Epɛs 2:2 - Gabri Maja

² Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 2:2 ပူးပေါင်းရင်းမြစ်များ

Matɨyo 11:19

Ama kɨɗɨn̰ ga ɨŋ-bandi Kurɨn̰-ungo ɨŋ caga na, ɨŋ dii bɨ, ɨŋ si bɨ, naa hɨn̰ wo̰ kalɨn̰ ma, kan yege hɨn̰: “Sɨlagɨŋ ba-dɔɔ dɔɔ bɨ, ba-sɔdɔ cɛrɛ koydɨn̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, ka-lɔɔ ɨsɨna bɨ.” Ama cɨn̰-muɗɔlɛ gɨ da Kumu gɨl gusi dan̰ durɔ ɗɨngar na dan̰ gɨyəŋ gɨ da gɨye-lɔɔdi.»

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Matɨyo 13:38

Yage le, na kalaŋ ga cay gɨsəŋ gaŋ. Gasi-gɨse ga kuɗa le, na kalaŋ ga a boy dɔɔ-ƴaa di daa nii dɨŋ. Tɨngɨrɨn̰ le, na kalaŋ ga da Haban̰, Ba-lɔɔ ɨsɨna.

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

Kɔl-gɨ-Ɗari gɨ Lug wal 16:8

Bɨ ba-gulondi hɨram ba-sɔlɛ kardi hɨnga wɔɔdi gɨ gɨye-lɔɔdi ba ɨra dan̰ durɔ ɗɨngar naŋ le, kɨya wa ban orɨn̰ dan̰ cɨn̰-arɨn̰a. Kɨya wa kalaŋ ga haw kɛ le, leege gɨye dan̰ cɨn̰-arɨn̰a ɗɨn̰ kalaŋ ga somge kɨɗɨn̰ ga asɨn̰ gaŋ.

Kɔl-gɨ-Ɗari gɨ Lug wal 22:31

Bɨ Jesu yen̰ Pɨyɛr ye hɨn̰: «Simo, Simo, ja! Sidan ɨngɨr te tumɔ ana yɨbagɨ aye kudurɔ kon̰ hɨn̰ gasa ga kan yal cɨndɨge wo̰.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 13:2

Kɨɗɨn̰ ga kan somge diige dɔɔ gɨ ni kɨdɨrɛ Pakɨ na, Haban̰ gɨsɨ ɨrɨme gɨ ni aye cay Jesu bɨ dobii kobɨ kalaŋ a kuduroy Judasɨ Isikarɨyɔt kurɨn̰ Simo Isikarɨyɔt.

Kɔl-gɨ-Ɗari gɨ Ja̰ wal 13:27

Kɨɗɨn̰ ga Judasɨ ƴee kɨway mapa le na, Sidan andaŋ kuduroyi. Ɨni na, Jesu yeyi hɨn̰: «Bɨya gusɨn̰ cɛd laa hɨnga ga ji ojɨ lɔɔ le, laa haw!»

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 15:19

Tumɔ kɨŋ ni naa kalaŋ kage na, kan ni kɨya geygɨŋge, kɨya wa kɨŋ na kage. Ama kɨŋ na kalaŋ kage naŋ, kɨya wa ɨŋ torgɨŋ na duroyge. Na toy di hɨn̰ wo̰ ma, kan ƴomgɨŋge dan̰ kuduroyge.

Kɔl-gɨ-Ɗari gɨ Ja̰ wal 16:11

Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Kɔl-gɨ-Ɗari gɨ Ja̰ wal 7:7

Kɨŋ le kalaŋ ga cay gɨsəŋ gaŋ ƴɨmagɨŋge dan̰ kuduroyge naŋ. Ama ɨŋ-bandi na kalaŋ ga cay gɨsəŋ gaŋ ƴɔmɔŋge dan̰ kuduroyge, kɨya wa ɨŋ sɨɗɨgɨ te gɨye lɔɔdɨge gɨ ɨsɨni daa.

Kɔl-gɨ-Ɗari gɨ Ja̰ wal 8:23

Jesu dɨbɨge cay nee yege hɨn̰: «Kɨŋ-gandi, kɨŋ na kalaŋ ga dugo, ɨŋ-bandi, ɨŋ na gɨ daa nii. Kɨŋ-gandi, kɨŋ na kalaŋ ga da cay gɨsəŋ kɛ, ɨŋ-bandi, ɨŋ na gɨ da cay gɨsəŋ kɛ naŋ.»

