Epɛs 5:11 - Gabri Maja

¹¹ Gɨye-lɔɔ gɨ ni lɔɔ dɨlɨm dɨŋ gɨ na gɨye gɨ andaŋ hɨnga naŋ le, kɨŋ ɗɔɔ ba lɔɔ danage. Ama kɨŋ sɨɗɨgɨ toyge daa.

Epɛs 5:11 ပူးပေါင်းရင်းမြစ်များ

Matɨyo 18:15

«Hɨn̰ gɨ kurdɨn̰ na laa hɨnga ga ɨsɨn danan̰ na, ɨra wayayi kan̰dɨn̰ bɨ, gɨli hɨnga ga dan̰ gɨyəŋdɨge naŋ ga ban leen̰ le. Hɨn̰ gɨ ban na ja kɔl kon̰ na, ji way kurdɨn̰ le ɨni.

Kɔl-gɨ-Ɗari gɨ Lug wal 3:19

Ama Ja̰ al Ɛrɔd ba-dɔɔ cay gɨsəŋ ga Galile, kɨya wa ban ƴee tam kurɨndi di ni Ɛrɔdɨyadɨ bɨ, lee hɨnga ga ɨsɨni ga ɗaŋ dan̰ kondige nee bɨ.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 13:12

Son̰do baa mɨnde gɨ kɨya ayaŋ lee gɨ kɨɗɨn̰ ga woli baa mɨnde. Hɨn̰ wo̰ na, tɨragɨŋ gɨye-lɔɔ gɨ da dɨlɨm gusɨgɨŋ coŋ bɨ tɨban̰gɨŋ hɨnga ga ni wɔrɨn̰ɛ ga da asɨn̰a gusɨgɨŋ.

Magtubu di Pol wal bɨn̰ kalaŋ ga Rɔm 16:17

Ay karmɨnɨ ga ban̰aŋ dan̰ ga kandɨ, aŋ halgɨŋ cay hɨnga ga pɨna. Ɗagɨŋ muɗɔlɛ a cay gusɨgɨŋ gɨŋ, a cay kalaŋ ga ka-gɨlgɨŋ hɨnga ga woy kan̰dɨge dan̰ hɨnga ga ni gɨle ga kɨŋ ba je tumɔ. Kalaŋ ga nee le, na ka-pɔyɛ ka-aye kudurɔ duroy nee bɨ, ka-dɨbe sɨya tumon̰ ka-aye kudurɔ bɨ. Dɨragɨŋ gusɨgɨŋ sɛdɨ gusɨge coŋ.

Magtubu di Pol wal bɨn̰ kalaŋ ga Rɔm 6:21

Kɛ wɔɔdi hɨnga ga kɨŋ ba wayi a te lɔɔ ɨsɨna gɨ da hɨnga ga tumɔ kɨŋ ba lee le ba ani ga? Na hɨnga nɔm ga haw kɛ dasi dɨgɨŋ kol cayge ɨni, kɨya wa na hɨnga ga kɨya orɨn̰ dan̰ kalaŋ na tɨma dɨŋ.

Galad 6:8

Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Epɛs 5:12

Hɨnga ga kalaŋ ga nee leege kɨɗɨn̰ ga wosi gaŋ le, lee dasi gɨ ni yɔɔ daa.

Epɛs 5:7

Naa hɨn̰ wo̰ na, kɨŋ bugoŋ danage pɨna a cay gɨye-lɔɔdɨge gaŋ naŋ.

Kɔlɔs 1:12

Hɨn̰ wo̰ na, kɨŋ laan̰ Bayna Kumu ho’o dan̰ tɨwa nɔm. Kɨya wa ban bɨlna leen̰ kalaŋ ga na ɓal wɔɔ hɨnga ga ni ban̰di-gulɔŋ ga da kalaŋ ga woyge dan̰ cɨndɨge boy dɔɔ-ƴaa asɨn̰a dɨŋ.

1 Tesalonigɨ 5:7

Kɨya wa ka-wɔyɛ kuŋ le woyge kuŋ na dan̰ son̰do bɨ, ka-sɔ cɛrɛ koydɨn̰ le, kɔydɛge na dan̰ son̰do bɨ.

2 Tesalonigɨ 3:14

Hɨn̰ gɨ ungo na kan̰a bɔgɛ kɔl a cay kɔl gɨ ni ba ye a duroy magtubu di kɛ dɨŋ le na, kɨŋ laa gɨ ɗe kalaŋ solii bɨ, ayagɨŋ gusɨgɨŋ sɛdɨ gusii coŋ, ɗe dasi dii.

2 Tesalonigɨ 3:6

Karmɨnɨ ga ban̰aŋ dan̰ ga kandɨ, ni ay noyni bɨgɨŋ dan̰ guson̰ Ba-gulɔŋ Jesu-Kɨris: Dɨragɨŋ gusɨgɨŋ sɛdɨ coŋ gusi kurɨndɨna gɨ ani ani gɨ woy kuŋ cay gusi gɨŋ bɨ, gɨye-lɔɔdi ɨra pɨna dan̰ hɨnga ga ni gɨle ga ni gɨlii naŋ bɨ.

1 Timote 5:20

Kan ga ba leege hɨnga ga ɨsɨni le, ji ɗalage cɨn̰ kamdɨge nɔm, ɗe toyge ga baa hɨndarge.

1 Timote 5:22

Ji ɗɔɔ ba sɔ kɨrɛd dɨbe kobɨn̰ cay ungo gɨ ni bogii gɨye kobi naŋ. Dɔbɛ gusɨn̰ boy ɨsɨna gɨ da ungo gɨŋ naŋ. Ɗa muɗɔlɛ cay gusɨn̰, mɔndɛ gɨye-lɔɔdɨn̰ gɨ arɨn̰ cərərə le coŋ naŋ.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

2 Timote 3:5

Gɨye-lɔɔdɨge gɨ doŋ kɨya gɨle gɨ kan naa ka-lɔɔ hɨnga ga bugoŋ pɨna dan̰ hɨnga ga Kumu gey le, ama kan na ka-man̰e dɔnɔ di woy boy nee coŋ. Kuɗa gɨ ji bɨl kardɨn̰ bɨn̰ kalaŋ ga nee le.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Titɨ 2:15

Sɨla! Hɨnga ga ojɨ gɨ ji kɨya gɨlɨn̰ kalaŋ ba kɛ: Dɨbage bandɨ kuduroyge bɨ, ji orɨn̰ dan̰ dɔnɔ cayge gɨ ni ɗalge kɨya gɨye-lɔɔdɨge bɨ. Ɗɔɔ ungo pɨna wo̰ hagɨrɨn̰ naŋ bɨ.

Wasɨn̰a 18:4

Ɨni na, ɨŋ je te tumoy ungo gɨ ɗaŋ gɨɗɨgɨ-Kumu gɨŋ ye hɨn̰: «Kɨŋ-gandi te kalaŋ kange, Andaŋgɨŋ duroy cay ƴaa-di-gumu di nee le coŋ, Naŋ na kɨŋ da lɔɔ ɨsɨnan̰əŋ ga hɨndi ba lee bɨ, Hɨnga ga ɨsɨni ga ka-mɔndɛ kɨɗɨn̰, Ga sige ojɨ caa le da loogɨŋ bɨ.