Epɛs 2:8 - Gabri Maja

⁸ Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ.

Epɛs 2:8 ပူးပေါင်းရင်းမြစ်များ

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Matɨyo 20:9

Kan ga ɨrgage gɨye gɨŋ dan̰ tɨwa borundo purɔm le, ɨrgage na wayge gursu di ɓal cay kobɨ ba-lɔɔ gɨye gɨ ni wɔlɛ pɨna.

Marg 16:16

Ungo gɨ kɨya bɔgɛ kuduroy cay nee bɨ, kɨya lɔɔ batɛm bɨ na, kɨya pɔɗɛ. Ama ungo gɨ na bɨga kuduroy cay nee naŋ na, kɔl kɨya ƴɔmɛ cayi.

Kɔl-gɨ-Ɗari gɨ Lug wal 7:50

Ama Jesu yen̰ tama le hɨn̰: «Aye kudurɔ kɛɛ poɗɨne; ɨra dan̰ gusi-dɔbɛ.»

Kɔl-gɨ-Ɗari gɨ Ja̰ wal 3:36

Ungo gɨ na bɨga kuduroyi cay kurondi na, ungo gɨ nee le, kɨya sɔmɛ-bɨra dan̰ tumoyi. Ungo gɨ na kan̰a bɔgɛ kuduroyi cay Kurɨn̰-Kumu na, ban kɨya sɔmɛ-bɨra dan̰ tumoyi naŋ, ama kuduroy-hɔmɛ di da Kumu kɨya bɔɔ cayi.

Kɔl-gɨ-Ɗari gɨ Ja̰ wal 4:10

Jesu dɨboo cay nee yoo hɨn̰: «Hɨn̰ gɨ me ni na sɨla hɨnga ga Kumu bee bɨ, ban gɨ ba ɨngɨrne kaŋ kɛ le naa waŋ ga bɨ na, me-hɨndi ni ba kɨya ɨngɨrii kaŋ cay wase bɨ, ban kɨya bɨne dan̰ kaŋ ga ni somɨn̰-bɨra.»

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 6:35

Jesu yege hɨn̰: «Na ɨŋ-bandi ma na mapa gɨ ba lɔɔ gɨ ungo kɨya somɨn̰-bɨra dan̰ cɨndi le. Ban gɨ na ɨre gusɨnɨ na, kuroŋ kɨya leeyi naŋ bɨrɨŋ. Ban gɨ na bɨga kuduroyi canɨ na, gɨmase kɨya dii naŋ bɨrɨŋ.

Kɔl-gɨ-Ɗari gɨ Ja̰ wal 6:37

Kalaŋ nɔm ga Banɨ ba bəŋ danage le, kɨya ɨrgage gusɨnɨ. Bɨ ungo gɨ na ɨre gusɨnɨ le, ɨŋ kɨya jibi sɛdɨ coŋ naŋ bɨrɨŋ.

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Kɔl-gɨ-Ɗari gɨ Ja̰ wal 6:44

Ungo pɨna wo̰ kɨya ɓale ɨrga gusɨnɨ dɨle gɨ Banɨ gɨ ba gɨyigəŋ, sɨrgi ɨrgan̰ gusɨnɨ le unɔ. Bɨ ungo gɨ na ɨre gusɨnɨ le, ɨŋ kɨya boyi lɨbii a wɔlɛ kagadi gɨŋ.

Kɔl-gɨ-Ɗari gɨ Ja̰ wal 6:65

Ban yege ɗaŋ coŋ yege hɨn̰: «Na kɨya cay kɔl gɨ nee le ma, maŋ ni yəgɨŋ hɨn̰: “Hɨn̰ gɨ Banɨ na bɨn̰ ungo gɨyəŋ naŋ na, ungo pɨna wo̰ kɨya ɓale ɨrga gusɨnɨ naŋ.”»

Gɨye-lɔɔ 13:39

Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

Gɨye-lɔɔ 15:11

Na solgɨŋ leen̰ cɨndi, gɨ na kɨya cay ɗarwa di da Ba-gulɔŋ Jesu le ma, mana wan̰gɨŋ pɔɗɛ hɨn̰ gɨ kan ba wan̰ wo̰ bɨ.»

Gɨye-lɔɔ 16:14

Tama di pɨna wo̰ di Tɨyatir som duroy kandɨ ga nee le, gusɔndɔ na Lidi. Hɨndi na ɗe-lɔɔ gɨyaw di da badɨge ga kɨledɨge osɨdoŋ tɔgɨ bɨ, na tama ɗe n̰ɨre Kumu bɨ. Ba-gulɔŋ lee gɨ hɨndi si sɨma kuɗa jen̰ kɔl kɨbɨ Pol.

