Epɛs 4:14 - Gabri Maja

¹⁴ Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Epɛs 4:14 ပူးပေါင်းရင်းမြစ်များ

Matɨyo 11:7

Kɨɗɨn̰ ga ka-aye-cay-tɨbay Ja̰ jogɨge ɨni na, Jesu ay te yɔɔ kɔl gɨ ojɨ cay Ja̰ bɨn̰ dɨmdɨr di kalaŋ ye hɨn̰: «Kɨɗɨn̰ ga kɨŋ baga a duroy daldɨŋ le kɛ, kɨŋ ɨrɨm hɨn̰ gɨ kɨŋ na kɨya sɔlɛ naa ungo gɨ na mɨna ga? Na ungo gɨ gɨlɨn̰ hɨn̰ hɛɗɨmɛ ga kal ye ma lamge wo̰ ga? Naŋ!

Matɨyo 24:11

Ka-yɔɔ-kɔl-gɨ-Kumu-ba-yɔɔ ga cɨndi naŋ, kɨya sɔge dan̰ kondige bɨ, kɨya narege kalaŋ dan̰ kondige bɨ.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Gɨye-lɔɔ 23:21

Ama ji jɔɔ kɔl koge naŋ, kɨya wa kalaŋ duroyge ɗɨn̰ toyge-poɗɨn̰ woyge nee ɓɨsege gusɨge bɨn̰ gusɨge gɨ ni dɔɔ hɨnga naŋ bɨ, sɔɔ hɨnga naŋ bɨ, bɨrɨŋ gɨsɨn̰ gɨ ke na gɨ dɨɗɨn̰ Pol pa dɨm. Lee gɨ kan wosɨge te gɨyəŋ gɨŋ amiige nee. Kan haw kɛ somge cay tɨbayge dɨŋ ɨni bɨ, kan gamge na kɔl gɨ kɨbɨn̰ gɨ ji na gey ƴɔbɨ.»

1 Korɛ̰t 12:2

Kɨŋ sol kuɗa gɨ kɨɗɨn̰ ga kɨŋ ba ban̰ solɨn̰ Kumu gɨ cɨndi ƴee le, kɨŋ n̰ɨre kulan̰əŋ ga toyge kan̰dɨge kan̰dɨge bɨ, kɨŋ godɨrde badɨ badɨ gusi kulan̰əŋ ga kɨbɨge munduŋ ga nee le.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

1 Korɛ̰t 3:19

Kɨya wa cɨn̰-muɗɔlɛ da kalaŋ ga cay gɨsəŋ gaŋ kɛ, woy dɨngal cɨn̰ Kumu. Kɨya wa walge duroy Magtubu di da Kumu dɨŋ yege hɨn̰: «Kumu ƴom ka-cɨn̰-muɗɔlɛ dan̰ jɨba toge gaŋ.»

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

Galad 3:1

Hay! Karmɨnɨ ga a cay gɨsəŋ ga Galasi gaŋ, kɨŋ na kalaŋ ga gɨrɨn̰ caygɨŋ laa gɨye naŋ. Kɨŋ ga kan gɨlgɨŋge Jesu-Kɨris gɨ gagɨliige a cay sɨya-gɨ-dagɨli gɨŋ ɗe arɨn̰ cɨndɨgɨŋ cərərə le, kɛ na waŋ ba bɨle cɨndɨgɨŋ coŋ ga?

Epɛs 6:11

Tɨbagɨŋ hɨnga ga ni wɔrɨn̰ɛ ga da Kumu nɔm a gusɨgɨŋ, ɗe agɨŋ ɨrɨn̰ osu bɨ, mɨn̰ɨn̰ jɨba da haban̰ bɨ.

1 Timote 3:6

Ɗɔɔ gɨ ban wɔyɛ ba-aye-kudurɔ gɨ hɨrɨwa naŋ ƴee, naŋ na dɔgɛ-jɔrgɔ kɨya lɔɔ ɗe gɨ Kumu kɨya bon̰ kɔl cay, hɨn̰ gɨ ban ba bon̰ kɔl cay Haban̰ wo̰.

