Epɛs 4:16 - Gabri Maja

¹⁶ Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Epɛs 4:16 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 15:5

«Ɨŋ-bandi, ɨŋ na hɨyadi suru bɨ, kɨŋ na karɨn̰ kobi bɨ. Ungo gɨ na bugoŋ pɨna danaŋ bɨ, ɨŋ na bugoŋ pɨna danayi bɨ na, kɨya wɔyɛ na hɨn̰ hɨyadi suru gɨ wɔɔ karɨndi tɔgɨ wo̰. Kɨya wa dɨle ɨŋ-bandi na, kɨŋ kɨya ɓale lɔɔ hɨnga pɨna cay gusɨgɨŋ naŋ.

Magtubu di Pol wal bɨn̰ kalaŋ ga Rɔm 12:4

Sɨlagɨŋ, ungo le kuyoŋdi-gusi na pɨna hayi dan̰ kɨway gusi ga kondi tɔgɨ. Ama waŋ waŋ kalɨn̰ ma orɨn̰ dan̰ gɨye-lɔɔdi gɨ ojɨ cayi cayi.

1 Korɛ̰t 10:17

Ho’o, kɨya gɨ mapa di nee le na pɨnaa kəɗ kəɗ bɨ, na-gandi ga dan̰ kondiina le kalɨn̰ ma na bɨləŋgɨŋ na kuyoŋ-gusu gɨ pɨna dan̰ gɨyəŋ gɨ da dɔɔ mapa di pɨnaa kəɗ kəɗ di nee le bɨ.

1 Korɛ̰t 13:13

Haw kɛ na, hɨnga ga woy dan̰ cɨndɨge yɔd le toyge won̰ na sɨbɨ: Na aye kudurɔ bɨ, bɔgɛ ɨrɨme a cay Kumu bɨ, wandɨ bɨ. Ama duroy kan ga sɨbɨ le, gɨ gumu ɗige nɔm na wandɨ.

1 Korɛ̰t 8:1

Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 1:4

Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi,

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 3:7

Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari.

Epɛs 4:12

Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:15

Ama na kɨya yɔ kɔl gɨ cɨndi dan̰ wandɨ, hɨn̰ wo̰ na na kɨya malge bɨlɨn̰ kalaŋ ga cɨndɨge nadɨrdaŋ cay hɨnga nɔm dan̰ te bugoŋ pɨna dan̰ Kɨris. Ban ma na ba-cayna.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

Kɔlɔs 2:19

Kalaŋ ga nee le sɨlɨn̰ge gusɨge gusi Kɨris naŋ bɨrɨŋ. Ban woy gɨlɨn̰ na hɨn̰ caa wo̰ bɨ, Ka-Daye woy gɨlɨn̰ na hɨn̰ kuyoŋdi-gusi wo̰ bɨ. Kalaŋ ga bugoŋge danayi le, ban bɨge hɨnga nɔm ga kan orɨn̰ n̰agedɨge bɨ, ban lee gɨ kan bugoŋge pɨna duroyge bɨ. Hɨn̰ gɨ kuyoŋdi-gusi ungo ba bugoŋ pɨna dan̰ gɨyəŋ gɨ da gurɨyadi dan̰ sere wo̰ bɨ malgɨn̰ge hɨn̰ gɨ Kumu ba gey wo̰ bɨ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.