Epɛs 4:9 - Gabri Maja

⁹ «Ban nay a kɨɗɨn̰ ga daa gaŋ» duroy na wa ga? Duroy na Kɨris, tumɔ gɨsɨn dugo bɨ andaŋ te gɨsəŋ gaŋ mɨrɨg bɨ.

Epɛs 4:9 ပူးပေါင်းရင်းမြစ်များ

Matɨyo 12:40

Hɨnga ga naa lee gusɨge dan̰ Jonasɨ kuduroy gusa gɨ gumu gɨŋ ma leen̰ wɔlɛ sɨbɨ duroy son̰do dɨŋ bɨ, kɨɗɨn̰ ga woli gaŋ bɨ le, kɨya lɔɔ gusɨge na hɨn̰ wo̰ bɨ dan̰ Kurɨn̰-ungo. Ban kɨya lɔɔ wɔlɛ sɨbɨ duroy son̰do dɨŋ bɨ dan̰ kɨɗɨn̰ ga woli gaŋ bɨ, a te gɨsəŋ gaŋ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Kɔl-gɨ-Ɗari gɨ Ja̰ wal 3:13

Ungo pɨna wo̰ saa a cay gɨsəŋ gaŋ kɛ naa ɨra daa nii naŋ, ama na ɨŋ-bandi Kurɨn̰-ungo ƴɔbɨ ba sayga daa nii gɨsɨngɨ dugo cay gɨsəŋ gaŋ.

Kɔl-gɨ-Ɗari gɨ Ja̰ wal 6:33

Kɨya wa mapa gɨ da Kumu le, na ban gɨ sayga a daa nii ɨrga cay gɨsəŋ gaŋ bɨ, lee gɨ kalaŋ ga cay gɨsəŋ gaŋ somɨn̰ge-bɨra dan̰ cɨndɨge.»

Kɔl-gɨ-Ɗari gɨ Ja̰ wal 6:38

Kɨya wa ɨŋ sayga a daa nii ɨrga cay gɨsəŋ gaŋ, na kɨya lɔɔ hɨnga dan̰ kuduroy geye hɨnge naŋ, ama na kɨya lɔɔ kuduroy-geye gɨ da ban gɨ ba gɨyigəŋ.

Kɔl-gɨ-Ɗari gɨ Ja̰ wal 6:41

Ayɨn̰ toy a wɔlɛdi gɨ nee gɨŋ le, Jubɨn̰əŋ n̰amge-kɔl cay Jesu kɨya kɔl gɨ ban ni ye gɨ: «Ɨŋ na mapa gɨ sayga daa ɨrga cay gɨsəŋ gaŋ.»

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Kɔl-gɨ-Ɗari gɨ Ja̰ wal 6:58

Mapa gɨ sayga daa nii gɨsɨn a cay gɨsəŋ gaŋ le ba kɔ. Ban wɨya na hɨn̰ man gɨ mon̰igɨŋ ga jɨne naa diige le naŋ. Kan dige man ama mage. Ungo gɨ na daa mapa gɨ kɛ le, kɨya sɔmɛ-bɨra dan̰ cɨndi.»

Kɔl-gɨ-Ɗari gɨ Ja̰ wal 6:62

Ma hɨn̰ gɨ kɨŋ na sɨla Kurɨn̰-ungo dan̰ cɨndɨgɨŋ, saa ɨra sɨma a kɨɗɨn̰ sɔmɛdi ga tumɔ gaŋ le kɛ, gɨ ƴomgɨŋ isi cɨla coŋ naŋ ga?

Kɔl-gɨ-Ɗari gɨ Ja̰ wal 8:14

Jesu jɨga dɨbɨge cay nee yege hɨn̰: «Hɨn̰ gɨ ɨŋ na laa tɨmon̰ dan̰ canɨ tɨnge kalɨn̰ ma, tɨmon̰ tɨnge di ɨŋ lee le, na gɨyəŋdo gɨŋ. Kɨya wa ɨŋ sol kɨɗɨn̰ ga ɨŋ saygan̰ nee bɨ, kɨɗɨn̰ ga ɨŋ kɨya orɨn̰ nee bɨ. Ama kɨŋ-gandi na, kɨŋ sɨla kɨɗɨn̰ ga ɨŋ saygan̰ nee gaŋ naŋ bɨ, kɨɗɨn̰ ga ɨŋ kɨya orɨn̰ nee gaŋ naŋ bɨ.

Əbɨro 2:7

Ji jɨgan̰ danayi dugo lee gɨ ka-ƴɔbɛ ga daa, Ɗiige dan̰ dɔnɔ dḛ. Ji dobii jagɨwa ga ni gusoŋ-tɔgɛ bɨ, Jagɨwa ga ni hurɔmɔ cayi bɨ.

Əbɨro 2:9

Ama hɨnga ga na sol haw kɛ ba kɛ: Jesu le Kumu jɨgan̰ danayi dugo lee gɨ ka-ƴɔbɛ ga daa nii ɗiige gɨ ni tɨwa lam wo̰ bɨ kardi nee na, Kumu dobii jagɨwa ga ni gusoŋ-tɔgɛ bɨ, hurɔmɔ bɨ cayi, kɨya tɨma di gɨlii-cɨn̰. Na toy di hɨn̰ wo̰ ma, dan̰ gɨyəŋ gɨ da ɗarwa di da Kumu na, Jesu sol tɨma dan̰ tɨdi kol cay kalaŋ nɔm.