Epɛs 4:29 - Gabri Maja

²⁹ Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 4:29 ပူးပေါင်းရင်းမြစ်များ

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Kɔl-gɨ-Ɗari gɨ Lug wal 4:22

Kan nɔm yege kɔl gɨ ɗari kol cayi bɨ, kɔl kayge yɔd bɨ. Kɨya cay kɔl ga ɗadɨrdaŋ gɨ ba andaŋ a kɨbi le. Ama kardi nee na, kalaŋ ga pɨna duroyge yege hɨn̰: «Kɛ na ban kurɨn̰ Jɨsɛb le naŋ ga?»

Kɔl-gɨ-Ɗari gɨ Ja̰ wal 1:37

Kɨɗɨn̰ ga ka-aye-cay-tɨbay Ja̰ ga sɔɔ ga nee le, jege kɔl gɨ ban ba ye le ɨni na, kan kobɨge kardi Jesu.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:2

Kuɗa gɨ waŋ waŋ kalɨn̰ ma duroyna laa na hɨnga ga kɨya ƴɔɔ cɨn̰ mɨgayi, kol ɗarwa toyi bɨ, kol togii di kɨya sɔ cay mɨgaa dɨŋ bɨ.

1 Korɛ̰t 14:19

Ama duroy Ka-Daye na, ɨŋ gey yɔ na kɔl pɨna dan̰ gɨrɨn̰ canɨ gɨ ni gɨlɨn̰ kalaŋ ɗɨn̰ gɨ ni yɔ kɨbɨ gɨ ungo sɨla naŋ dubu-mɔjɨ.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Kɔlɔs 4:6

Ɗe gɨ kɔl yɔdɨgɨŋ wɨya na gɨ ɗari dan̰ wɔlɛ pɨna pɨna bɨ, andan̰ na dan̰ kɔl gɨ ƴogi daa daa bɨ. Ɗe agɨŋ solɨn̰ gɨyəŋ gɨ ni dɨbɨn̰ waŋ waŋ kalɨn̰ ma kɔl cay nee ojɨn̰ cay Kɔl-gɨ-Ɗari.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 3:1

Kɨŋ kandɨ, kogɨŋ ba kɛ: Dɨbagɨŋ caygɨŋ dugo bɨn̰ kodɨn̰igɨŋ, ɗe hɨn̰ gɨ kan ga pɨna duroyge na kan̰age bɔgɛ kuduroyge cay kɔl gɨ da Kumu kalɨn̰ ma, na bɨgan̰ge kuduroyge cayi kol gɨye-lɔɔdɨgɨŋ dɨle gɨ kan kɨya yɔɔ kɔl.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.