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Gɨye-lɔɔ 19:35

Kɨɗɨn̰ ga ba-wale magtubu di da ba kɨbɨ kɨlma gɨ gumu gɨ a cay ƴaa di nee le, lee gɨ kalaŋ sogɨyge lam na, ban yege hɨn̰: «Kalaŋ ga Epɛs, kɛ ungo ba sɔlɛ gɨ cay ƴaa-di-gumu di Epɛs di woy dan̰ cɨndo di da kumu di tama di pɨna wo̰ di da Artemis di gumu tɔgɨ bɨ, di da garma gɨ gɨlɨn̰ dana gɨ sayga gɨɗɨgɨ-Kumu gɨŋ ba dugo le woy nee ga?

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

Magtubu di Pol wal bɨn̰ kalaŋ ga Rɔm 12:2

Kan̰agɨŋ kɔbɛ ɨrɨme gɨ da kalaŋ ga ɨndəŋ ga a cay gɨsəŋ gaŋ kɛ coŋ, ama ɗagɨŋ gusɨgɨŋ bɨn̰ hɨnga-sɔlɛ ga hɨrwa ga Kumu bɨgɨŋ le ɗe bɨlgɨŋ. Na kɨɗɨn̰dɨge ga nee gaŋ le na, kɨŋ kɨya ɓale dɔrɛ cɨn̰ hɨnga ga kuduroy Kumu gey: Gɨ na hɨnga ga ɗari bɨ, hɨnga ga ƴee cɨn̰ Kumu bɨ, hɨnga ga duroŋ cɨrɛɗ bɨ.

1 Korɛ̰t 5:10

Ama kalaŋ ga ɨŋ gey gɨ kɨŋ na gɨ ɔrɛ gusɨge naŋ le, kɛ na kalaŋ ga a cay gɨsəŋ gaŋ nɔm ga ka-lɔɔ gɨye yɔyɛ gɨ toy kan̰di kan̰di bɨ, ka-lɔɔ tabɨlaŋdi hɨnga bɨ, ka-hase bɨ, ka-n̰ɨre kula bɨ ga? Naŋ. Kɨya wa tumɔ naa hɨn̰ wo̰ na, ojɨ gɨ kɨŋ ni kɨya ɗɔɔ cay gɨsəŋ coŋ ɔrɛ sɔmɛ kɨɗɨn̰ ga ɗaŋ gaŋ.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Epɛs 1:21

Ban si a cay Ka-dɔɔ cay ƴaa gaŋ bɨ, cay kalaŋ ga gusondɨge ye bɨ, cay Dɔnɔn̰əŋ bɨ, cay hɨnga nɔm ga orɨn̰ dan̰ dɔnɔ naŋ le tɨrɨmbala bɨ, cay gusoŋ nɔm bɨ, na a cay gɨsəŋ gaŋ kɛ ƴɔbɨ naŋ, ama a cay gɨsəŋ ga hɨrɨwa ga kɨya ɨrga nee bɨ.

Epɛs 2:11

Ay karmɨnɨ ga toygɨŋ na Jubɨ naŋ, hɨngɨŋ a cay gɨye-lɔɔdɨgɨŋ gɨ ɨlgi. Tumɔ Jubɨn̰əŋ yege kol caygɨŋ gɨ kɨŋ na wala ban̰a naŋ. Kalaŋ ga ye kɔl gɨ nee le yege gɨ naa ke ƴɔbɨ ma naa ka-ban̰a, ama ban̰a toge na wale kuyoŋ gɨ kan leege dan̰ kobɨ kalaŋ ƴɔbɨ.

Epɛs 2:13

Ama haw kɛ na, kɨŋ bugoŋ pɨna dan̰ Jesu-Kɨris lee gɨ kɨŋ ga tumɔ kɨŋ hən̰ dan̰ Kumu le, kɨŋ ɨrga mɨnde gusi dan̰ gɨyəŋ gɨ da kɨbardi Kɨris.

