Epɛs 4:12 - Gabri Maja

¹² Ban bɨge hɨnga ga kalɨn̰ ga nee le, ɗe kalaŋ ga woyge dan̰ cɨndɨge na ɓalɨn̰ge leen̰ge gɨye koyi le, ɗe kuyoŋdi Kɨris na orɨn̰ jɨn̰ tumɔ tumɔ.

Epɛs 4:12 ပူးပေါင်းရင်းမြစ်များ

Kɔl-gɨ-Ɗari gɨ Lug wal 22:32

Ama ɨŋ-bandi na, ɨŋ ol Kumu kol can̰ ɗe aye kudurɔ kon̰ na gɨ jɔgɛ karu naŋ. Kɨɗɨn̰ ga ji na bɨl gɨye lɔɔdɨn̰ jɨge gusɨnɨ na, dɨba bandɨ a kuduroy karmɨn̰.»

Gɨye-lɔɔ 1:17

Judasɨ le, tumɔ kan ɗoŋgɨsiige duroyni bɨ, gɨye gɨ ni ba lee le kalɨn̰ ma, kan biige kɨway gɨ ojɨ cay danani bɨ.

Gɨye-lɔɔ 1:25

ɗe ƴee ban̰di Judasɨ boy gɨye gɨ ni gɨre-gɨye gɨ ban ba ɗe coŋ, orɨn̰ kɨɗɨn̰ ga ojɨ cayi gaŋ le.»

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Magtubu di Pol wal bɨn̰ kalaŋ ga Rɔm 12:5

Kona na-gandi kalɨn̰ ma woy gɨlɨn̰ na hɨn̰ wo̰ bɨ. Na woy gɨlɨn̰ na hɨn̰ kɨway kuyoŋdi-gusu wo̰. Na gandi ga na kondɨ le nana kuyoŋdi-gusu gɨ pɨna hayi, te bugoŋ pɨna dan̰ Kɨris. Waŋ waŋ kalɨn̰ ma orɨn̰ dan̰ gɨye-lɔɔdi.

Magtubu di Pol wal bɨn̰ kalaŋ ga Rɔm 12:7

Hɨn̰ gɨ Kumu na bɨn̰ ungo dɔnɔ di ni leen̰ gɨye a duroy ka karme na, kuɗa gɨ ban laa gɨye. Hɨn̰ gɨ Kumu na bɨn̰ ungo jɨba di ni gɨlɨn̰ kalaŋ hɨnga na, kuɗa gɨ ban gɨlge.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:14

Ay karmɨnɨ ga ban̰aŋ dan̰ ga kandɨ, gɨ ojɨ caygɨŋ kɨŋ-gandi na, ɨŋ-bandi dan̰ gusɨnɨ hɨnge ɨŋ sol kuɗa gɨ ɗarwa bɨ sɔlɛ-hɨnga bɨ walɨn̰ kuduroygɨŋ jɨŋ jɨŋ daa bɨ, kɨŋ ɓal hale gusɨgɨŋ duroygɨŋ bɨ.

Magtubu di Pol wal bɨn̰ kalaŋ ga Rɔm 15:2

Kuɗa gɨ waŋ waŋ kalɨn̰ ma duroyna laa na hɨnga ga kɨya ƴɔɔ cɨn̰ mɨgayi, kol ɗarwa toyi bɨ, kol togii di kɨya sɔ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:29

Ɨŋ sol gɨ kɨɗɨn̰ ga ɨŋ na bugoŋ gusɨgɨŋ na, ɨŋ kɨya bugoŋ na dan̰ tɔrɛ-kɨbɨ gɨ da Kɨris gɨ ojɨ caygɨŋ gɨ walɨn̰ daa jɨŋ jɨŋ.

1 Korɛ̰t 12:27

Kɨŋ-gandi nɔm kɨŋ na kuyoŋdi Kɨris ɨni bɨ, kɨŋ-gandi pɨna pɨna na karɨn̰ gusi bɨ.

1 Korɛ̰t 12:7

Waŋ waŋ kalɨn̰ ma Kumu bii hɨnga ga ni bee-kalɨn̰ ga ojɨn̰ cayi ɗe na gɨlɨn̰ dɔnɔ di da Turnɔ di da Kumu jɨn̰ doŋ ɗe na laa dan̰ kalaŋ nɔm.

1 Korɛ̰t 14:12

Kɨŋ-gandi kalɨn̰ ma kogɨŋ na hɨn̰ wo̰ bɨ: Ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna bɨ, malagɨŋ ɗe agɨŋ way cay mɨga dɨŋ hɨnga ga kɨya jɨbe te Ka-Daye ɗe na malgɨn̰ge te aye kudurɔ gɨŋ bɨ.

1 Korɛ̰t 14:14

Hɨn̰ gɨ ɨŋ na ula Kumu dan̰ kɨbɨ gɨ ungo sɨla naŋ na, turnonɨ ol Kumu ɨni haa, ama gɨrɨn̰ canɨ laa gɨye naŋ.

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 13:11

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Laagɨŋ gusi-mɔwa bɨ ɨragɨŋ tumɔ te duroŋ cɨrɛɗ gɨŋ bɨ, dɨban̰gɨŋ gusɨgɨŋ bandɨ duroygɨŋ bɨ, kuɗa gɨ ɨrɨmedɨgɨŋ wɨya pɨna bɨ, sɨmagɨŋ dan̰ gusi-dɔbɛ bɨ. Na hɨn̰ wo̰ ma, Kumu gɨ na Ba-gulɔŋ geye bɨ, Ba-gulɔŋ gusi-dɔbɛ bɨ, kɨya bɔɔ danagɨŋ.

