Epɛs 4:24 - Gabri Maja

²⁴ Laagɨŋ gɨye-lɔɔ gɨ da ungo gɨ hɨrɨwa gɨ Kumu ɗey ɗe na andaŋ le hɨn̰ badɨge ga hɨrɨwa ga kɨŋ dobɨ gusɨgɨŋ wo̰: Na ungo gɨ dan̰ durɔ bɨ, gɨ woy dan̰ cɨndi bɨ, dan̰ gɨyəŋ gɨ da kɔl gɨ cɨndi bɨ.

Epɛs 4:24 ပူးပေါင်းရင်းမြစ်များ

Kɔl-gɨ-Ɗari gɨ Lug wal 1:75

Ɗe ana na won̰gɨŋ hɨn̰ kalaŋ kayi Ga woyge dan̰ cɨndɨge wo̰ bɨ, Ga dan̰ durɔ ɗɨngar wo̰ bɨ, A tumoyi bɨrɨŋ gɨsɨn̰ wɔlɛ tɨman̰dɨnagɨŋ gɨŋ bɨ.

Kɔl-gɨ-Ɗari gɨ Ja̰ wal 17:17

Dɨrage sige dan̰ cɨndɨge, dan̰ gɨyəŋ gɨ da kɔl gɨ cɨndi. Kɔl kon̰ na kɔl gɨ cɨndi.

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

Magtubu di Pol wal bɨn̰ kalaŋ ga Rɔm 13:12

Son̰do baa mɨnde gɨ kɨya ayaŋ lee gɨ kɨɗɨn̰ ga woli baa mɨnde. Hɨn̰ wo̰ na, tɨragɨŋ gɨye-lɔɔ gɨ da dɨlɨm gusɨgɨŋ coŋ bɨ tɨban̰gɨŋ hɨnga ga ni wɔrɨn̰ɛ ga da asɨn̰a gusɨgɨŋ.

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 6:4

Kɨɗɨn̰ ga kan leenage batɛm le, na-gandi na ma dan̰ Kɨris bɨ, ɨmgɨnage danayi bɨ. Hɨn̰ gɨ Bayna Kumu ba boy Kɨris lɨbii dan̰ gɨyəŋ gɨ da dɔnɔ di da gusoŋ-tɔgɛ koyi le, na-gandi kalɨn̰ ma Kumu gey gɨ nana sɨma-bɨra dan̰ sɔmɛ-bɨra gɨ hɨrɨwa bɨ.

Magtubu di Pol wal bɨn̰ kalaŋ ga Rɔm 7:6

Ama haw kɛ na, nana kalaŋ ga cayna duroŋ coŋ a te dɔnɔ di da gasɨn̰-kɔl gɨŋ ɨni, kɨya wa na ma dan̰ Kɨris bɨ a cɨn̰ gasɨn̰-kɔl gɨ ƴomna dangay bɨ. Na toy di hɨn̰ wo̰ ma, na laagɨŋ gɨye bɨn̰ Kumu dan̰ lɔɔ gɨye gɨ ɨlgi dan̰ gɨyəŋ gɨ da gasɨn̰-kɔl gɨ walge a duroy Magtubu dɨŋ naŋ ɨni, ama dan̰ gɨyəŋ gɨ da dɔnɔ di da Turnɔ di da Kumu boy sɔmɛ-bɨra gɨ hɨrɨwa gɨŋ.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

1 Korɛ̰t 15:53

Na cɨndi naa wa wa kalɨn̰ ma ojɨ gɨ kuyoŋdi-gusɨna gɨ ba kɨya ɔsɨn̰ɛ na dɨba kuyoŋdi-gusɨna gɨ ba kɨya ɔsɨn̰ɛ naŋ bɨrɨŋ le. Bɨ ojɨ gɨ kuyoŋdi-gusɨna gɨ ba kɨya mare na dɨba ban gɨ ba kɨya mare naŋ bɨ.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 4:16

Na toy di hɨn̰ wo̰ ma, ni ɗa gusɨni marani naŋ. Na cɨndi, kuyoŋdi-gusɨna togii na duroŋ dḛ dḛ kalɨn̰ ma, sɔmɛ-bɨra gɨ hɨrɨwa woy te sɔ cay mɨngay gɨŋ dan̰ wɔlɛ pɨna pɨna.

2 Korɛ̰t 5:17

Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

Galad 3:27

Kɨya wa kɨŋ-gandi nɔm ga kan leegɨŋge batɛm le, kɨŋ bugoŋ pɨna dan̰ Kɨris, kɨŋ tobɨ Kɨris gusɨgɨŋ hɨn̰ badɨge wo̰.

Galad 6:15

Na toy di hɨn̰ wo̰ ma, wale ban̰a wala, wale ban̰a naŋ kalɨn̰ ma, laa hɨnga naŋ. Ama hɨnga ga kuɗa tɔgɨ na, ojɨ gɨ waŋ waŋ kalɨn̰ ma na andaŋ a boy-sɔmɛ-bɨra gɨ hɨrɨwa gɨŋ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 2:15

Dan̰ gɨyəŋ gɨ da tɨmaydi na, Jesu lee gɨ na kɔbɛ gɨ da gasɨn̰-kɔl bɨ, te tumɔ bɨ, naa ba kɨya lɔɔ gɨ Kumu na kɨya ƴomna gusi naŋ. Ban lee hɨnga ga nee le, ɗe Jubɨn̰əŋ bɨ, kalaŋ ga toyge na Jubɨ naŋ bɨ, na bɨləŋge te kalaŋ ga hɨrɨwa ga bugoŋge pɨna dan̰ Kɨris bɨ, ɗe gusi-dɔbɛ na woy duroyge bɨ.

Epɛs 6:11

Tɨbagɨŋ hɨnga ga ni wɔrɨn̰ɛ ga da Kumu nɔm a gusɨgɨŋ, ɗe agɨŋ ɨrɨn̰ osu bɨ, mɨn̰ɨn̰ jɨba da haban̰ bɨ.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 1:8

Ama a cay kurondi na, Kumu ye hɨn̰: «Ay, Kumu kali-tɨrɨmbala ton̰ woy dan̰ tumɔɔ. Bɨ ji di cay ƴaa ton̰ na dan̰ gɨye-lɔɔ, Gɨ dan̰ durɔ ɗɨngar bɨ.

Əbɨro 12:14

Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.

2 Pɨyɛr 1:4

Na kol cay gusoŋ-tɔgɛ dan̰ tɔgɨ toyi le ma, nana wan̰ hɨnga nɔm ga ɗadɨrdaŋ ga gɨmdəŋ ga kɨledɨge osu tɔgɨ, gɨ naa Kumu ye gɨ ɗi na kɨya lɔɔ bɨna le. Ban bɨgɨŋ hɨnga nɔm ga ɗadɨrdaŋ ga nee le, na ɗe gɨ tabɨlaŋdi hɨnga ga ɨsɨndəŋ ga cay gɨsəŋ gaŋ na gɨ mondɨgɨŋ naŋ ɨni. Ama na ɗe gɨ ana na bugoŋgɨŋ pɨna leen̰ cɨndi dan̰ Kumu.