2 Timote 1:15

Hɨn̰ gɨ ji ba sol le, kalaŋ ga a cay gɨsəŋ ga Aji nɔm ɗəŋge coŋ. Pijɛl dan̰ Ɛrmojɛn na danage bɨ.

2 Timote 3:13

Ama kalaŋ ga ɨsɨndəŋ bɨ, ka-nare kɨɗɨn̰ bɨ, kɨya lɔɔge hɨnga ga ɨsɨni dan̰ cɨndɨge tumɔ tumɔ bɨ, kan kɨya nare kamdɨge bɨ, kɨya nare gusɨge koge gaŋ bɨ.

2 Timote 4:3

Kɨya wa wɔlɛ tɨlga nee gɨ kalaŋ kɨya geyege gɨle hɨnga ga cɨndi naŋ, ama kɨya lɔɔge na hɨnga ga kuduroyge gey. Lee gɨ kan kɨya daye kalaŋ ga ka-gɨlge hɨnga nɔm dan̰ kondɨwayge ga ka-gɨlge hɨnga ga kɨya mooge.

Əbɨro 13:9

Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

Magtubu di Jag wal 1:6

Ama naa wa wa kalɨn̰ ma, ɗa gɨ ban ɨngɨr dan̰ aye kudurɔ dɨle ɗɔɔ ɨrɨme kuduroy sɔɔ sɔɔ, kɨya wa ungo gɨ ɨrɨm kuduroy sɔɔ sɔɔ le, gɨlɨn̰ na hɨn̰ mɛw di kaŋdi kuray gɨ gumu taa taa gɨ kal sɨwɨrde ɗe basɨdaŋ or jɨn̰ ni ni bɨ, jɨga jɨn̰ kɛ kɛ bɨ.

Magtubu di Jag wal 3:4

Sɨlagɨŋ Koburon̰əŋ ga gɨmdəŋ taa taa kɛ. Kan gɨmdəŋ taa taa hage, ma hɨn̰ gɨ kal na dɨra tɔgɨ dan̰ togi nɨngɨldage kalɨn̰ ma, ungo kɨya ɓale dɔrɛ tumoyge orɨn̰ danage kɨɗɨn̰ ga ban gey gaŋ, dan̰ gundi sɨya ga dḛ wo̰.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.

1 Ja̰ 2:26

Sɨlagɨŋ ɨŋ wal kɔl gɨ kɛ le bɨgɨŋ, ojɨn̰ na cay kalaŋ ga malge gɨyəŋ gɨ ni nargɨŋ bogɨgɨŋ kayaŋ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Magtubu di Jud wal 1:12

Kɨɗɨn̰ ga kɨŋ day caygɨŋ kɨya dɔɔ gɨ da ka-karme na, kalaŋ ga nee le diidege bɨ, siidege bɨ, dɨle doon̰ dasi. Kan gɨlɨn̰ na hɨn̰ gundo gɨ ba dɔgɛ tɨbay ungo nayi wo̰ bɨ. Kan gɨlɨn̰ na hɨn̰ gɨrɨmbale ga kal gɨ gumu dorge narge ɔngɛ wo̰ bɨ. Kan gɨlɨn̰ na hɨn̰ hayaŋ ga wɔɔdɨge unɔ cayge bɨrɨŋ wo̰ bɨ, ga turoŋ dan̰ toyge daa bɨ, mage yɔd coŋ bɨ.

Wasɨn̰a 19:20

Ƴomge kɨmana le bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ. Tumɔ, ba-yɔɔ-kɔl-gɨ-Kumu-ba-yɔɔ gɨ cɨndi naŋ gɨ nee le, lee hɨnga ga ɗɨn̰ cɨn̰-kɨɗɨn̰ tumoy kɨmana le narɨn̰ cɨn̰ kalaŋ ga tɨnda woy gusɨge bɨ, kalaŋ ga ka-n̰ɨrege turnoy kɨmana le bɨ. Kɨmana le bɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ le, ƴomgege beegege dan̰ cɨndɨge duroy kuray di tɨwa da kɨrbaŋdi hɨnga ga ƴee hɨn̰ tɨwa wo̰ bɨ.