2 Korɛ̰t 13:9

Hɨn̰ gɨ ni-gandi ni na ɨran̰ dan̰ dɔnɔ naŋ, ma naa kɨŋ-gandi ƴɔbɨ na ba ɨran̰ na, ni lee gusi-mɔwa. Ni ol Kumu kol caygɨŋ ɗe agɨŋ na bɨləŋ ka-aye kudurɔ ga duroŋ cɨrɛɗ.

2 Korɛ̰t 3:8

kɛ na mɨna ma gɨye-lɔɔ gɨ da Turnɔ di da Kumu le kɨya asɨn̰a ɗɨn̰ naŋ ga?

2 Korɛ̰t 4:1

Kumu sol cɨn̰-n̰age toni, lee gɨ ban bɨni gɨye gɨ nee le. Na toy di hɨn̰ wo̰ ma, gusɨni marani naŋ.

2 Korɛ̰t 5:18

Hɨnga ga nee le nɔm sayga na gusi Kumu gɨ ba bogɨna pɨna danayi dan̰ gɨyəŋ gɨ da Kɨris bɨ, gɨ ba bogɨna gɨye bɔgɛ kalaŋ pɨna danayi, kobɨna bɨ.

2 Korɛ̰t 6:3

Ni gey lɔɔ hɨnga ga ɨsɨni wo̰ gɨ kɨya bɨle gundi sɨya dɔgɛ tɨbay ungo nayi naŋ, kɨya wa ni gey gɨ ungo na gɨ dɔrɛ kol gɨye gɨ ni lee ɨsɨn naŋ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Epɛs 1:23

Ka-Daye na kuyoŋdi-gusi bɨ, dɔnɔ di da Kɨris wanɨn̰ gusɨge bɨ, dɔnɔ di da Kɨris ƴee gusi hɨnga nɔm bɨ.

Epɛs 4:16

Na ban ba bɔgɛ te kalaŋ kayi pɨna ɗe kan na bugoŋge pɨna hɨn̰ gurɨyadɨna gɨ saɗɨdaŋ dan̰ gusɨge wo̰. Kɨɗɨn̰ ga kɨway gusɨna pɨna pɨna na laage gɨye koge kuɗa na, kuyoŋdi-gusɨna nɔm kɨya malge bɨ, bɨləŋ osɨwa dan̰ gɨyəŋ gɨ da geye bɨ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 4:4

Kuyoŋdi Kɨris na pɨna ƴɔbɨ bɨ, Turnɔ di da Kumu kalɨn̰ ma na pɨna ƴɔbɨ bɨ. Hɨn̰ wo̰ na hɨnga ga Kumu ye gɨ kɨŋ na bɨga ɨrɨmedɨgɨŋ cay nee kɨɗɨn̰ ga ban təgɨŋ le kalɨn̰ ma na pɨna hage ƴɔbɨ bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

Kɔlɔs 1:28

Na Kɨris gɨ nee le ma mani tee bɛrnɛdi bɨn̰ kalaŋ nɔm. Ni halɨn̰ ungo gɨ ani ani bɨ, ni gɨlɨn̰ ungo gɨ ani ani kɔl dan̰ cɨn̰-muɗɔlɛ nɔm bɨ, ɗe gɨ kalaŋ ga ani ani kalɨn̰ ma na bɨlɨn̰ge kalaŋ ga duroŋ cɨrɛɗ te bugoŋ pɨna dan̰ Kɨris.

Kɔlɔs 4:17

Ɨni na, yan̰gɨŋ Argip ya hɨn̰: «Sɨma-bɨra a kɨbɨ gɨye gɨ Ba-gulɔŋ ba been̰ kobɨn̰ le, ɗe an̰ lee duroŋ cɨrɛɗ.»

1 Timote 1:12

Ɨŋ leen̰ ho’o Ba-gulondɨna Jesu-Kɨris ba bəŋ tɔgɨ, kɨya wa ban sol gɨ ɨŋ ɓal gɨ ban na kɨya bəŋ kuduroyi. Lee gɨ Ban ayaŋ a boy gɨye koyi gɨŋ.

2 Timote 4:11

ama na Lug ba bɔɔ danaŋ kɛ ƴɔbɨ. Kuɗa gɨ Marg ɨre danan̰, kɨya wa ban kɨya jɨbe tonɨ boy gɨyen̰əŋ gaŋ.

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Əbɨro 6:1

Na toy di hɨn̰ wo̰ ma, kuɗa gɨ ana orgɨŋ dan̰ cɨndɨna tumɔ a te hɨnga ga ni gɨle ga ojɨ cay kalaŋ ga cɨndɨge nadɨrdaŋ a te Kɨris gaŋ bɨ. Kuɗa gɨ na sɔmdɛgɨŋ cay hɨnga ga ni gɨle ga cay wase gɨ ojɨ cay Kɨris le naŋ ɨni. Dɨle jɔgɛ tɨrabe hɨnga ga ni gɨle ga sayga toyge dɨŋ, hɨnga ga nee le ba kɛ: Ɗɔɔ kardi hɨnga ga kɨya orɨn̰ dan̰ kalaŋ tɨma dɨŋ bɨ, bɔgɛ kudurɔ cay Kumu bɨ,