Epɛs 3:1 - Gabri Maja

¹ Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ.

Epɛs 3:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:12

«Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Gɨye-lɔɔ 21:33

ɨni na, gumu gɨ ba-sɔmɛ cay asɨgarn̰əŋ le, or gusi Pol ƴomii bɨ, ay noyi gɨ kan na saɗɨdɨdayige dan̰ mɔrɨyɔŋ won̰ sɔɔ. Kardi nee ɨni na, ban ɨngɨr hɨn̰: «Kɛ ungo le na waŋ ga bɨ, kɛ ban lee na wa bɨ ga?»

Gɨye-lɔɔ 23:18

Gumu gɨ da asɨgarn̰əŋ ga aru le, orɨn̰ danayi gusi ba-cay asɨgarn̰əŋ ga dubu bɨ, yey hɨn̰: «Na Pol gɨ a dangay dɨŋ le ba tɔgɔŋ bɨ, ɨngɨrəŋ gɨ ɨŋ na ɨren̰ dan̰ marɨna gɨ ba kɛ le gusɨn̰ kɨya gɨ ɗi na orɨn̰ dan̰ kɔl gɨ ni dɨbɨn̰ sɨman̰.»

Gɨye-lɔɔ 26:29

Ɨni na, Pol jɨga dɨbii cay nee yeyi hɨn̰: «Gɨ na baa naa mɨnde wala, kunda wala, ɗe gɨ Kumu laa gɨ na ji ƴɔbɨ naŋ, ama ɗe gɨ kalaŋ nɔm ga ba jege kɔl gɨ kɨbɨnɨ labɨde le, bɨləŋge woy hɨn̰ ɨŋ-bandi wo̰, ama ɗa gɨ na dan̰ mɔrɨyɔŋ ga saɗɨ kɔbɔŋ kɛ naŋ.»

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

2 Korɛ̰t 1:6

Hɨn̰ gɨ ni-gandi ni na dɨga nərɨn̰ na, ni de nərɨn̰ na ɗe gɨ agɨŋ na wan̰ bandɨ bɨ pɔɗɛ bɨ. Hɨn̰ gɨ Kumu na bɨni bandɨ na, hɨnga ga nee le woy na ɗe gɨ kɨŋ-gandi kalɨn̰ ma kɨŋ na wayan̰ bandɨ bɨ, ɓalan̰ ƴomɨn̰ kuduroygɨŋ duroy gɨle-cɨn̰ di pɨna haa hɨn̰ ni-gandi wo̰ bɨ.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 11:23

Kan na ka-lɔɔ gɨye gɨ da Kɨris ga? Naa ban gɨ nee le na ɨŋ kɨya yɔɔ kɔl hɨn̰ gɨ ɨŋ naa ba dɨngale wo̰. Ɨŋ ɗige kɨɗɨn̰ lɔɔ gɨye gɨ da Kɨris gɨŋ. Ɨŋ lee gɨye ɗige. Dɨbəŋge dangay dɨŋ tɨba kondɨ ɗige bɨ, təŋge ɗige bɨ, ɨŋ woy kɨbɨ tɨma dɨŋ tɨba kondɨ ɗige bɨ.

Galad 5:11

Ay, karmɨnɨ ga ban̰aŋ dan̰ ga kandɨ, hɨn̰ gɨ ɨŋ-bandi kalɨn̰ ma, ɨŋ na ɨr tɨga bɛrnɛ bɨn̰ kalaŋ coŋ gɨ wale ban̰a na ojɨ gɨ ni lɔɔ na, kɛ na kɨya wa ma Jubɨn̰əŋ ɨrege gɨləŋge cɨn̰-gɨle-cɨn̰ coŋ ga? Hɨn̰ gɨ leen̰ cɨndi, ɨŋ na ɨr ya kɔl gɨ hɨn̰ wo̰ na, tɔgɛ bɛrnɛ di da sɨya-gɨ-dagɨli kɨya homge naŋ ɨni.

