨ da ka-cay ka-bɔgɛ kɨbar gɨ ani ani le, ɗeyge ɗe ban na bɨn̰ Kumu hɨnga ga ni bee bɨ, nare gɨ ni dɨɗe bogɨn̰ kɨbar bɨ. Na toy di hɨn̰ wo̰ ma, ojɨ gɨ Kɨris kalɨn̰ ma, na ɨran̰ dan̰ hɨnga ga ni bee bɨ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Əbɨro 9:23

Hɨn̰ gɨ turnoy hɨnga ga woy gɨɗɨgɨ-Kumu gɨŋ le, kan na dɨrage mɨra naa hɨn̰ wo̰ na, gusɨge gɨ a gɨɗɨgɨ-Kumu gɨŋ le kalɨn̰ ma orge n̰age na gɨ kan na dɨrage mɨra naa dan̰ hɨnga ga ni bogɨn̰ kɨbar ga kuɗa ɗɨn̰ ɗɨn̰ ga tumɔ coŋ bɨ.

Əbɨro 9:26

Hɨn̰ gɨ na wɨya naa hɨn̰ wo̰ na, ayɨn̰ toy gɨ Kumu ɗen̰ gɨɗɨgɨ-Kumu bɨ, cay gɨsəŋ bɨ bɨrɨŋ gɨsɨn̰ haw kɛ le, ojɨ gɨ Kɨris ni kɨya sɔlɛ cɨn̰-gɨle-cɨn̰ tɨba nee nee. Ama haw kɛ gɨ na kagadi wɔlɛ le, ban ɨrga gɨl-cɨn̰ na cay pɨna ƴɔbɨ. Kɨya mondɨn̰ ɨsɨna coŋ dan̰ gɨyəŋ gɨ da gusi koyi gɨ ban ay been̰ kɨbar le.

1 Pɨyɛr 4:8

Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

1 Ja̰ 3:16

Na solgɨŋ geye na dan̰ gɨyəŋ gɨ da hɨnga ga ba kɛ: Jesu-Kɨris ay gusi bɨn̰ tɨma na kol cay nagɨŋ. Naa hɨn̰ wo̰ na, ojɨ gɨ na-gandi kalɨn̰ ma, na na sɨmagɨŋ pḛḛ kɨya aye gusɨnagɨŋ bɨn̰ tɨma kɨya cay karmiinagɨŋ ga ban̰aŋ dan̰ ga kandɨ bɨ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,