Epɛs 2:3 - Gabri Maja

³ Tumɔ le, na-gandi nɔm na woy na hɨn̰ kalaŋ ga nee le bɨ. Kɨya wa jɨne le na lee gɨye-lɔɔ gɨ ɨsɨn, leen̰ na hɨnga ga kuyoŋdi-gusɨna gey bɨ, hɨnga ga ɨsɨni ga na sol bɨ. Tumɔ na-gandi kalɨn̰ ma, kuduroy-hɔmɛ di da Kumu woy kol cay na hɨn̰ kalaŋ ga kɔl ƴom cayge wo̰ bɨ.

Epɛs 2:3 ပူးပေါင်းရင်းမြစ်များ

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

Kɔl-gɨ-Ɗari gɨ Ja̰ wal 1:13

Kan ga nee le, bɨləŋge karɨn̰ Kumu na dan̰ gɨyəŋ gɨ da kɨbar naŋ bɨ, dan̰ gɨyəŋ gɨ da kuyoŋdi-gusu naŋ bɨ. Ama na dan̰ gɨyəŋ gɨ da kuduroy geye gɨ da Kumu.

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Gɨye-lɔɔ 14:16

Boy ɨlge nɔm ga pɨde le, Kumu ɗe te wɔɔ gɨ da kalaŋ nɔm orge, waŋ waŋ kalɨn̰ ma ay gɨyəŋ gɨ kuduroy gey.

Magtubu di Pol wal bɨn̰ kalaŋ ga Rɔm 1:24

Na toy di hɨn̰ wo̰ ma, Kumu ɗege a duroy tabɨlaŋdi hɨnga ga lee kɨni ga a kuduroyge, lee gɨ kan dɨbɨn̰ge dasi cay kuyoŋdi-gusɨge koge gɨŋ gaŋ.

Magtubu di Pol wal bɨn̰ kalaŋ ga Rɔm 11:30

Jɨne naa, kɨŋ hangɨɗɨ cay kɔl kɨbɨ Kumu, ama haw kɛ na Kumu sol cɨn̰-n̰age togɨŋ, kɨya wa te wɨn̰je gɨ da Ɨsɨrayɛl hangɨɗɨ cay kɔl.

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 2:14

Kɨɗɨn̰ ga kalaŋ ga toyge na Jubɨ naŋ ga sɨlage gasɨn̰-kɔl gɨ da Moyis naŋ, ama sayge dan̰ kuduroy geye koge leege hɨnga ga gasɨn̰-kɔl ojɨ na, ko kan na ɨran̰ dan̰ gasɨn̰-kɔl naŋ kalɨn̰ ma, kan bɨle woy hɨn̰ gɨ kan na orɨn̰ dan̰ gasɨn̰-kɔl a kuyoŋdi-gusɨge koge gɨŋ wo̰.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 5:9

Haw kɛ gɨ Kɨris bɨlna leen̰ kalaŋ ga dan̰ durɔ ɗɨngar a cɨndi dan̰ gɨyəŋ gɨ da kɨbardi gɨ bugoŋ dugo le, kɛ na wa ɗaŋ coŋ ba kɨya narii dorna kɨbɨ kuduroy-hɔmɛ di da Kumu dɨŋ coŋ ga?

Magtubu di Pol wal bɨn̰ kalaŋ ga Rɔm 6:12

Naa hɨn̰ wo̰ na, ɗɔɔgɨŋ ɨsɨna dɔɔ-ƴaa a cay kuyoŋdi-gusɨgɨŋ gɨ ba kɨya kardi nee mare naŋ bɨrɨŋ ɨni. Ɗɔɔ gɨ kɨŋ bɨle gusɨgɨŋ a kardi tabɨlaŋdi hɨnga ga da kuyoŋdi-gusɨgɨŋ naŋ bɨ.

Magtubu di Pol wal bɨn̰ kalaŋ ga Rɔm 7:18

Na cɨndi, ɨŋ sol gɨ hɨnga ga ɗari unɔ a gusɨnɨ, ɨŋ gey yɔ na a boy gɨye-lɔɔ gɨ da kuyoŋdi-gusɨnɨ gaŋ. Ɨŋ gey lɔɔ hɨnga ga ɗari hange, ama ɨŋ ɓala naŋ.

Magtubu di Pol wal bɨn̰ kalaŋ ga Rɔm 9:22

Hɨn̰ gɨ Kumu na gey lɔɔ naa hɨn̰ gɨ da ba gaɗe ɨmbɨlɨn̰ wo̰ na, kɛ ji-bandi na dolɨn̰ na wa nee ga? Ban gey gɨ kalaŋ na sɨla kuduroy-hɔmɛ toyi bɨ, dɔnɔ toyi bɨ. Ama haw kɛ na, ban ƴom kuduroyi dɨbɨn̰ ɗugoyi gɨɗaŋ, a cay kan ga kuduroyi ba homii cayge ga gamge na mundoŋ le.

