Epɛs 4:17 - Gabri Maja

¹⁷ Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Epɛs 4:17 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:28

kɨya wa karmɨnɨ won̰ge bay baage nee. Kuɗa gɨ ban ɨra halage ɗe kan kalɨn̰ ma da ɨrgage a kɨɗɨn̰ ga ni mɨrɨn̰tɨn̰i ga kɛ gaŋ le naŋ ɨni.”

Gɨye-lɔɔ 14:15

«Ka-pogɨn̰ɨni, kɨŋ le na wa ba hɨn̰ wo̰ ga? Ni na kalaŋ ga ɨndəŋ hɨn̰ kɨŋ-gandi wo̰ bɨ! Kɔl-gɨ-Ɗari gɨ ni ba tee bɛrnɛdi le, na gɨ agɨŋ na ɗen̰ kardi kulan̰əŋ ga kalɨn̰ wo̰ coŋ bɨ, agɨŋ na bɨlɨn̰ gusɨgɨŋ gusi Kumu gɨ som-bɨra. Ban na ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, hɨnga nɔm ga ba woy boy kuray gɨ gumu taa taa gɨŋ bɨ, gɨɗɨgɨ-Kumu gɨŋ bɨ.

Gɨye-lɔɔ 18:5

Ama kɨɗɨn̰ ga Sɨlas dan̰ Timote saygage Masedɨwan bugoŋge ɨni na, Pol laa hɨnga ga ɗaŋ naŋ ɨni bɨ, ban ɗe gusi na kɨbɨ gɨye tɔgɛ bɛrnɛ gɨŋ ƴɔbɨ. Ban gɨlɨn̰ kalaŋ ga ni Jubɨn̰əŋ gɨ Jesu naa Kɨris ban gɨ Kumu dorii le leen̰ cɨndi.

Gɨye-lɔɔ 2:40

Pɨyɛr yege kɔl gɨ ɗaŋ dan̰ kondi kɨya boyge jɨgan̰ ɗe kan na ayan̰ kuduroyge, kɨya dobɨn̰ bandɨ kuduroyge bɨ, yege hɨn̰: «Ƴagɨŋ pɔɗɛ gɨ da Jesu agɨŋ andɨn̰ duroy kalaŋ ga ka-lɔɔ terɨn̰ ga haw kɛ coŋ.»

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Magtubu di Pol wal bɨn̰ kalaŋ ga Rɔm 1:21

Kalaŋ solge gɨ Kumu woy nee hage, ama kan̰ge dɨbe gusoŋ-tɔgɛ cayi leen̰ Kumu bɨ, looyi ho’o bɨ. Gɨ ɗe kan na lee hɨn̰ wo̰ na kan laage naŋ, ama kan ɗe ɨrɨmedɨge gɨ kalɨn̰ wo̰ dugo le, orɨn̰ danage dɨbɨge coŋ.

1 Korɛ̰t 1:12

Kɔl gɨ ɨŋ ba gey yogɨŋ ba kɛ: Waŋ waŋ kalɨn̰ ma kɔl yɔdi or kan̰di kan̰di. Kan ga pɨna yege hɨn̰: «Ɨŋ-bandi ɨŋ na gɨ da Pol.» Ga ɗaŋ yege hɨn̰: «Ɨŋ-bandi ɨŋ na gɨ da Apolos.» Ga ɗaŋ coŋ yege hɨn̰: «Ɨŋ-bandi ɨŋ na gɨ da Kepas.» Bɨ ga ɗaŋ yege hɨn̰: «Ɨŋ-bandi ɨŋ na gɨ da Kɨris.»

1 Korɛ̰t 15:50

Ay, karmɨnɨ ga ban̰aŋ dan̰ ga kandɨ, kɔl gɨ ɨŋ ba gey yogɨŋ ba kɛ: Kuyoŋ-gusu ɓala wɔɔ hɨnga ga ni ban̰di-gulɔŋ gɨ da dɔɔ-ƴaa di da Kumu naŋ. Hɨnga ga kɨya ɔsɨn̰ɛ kɨya ɓale wɔɔ hɨnga ga ni ban̰di-gulɔŋ gɨ da hɨnga ga kɨya ɔsɨn̰ɛ naŋ, naŋ bɨrɨŋ.

