Epɛs 4:5 - Gabri Maja

⁵ Ba-gulɔŋ na pɨna hayi ƴɔbɨ bɨ, aye kudurɔ na pɨna hayi ƴɔbɨ bɨ, batɛm na pɨnaa ƴɔbɨ bɨ.

Epɛs 4:5 ပူးပေါင်းရင်းမြစ်များ

Matɨyo 28:19

Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Gɨye-lɔɔ 2:36

«Hɨn̰ wo̰ na, kuɗa gɨ waŋ waŋ gɨ a te wɨn̰je gɨ da Ɨsɨrayɛl sɨla kɔl gɨ kɛ le kuɗa: Jesu gɨ kɨŋ ba gagɨlii a cay sɨya-gɨ-dagɨli gɨŋ le, na ban ma Kumu bɨlii Ba-gulɔŋ bɨ, Kɨris ban gɨ Kumu dorii nee bɨ.»

Magtubu di Pol wal bɨn̰ kalaŋ ga Rɔm 3:30

kɨya wa Kumu na pɨna hayi ƴɔbɨ. Ban bɨle te kalaŋ ga na Jubɨn̰əŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge bɨ, bɨle te kalaŋ ga toyge na Jubɨ naŋ leen̰ ga dan̰ durɔ ɗɨngar a cɨndi na dan̰ gɨyəŋ gɨ da aye kudurɔ koge nee bɨ.

1 Korɛ̰t 1:13

Kɛ Kɨris le buyoŋ dugo ga? Kɛ na ɨŋ-bandi Pol ma kan gagɨləŋge cay sɨya-gɨ-dagɨli gɨŋ kol caygɨŋ ga? Kɛ na dan̰ guson̰ Pol ma kan ləgɨŋge batɛm ga?

1 Korɛ̰t 1:2

Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 12:5

Gɨye le toyge kondɨ ama na Ba-gulɔŋ gɨ pɨna hayi gɨ nee le ma, mani lee gɨye bii.

1 Korɛ̰t 8:6

Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.

2 Korɛ̰t 11:4

Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 4:13

Na hɨn̰ wo̰ ma, ma na kɨya loon̰ gɨye bɨrɨŋ gɨsɨn̰ gɨ na-gandi nɔm, na na bugoŋgɨŋ pɨna te aye kudurɔ gɨŋ bɨ, na na sɨlan̰gɨŋ Kurɨn̰-Kumu nara bɨ. Ɨni na, na-gandi nɔm na kɨya bɨləŋgɨŋ kalaŋ ga cɨndɨge nadɨrdaŋ ga malgɨge bɨrɨŋ ɓalɨn̰ge dan̰ Kɨris ca ca.

Pilib 2:11

Ɗe gɨ kɨbɨ te wɔɔ gɨ da kalaŋ nɔm ye gɨ Jesu-Kɨris naa Ba-gulɔŋ, Kɨya dɨbɨn̰ gusoŋ-tɔgɛ cay bayi Kumu.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Əbɨro 13:7

Hɨngɨŋ a cay ka-dɔrɛ tumoygɨŋ ga tumɔ teege bɛrnɛ gɨ da kɔl gɨ da Kumu bɨgɨŋ le. Sɨlagɨŋ gɨyəŋ gɨ kan dɨɗɨn̰ kɨbɨ gɨye-lɔɔdɨge bɨ, ayan̰gɨŋ cay tɨban̰ aye kudurɔ koge.

Əbɨro 6:6

Ma hɨn̰ wo̰ kalɨn̰ ma, hɨn̰ gɨ kalaŋ ga nee le na ɗage aye kudurɔ coŋ na, gɨyəŋ gɨ kan kɨya jɨgan̰ danage ɗe na bɨlɨn̰ge gɨye-lɔɔdɨge unɔ ɨni. Kɨya wa kalaŋ ga nee le, woy hɨn̰ gɨ kan gusɨge gaŋ na jɨgage gagɨl Kurɨn̰-Kumu a cay sɨya-gɨ-dagɨli gɨŋ ɗaŋ bɨ, wariige cɨn̰ kalaŋ ɗe na dɨbɨge dasi di gumu cayi a cɨn̰ kalaŋ wo̰ bɨ.

Magtubu di Jag wal 2:18

Gajanaŋ ungo kɨya yɔ hɨn̰: «Ji-bandi na ba-aye-kudurɔ, ama ɨŋ-bandi na ba lɔɔ gɨye.» Ɨni na, ɨŋ kɨya dɨbii cay nee yɔ hɨn̰: «Gɨləŋ aye kudurɔ kon̰ dɨle lɔɔ gɨye cay nee bɨ. Bɨ dan̰ gɨyəŋ gɨ da gɨye-lɔɔnɨ na, ɨŋ kɨya gɨlɨn̰ aye kudurɔ hɨnge bɨ.»

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

Magtubu di Jud wal 1:20

Ama ojɨn̰ caygɨŋ kɨŋ-gandi karmɨnɨ ga ɨŋ lee-toygɨŋ le, kɨŋ dɨba bandɨ kuduroy gusɨgɨŋ a te hɨnga ga ni gɨle ga cɨndi, ga kɨŋ bee kuduroygɨŋ cay nee ojɨn̰ cay Kumu le. Ulagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.