1 Korɛ̰t 4:7

Kɛ, na waŋ ba-dɔrɛ cɨndɨn̰ duroy kamdɨn̰ ga? Kɛ, na wa ma mɨn̰ way dan̰ cay gusɨn̰ dɨle gɨ Kumu gusi na ba bɨn̰ ga? Ma hɨn̰ gɨ hɨnga nɔm ga ji ba way le Kumu naa ba bɨn̰ na, kɛ na kɨya wa ma mɨn̰ de jorgɨn̰ hɨn̰ gɨ naa ji-bandi gusɨn̰ naa ba wɔɔ dan̰ cay gusɨn̰ wo̰ ga?

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 3:22

Ama Magtubu di da Kumu ye gɨ tabɨlaŋ di lɔɔ hɨnga ga ɨsɨni, na gam kalaŋ nɔm te dɔnɔ toge dɨŋ. Ɗe Kumu bɨn̰ kalaŋ ga beege kuduroyge cay Jesu-Kɨris hɨnga ga ban ye gɨ ɗi na kɨya lɔɔ bɨge le. Bɨ ban bɨge na kɨya gɨ kan na ka-aye kuduroyge bɨn̰ Jesu-Kɨris.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Kɔlɔs 1:21

Kɨŋ-gandi le, tumɔ kɨŋ na kɨrge a cɨn̰ Kumu bɨ, kɨŋ na ka-baa kayi bɨ, dan̰ gɨyəŋ gɨ da ɨrɨmedɨgɨŋ bɨ, dan̰ gɨyəŋ gɨ da gɨye-lɔɔdɨgɨŋ gɨ ɨsɨni bɨ.

1 Tesalonigɨ 4:13

Ay karmɨnɨ ga ban̰aŋ dan̰ ga kandɨ, ni gey gɨ kɨŋ sɔmɛ dɨle sɔlɛ-hɨnga ga ojɨ cay kan ga mage le naŋ, ɗe agɨŋ leen̰ n̰age hɨn̰ kalaŋ ga hɨnga ga ni bɔgɛ ɨrɨmedɨge cay nee kage unɔ wo̰ naŋ.

1 Tesalonigɨ 5:6

Hɨn̰ wo̰ na, wɔyɛnagɨŋ kuŋ hɨn̰ kalaŋ ga ɗaŋ wo̰ naŋ. Ama sɨmanagɨŋ cay tɨbaynagɨŋ dɨŋ bɨ, sɨnagɨŋ muɗɔlɛ cay hɨnga ga na leegɨŋ bɨ.

1 Timote 6:9

Ama kan ga geyge wɔɔ hɨnga tɔgɨ le, kɨya bugoŋge a boy boy di da hɨnga ga ni gɨybe gaŋ bɨ. Kɨya bugoŋge boy kondɨwadi tabɨlaŋ da hɨnga ga ni dɨngale ga dɨmbɨri gaŋ bɨ, ga na hɨnga ga kɨya mɔndɛ ungo muɗɔgɨ muɗɔgɨ coŋ bɨ, bogɨge kayaŋ bɨ.

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

1 Pɨyɛr 1:14

Sɨlagɨŋ hɨn̰ gɨ kɨŋ naa karɨn̰ Kumu bɨ, jagɨŋ kɔl kɨbi daa daa bɨ. Ɗɔɔgɨŋ baa lɔɔ hɨnga ga tumɔ tabɨlaŋdɨge ba leegɨŋ kɨɗɨn̰ ga kɨŋ ba sɨlan̰ hɨnga naŋ ƴee le.

2 Pɨyɛr 2:14

Tama di ani ani di kan kɔbɔɔ dan̰ cɨndɨge le, kan won̰ge danaa a ɨrɨmedɨge gɨŋ bɨ, lɔɔ hɨnga ga ɨsɨni sɨlge naŋ bɨrɨŋ bɨ. Kan gɨybɨge boy toge ƴomɨn̰ge kalaŋ ga togɨyge unɔ bɨ. Tɨrabe lɔɔ te gursu le, kan solge tɔgɨ bɨ, ɓɨse gɨ da Kumu woy cayge.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

1 Ja̰ 2:16

Na cɨndi, hɨnga nɔm ga woy a cay gɨsəŋ gaŋ hɨn̰ tabɨlaŋdi hɨnga ga ɨsɨni da kuyoŋdi-gusu bɨ, tabɨlaŋdi hɨnga ga na solgɨŋ dan̰ cɨndɨnagɨŋ bɨ, dɔgɛ-jɔrgɔ kɨya cay kandi-wɔɔ bɨ le, saa na a gusi Baynagɨŋ naŋ. Ama say na a cay gɨsəŋ gaŋ kɛ.

1 Ja̰ 2:8

Ama naa hɨn̰ wo̰ kalɨn̰ ma, na te tumɔ di hɨrɨwa ma maŋ wal bɨgɨŋ bɨ, hɨndedo gɨl guso gusi Jesu bɨ, gusɨgɨŋ kɨŋ-gandi bɨ, kɨya wa dɨlɨm ay te ayaŋ bɨ, asɨn̰a gɨ cɨndi ay te asɨn̰e bɨ.