Gɨye-lɔɔ 16:31

Kan dɨbiige cay nee yeyge hɨn̰: «Bɨga kuduron̰ a cay Ba-gulɔŋ Jesu bɨ, ji kɨya wɔɔ pɔɗɛ dan̰ ka-ƴaadɨn̰.»

Magtubu di Pol wal bɨn̰ kalaŋ ga Rɔm 10:14

Ama hɨn̰ gɨ ungo na bɨga kuduroy a cay Ba-gulɔŋ naŋ na, kɛ ban kɨya tɔgɛ gusondi na mɨna ga? Hɨn̰ gɨ ungo na ja kɔl gɨ da Ba-gulɔŋ naŋ na, kɛ ban kɨya bɔgɛ kuduroy cayi na mɨna ga? Hɨn̰ gɨ ungo na tɨga bɛrnɛ di da Kɔl-gɨ-Ɗari bɨn̰ ungo naŋ na, kɛ kan gɨ jɔɔ kɔl gɨ da Ba-gulɔŋ na mɨna ga?

Magtubu di Pol wal bɨn̰ kalaŋ ga Rɔm 10:17

Lee gɨ hɨnga ga ɨrgan̰ dan̰ aye kudurɔ le, na jɔɔ kɔl gɨ dorge bɨ, kɔl gɨ dorge le, na kɔl gɨ da Kɨris bɨ.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 4:5

Ama hɨn̰ gɨ ungo na laa gɨye kɨya wan̰ cay kobi naŋ ama na bɨga kuduroy a cay Kumu gɨ ba sɔlɛ ba-lɔɔ ɨsɨna leen̰ ungo gɨ dan̰ durɔ ɗɨngar na, ungo gɨ nee le Kumu kɨya sɔlɛ aye kudurɔ koyi bɨ, bɨlii leen̰ ungo gɨ dan̰ durɔ ɗɨngar a cɨndi bɨ.

Magtubu di Pol wal bɨn̰ kalaŋ ga Rɔm 9:16

Hɨn̰ wo̰ na, kɨɗɨn̰ ga Kumu dor ungo na, ban dorii na dɔrɛ ƴɔbɨ kɨya wa ban sol cɨn̰-n̰age toyi wala, na kol kuduroy-geye gɨ da ungo naŋ bɨ, na kol gɨye-lɔɔ gɨ da ungo naŋ bɨ.

Galad 3:14

Ban lee na hɨn̰ wo̰ ɗe gɨ tɔrɛ-kɨbɨ gɨ da Abɨraham na ɨre bugoŋ gusi kalaŋ ga toyge na Jubɨ naŋ, dan̰ te bugoŋ pɨna dan̰ Jesu-Kɨris. Ɗe gɨ ni na wan̰ Turnɔ di Kumu ye gɨ ɗi na kɨya bɨna dan̰ gɨyəŋ gɨ da aye kudurɔ le.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Epɛs 1:19

ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris,

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 2:5

Na toy di hɨn̰ wo̰ na-gandi ga na woy hɨn̰ kalaŋ ga madɨrdaŋ coŋ kɨya cay hɨnga ga dan̰ gɨyəŋdɨge naŋ ga na lee le, ban bɨna sɔmɛ-bɨra gɨ hɨrɨwa te bugoŋ gɨ na bugoŋ pɨna dan̰ Kɨris. Ho’o, na dan̰ gɨyəŋ gɨ da ɗarwa di da Kumu ƴɔbɨ ma magɨŋ poɗɨn̰.

Pilib 1:29

Kumu lee ɗarwa danagɨŋ bɨ dan̰ gɨyəŋ gɨ da ɗarwa di nee le, kɨŋ bɨga na kuduroygɨŋ cay Kɨris ƴɔbɨ naŋ, ama kɨŋ way cɨn̰-gɨle-cɨn̰ kol cayi nee bɨ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.

2 Tesalonigɨ 1:9

Hɨnga ga ni gɨle-cɨn̰ ga ba kɨya looge kɨya cay ɨsɨna koge le, na mundoŋ gɨ kan kɨya mundoŋge dan̰ tumoyge muɗɔg muɗɔg coŋ, hen̰ tumoyi Ba-gulɔŋ bɨ, hen̰ dan̰ gɨmɨn̰aw di da dɔnɔ toyi bɨ.

Əbɨro 6:4

Kalaŋ ga asɨn̰a gɨ da Kumu asɨn̰ kɨɗɨn̰ kuduroyge bɨ, wayge ɗarwa di sayga kobɨ Kumu kondɨ bɨ, wayge Turnɔ ɗe-kuduroy-bɛrɛ bɨ le,

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.