Galad 5:2

Jagɨŋ, ɨŋ-bandi Pol ɨŋ yəgɨŋ daa waŋ, hɨn̰ gɨ kɨŋ na ɗage gɨ kan na walagɨŋge ban̰a na, hɨnga ga Kɨris ba lee le, kɨya bɨle hɨnga bɨgɨŋ naŋ bɨrɨŋ ɨni.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Epɛs 3:11

Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm.

Epɛs 3:13

Na toy di hɨn̰ wo̰ ma, kɨŋ ɗɔɔ gɨ dɔsɛ-ɗugɔ di ba andaŋ a canɨ kol caygɨŋ le dɔrɛ togɨygɨŋ coŋ naŋ. Ama dɨbɨgɨŋ gusoŋ-tɔgɛ cay Kumu kɨya cay dɔsɛ-ɗugɔ di ɨŋ way kol caygɨŋ le.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Epɛs 6:20

Kɨya cay tɔgɛ bɛrnɛ le, ɨŋ bɨləŋ ba-ƴɔɔ ban̰di Kumu a cay gɨsəŋ gaŋ bɨ, na kol caa ma kan ƴɔmɔŋge dangay dɨŋ bɨ. Kuɗa gɨ Kumu bəŋ tɔgɨ ɗe aŋ teen̰ bɛrnɛ dɨle hundɔrɔ bɨ, aŋ yen̰ kɔl hɨn̰ gɨ Kumu ba gey wo̰ bɨ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

Kɔlɔs 4:18

Sɨlagɨŋ! Lapɨya di ɨŋ-bandi Pol ɨŋ ba wal dan̰ kɔbɔŋ hɨnge ba kɛ: Kuɗa gɨ kuduroygɨŋ hɨn a cay mɔrɨyɔŋ ga saɗɨdaŋ. Kuɗa gɨ ɗarwa di da Kumu baa danagɨŋ nɔm bɨ.

Kɔlɔs 4:3

Ulayigɨŋ kol cayni bɨ. Ulagɨŋ Kumu ɗe haŋgɨ gɨyəŋ gɨ da tɔgɛ bɛrnɛ a tumoyni ɗe ani teen̰ bɛrnɛ gɨ da hɨnga ga woy a kɨɗɨn̰ wɔsɛdɨge gaŋ ojɨn̰ cay Kɨris, gɨ ɨŋ won̰ dangay dɨŋ koldi le bɨn̰ kalaŋ.

2 Timote 1:16

Kuɗa gɨ Ba-gulɔŋ sɨla cɨn̰-n̰age di da kalaŋ ga a duroy ƴaa di da Onesipɔr dɨŋ, kɨya wa ban dɔbɔŋ bandɨ kuduronɨ daa daa. Dasi dayi kɨya cay dangay tɨnge naŋ bɨ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

Pilemo 1:1

Na ɨŋ-bandi Pol gɨ woy dangay dɨŋ kɨya cay Jesu-Kɨris le, ni-gandi dan̰ kurɨndɨna Timote, ni wal dan̰ kɔl gɨ kɛ le gɨyɨn̰ bɨn̰ ji-bandi Pilemo gɨ ni lee-ton̰, ji mɨgayni ba-lɔɔ gɨye bɨ,

Pilemo 1:23

Epapəras mɨganɨ gɨ woy a dangay dɨŋ danaŋ kol Jesu-Kɨris le, leegɨŋ lapɨya.

Pilemo 1:9

Ama na-gandi na gey gusɨna, na toy di hɨn̰ wo̰ ma ɔlɛ hɨnge gɨ ɨŋ gey ɗɔɔ tumon̰ le, ɨŋ gey gɨ ji na laa naa dan̰ guson̰ wandɨ. Əw ɨŋ-bandi Pol gɨ esi bɨ, gɨ ɨŋ woy dangay dɨŋ kol cay Jesu-Kɨris ban̰ nee haw kɛ bɨ le,

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.