2 Korɛ̰t 9:6

Hɨngɨŋ a cay kɔl gɨ ba kɛ gɨŋ: Hɨn̰ gɨ ungo na gɨsɨ dḛḛ wo̰ na, kɨya wale na dḛḛ wo̰ bɨ, hɨn̰ gɨ ungo na gɨsɨ hala, na kɨya wale na halwa bɨ.

Galad 3:17

Kɔl gɨ ɨŋ ba ye le toy ba kɛ: Kumu gɨsɨ hɨnga kayi ga ni lɔɔ ban̰di dan̰ gɨyəŋdɨge bɨ, ye gɨ hɨnga ga ban ye gɨ ɗi na kɨya lɔɔ le na kɨya wɔyɛ jaŋ ban̰di nee bɨ. Gasɨn̰-kɔl gɨ ba ɨrga ɨlge aru poɗɨn̰ dan̰ toy-sɨbɨ kardi nee le, kɨya ɓale mɔndɛ naŋ bɨ, kɨya ɓale dɔrɛ coŋ naŋ bɨ.

Galad 5:3

Ɨŋ jɨga ye kɔl gɨ kɛ le ɗaŋ coŋ, gɨ waŋ waŋ gɨ na ɗa gusi gɨ kan na walayi ban̰a, dan̰ wale ban̰a dan̰ te gɨyəŋ gɨ da gasɨn̰-kɔl gɨ da Moyis na, ojɨ gɨ ban gɨ lɔɔ kɨbɨ gasɨn̰-kɔl nɔm dɨɗe.

Epɛs 1:22

Ho’o, Ban dobɨ hɨnga nɔm a te tɨrɨmbala di da Kɨris dɨŋ, Bɨ ayi leeyi ba-cay hɨnga nɔm, Gɨ da Ka-Daye.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

Kɔlɔs 2:4

Ɨŋ ye kɔl gɨ nee le hɨn̰ wo̰ na ɗe gɨ agɨŋ na ɗen̰ ungo wo̰ nare cɨndɨgɨŋ dan̰ kɔl ga mɔɔ cangɨn̰ danagɨŋ a gɨyəŋ gɨ ɗaŋ gɨŋ naŋ.

1 Tesalonigɨ 4:6

Ojɨ cay kɔl gɨ nee le na, ɗɔɔ gɨ ungo mɔndɛ kuduroy kurɨndi wala tɨmdi naŋ bɨ, nare cɨndɨgɨŋ malɨn̰ gusɨgɨŋ kardi gusɨgɨŋ naŋ bɨ. Kɨya wa Ba-gulɔŋ kɨya gɔjɛ-baa di da hɨnga nɔm ga nee le. Ni yəgɨŋ kɔl gɨ nee le tumɔ bɨ, ni gɨlgɨŋ gɨ naa cɨndi bɨ.

1 Timote 5:21

Ɨŋ olɨn̰ tumoy Kumu bɨ, tumoy Jesu-Kɨris bɨ, tumoy ka-ƴɔbɛ ga daa nii ga torgege bɨ, ji laa hɨnga ga ɨŋ ba gɨlɨn̰ kɛ le dɨle bɔɔ te ungo pɨna naŋ bɨ, dɨle lɔɔ hɨnga pɨna kɨya dorɨn̰ cɨn̰ ungo naŋ bɨ.

1 Timote 6:13

Kumu gɨ ba lɔɔ gɨ hɨnga nɔm som-bɨra bɨ, Jesu-Kɨris gɨ lee tɨmon̰ tumoy Po̰s Piladɨ, lee gɨ ban ye kɔl aye kudurɔ gɨ kuɗa tɔgɨ daa pɨraŋ bɨ le, ɨŋ yen̰ hɨnga ga kɛ le tumoy Kumu dan̰ Jesu-Kɨris ɗe gɨ an̰ lee:

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

1 Pɨyɛr 1:18

Sɨlagɨŋ, hɨnga ga Kumu bee kɨya bon̰ caygɨŋ duroy gɨye-lɔɔ gɨ ɨsɨni gɨ ban̰an̰gɨŋ ɗege bɨgɨŋ, hɨn̰ hɨnga ga ni ban̰di-gulɔŋ wo̰ le, ban dɨragɨŋ na dan̰ hɨnga ga lam wo̰ ga kardi nee kɨya mundoŋ hɨn̰ nare gɨ ni arja̰ bɨ, lɔr bɨ wo̰ naŋ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.