Epɛs 4:11 - Gabri Maja

¹¹ Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

Epɛs 4:11 ပူးပေါင်းရင်းမြစ်များ

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 21:8

Wan̰dodo dɨŋ na, ni or a cay ƴaa-di-gumu di Sejare dɨŋ bɨ, ni gɨsɨn a da Pilib ba tɔgɛ bɛrnɛ Kɔl-gɨ-Ɗari. Ban na ungo gɨ pɨna wo̰, duroy ban̰aŋ ga jurgum ga kan torge kɨya jɨbe te Ka-Daye le.

Magtubu di Pol wal bɨn̰ kalaŋ ga Rɔm 12:7

Hɨn̰ gɨ Kumu na bɨn̰ ungo dɔnɔ di ni leen̰ gɨye a duroy ka karme na, kuɗa gɨ ban laa gɨye. Hɨn̰ gɨ Kumu na bɨn̰ ungo jɨba di ni gɨlɨn̰ kalaŋ hɨnga na, kuɗa gɨ ban gɨlge.

1 Korɛ̰t 12:4

Hɨnga ga Turnɔ di da Kumu bɨn̰ kalaŋ kalɨn̰ le toyge kondɨ, ama na Turnɔ di da Kumu di pɨnaa di nee le ba bɨge.

Epɛs 2:20

Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.

Epɛs 3:5

Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi.

Epɛs 4:8

Na toy di hɨn̰ wo̰ ma, kan walge koldi duroy magtubu Kɨbe-Kɨra dɨŋ yege hɨn̰: «Kɨɗɨn̰ ga ban nay a kɨɗɨn̰ ga daa gaŋ le, Ban orɨn̰ dan̰ ka-dangay kondɨ danayi bɨ, Bɨn̰ kalaŋ ga ɨndəŋ hɨnga nɔm ga ni bee ga kalɨn̰ bɨ.»

2 Timote 4:5

Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.

Əbɨro 5:12

Kardi sɨngɨɗɨ ɨni, lee gɨ kɨŋ ni kɨya bɨle ka-gɨlɨn̰ kalaŋ hɨnga ɨni. Ama kɨŋ mal gɨ kalaŋ na jɨge gɨlgɨŋ hɨnga ga ni gɨle ga cay wase ga boy kɔl gɨ da Kumu gɨŋ ƴee coŋ. Kɨŋ or bɨrɨŋ orɨn̰ na dan̰ tabɨlaŋdi kobɨn̰ ga ni sɔɔ, ama kɨŋ ɨran̰ na dan̰ tabɨlaŋdi hɨnga ga ni dɔɔ ga osi naŋ.

Magtubu di Jud wal 1:17

Ay karmɨnɨ ga ɨŋ lee-toygɨŋ, hɨngɨŋ a cay kɔl gɨ ka-gɨre-gɨye ga da ba-gulondɨna Jesu-Kɨris yege tumɔ.

Wasɨn̰a 18:20

Gɨɗɨgɨ-Kumu, laagɨŋ gusi-mɔwa kol mundoŋ gɨ hɨndi mundoŋ kurɔm kurɔm coŋ le! Kɨŋ kalaŋ ga woy dan̰ cɨndɨgɨŋ bɨ, ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ kalɨn̰ ma, laagɨŋ gusi-mɔwa bɨ. Kɨya wa Kumu boy kɔl caa na kol hɨnga ga ɨsɨni ga hɨndi lee danagɨŋ.

Wasɨn̰a 21:14

Bɨrɨm gɨ da cay ƴaa-di-gumu le, orɨn̰ dan̰ tɨbayi mɔjɨ-cayge-sɔɔ. Walge guson̰ ka-gɨre-gɨye ga mɔjɨ-cayge-sɔɔ ga da Kurɨn̰-dɨmangɨ le cay nee pɨna pɨna nɔm.