Epɛs 2:3

Tumɔ le, na-gandi nɔm na woy na hɨn̰ kalaŋ ga nee le bɨ. Kɨya wa jɨne le na lee gɨye-lɔɔ gɨ ɨsɨn, leen̰ na hɨnga ga kuyoŋdi-gusɨna gey bɨ, hɨnga ga ɨsɨni ga na sol bɨ. Tumɔ na-gandi kalɨn̰ ma, kuduroy-hɔmɛ di da Kumu woy kol cay na hɨn̰ kalaŋ ga kɔl ƴom cayge wo̰ bɨ.

Epɛs 4:17

Ɨŋ kɨya halgɨŋ dan̰ guson̰ Ba-gulɔŋ, jagɨŋ kɔl hɨnge kuɗa. Orɛgɨŋ hɨn̰ kalaŋ ga sɨlage Kumu gɨ cɨndi naŋ wo̰ naŋ ɨni. Kan kobɨge na ɨrɨme gɨ na hɨnga naŋ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Epɛs 5:6

Ɗɔɔgɨŋ ungo nargɨŋ dan̰ kɔl gɨ ni poy naŋ: Kɨya wa na hɨnga ga hɨn̰ wo̰ le ba jɨbe te kuduroy-hɔmɛ di da Kumu bɔgɛ cay kalaŋ ga na ka-baadi le.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

Epɛs 6:12

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

Kɔlɔs 1:21

Kɨŋ-gandi le, tumɔ kɨŋ na kɨrge a cɨn̰ Kumu bɨ, kɨŋ na ka-baa kayi bɨ, dan̰ gɨyəŋ gɨ da ɨrɨmedɨgɨŋ bɨ, dan̰ gɨyəŋ gɨ da gɨye-lɔɔdɨgɨŋ gɨ ɨsɨni bɨ.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

Magtubu di Jag wal 1:27

Kɔbɛ Kumu gɨ cɨndi gɨ ƴee cɨn̰ Bayna Kumu le, na jɨbe te magɔrnɛ bɨ, kandɨ ga kodɨn̰ige madɨrdaŋ bɨ, boy dɔsɛ-ɗugɔ toge dɨŋ. Ɗɔɔgɨŋ gɨ cay gɨsəŋ bɨlgɨŋ leen̰ kalaŋ ga mɨdagɨdaŋ naŋ.

Magtubu di Jag wal 1:7

Ungo gɨ hɨn̰ wo̰ le, kuɗa gɨ ban ɨrɨme kuduroy yɔ hɨn̰ gɨ ɗi na kɨya wɔɔ hɨnga kobɨ Ba-gulɔŋ naŋ.

Magtubu di Jag wal 4:4

Kɨŋ gɨlɨn̰ hɨn̰ kandɨ ga ka-yɔyɛ dan̰ ban̰aŋ ga da kamdige wo̰! Ungo gɨ ƴom pɔgɨn̰ɛ dan̰ cay gɨsəŋ na, ban na ba baa gɨ da Kumu. Kɛ kɨŋ sɨla hɨn̰ wo̰ naŋ ga? Ungo gɨ na gey ƴɔmɛ pɔgɨn̰ɛ dan̰ cay gɨsəŋ na, ban bɨləŋ ba baa gɨ da Kumu.

1 Pɨyɛr 1:14

Sɨlagɨŋ hɨn̰ gɨ kɨŋ naa karɨn̰ Kumu bɨ, jagɨŋ kɔl kɨbi daa daa bɨ. Ɗɔɔgɨŋ baa lɔɔ hɨnga ga tumɔ tabɨlaŋdɨge ba leegɨŋ kɨɗɨn̰ ga kɨŋ ba sɨlan̰ hɨnga naŋ ƴee le.

1 Pɨyɛr 4:3

Na cɨndi, tumɔ le kɨŋ gey na lɔɔ hɨnga nɔm ga ƴom kuduroy kalaŋ ga sɨlage Kumu gɨ cɨndi naŋ tɔgɨ. Lee gɨ kɨŋ lee hɨnga ga ɨsɨni ga tabɨlaŋdɨge woy kuduroygɨŋ bɨ, kɨŋ na ka-yɔyɛ gorɨn̰ daa bɨ, ka-kɔydɛ cɛrɛ bɨ, ka-lɔɔ harɨne bɨ, ka-sɔ cɛrɛ tɔgɨ a kɨɗɨn̰ lɔɔ kɨdɨrɛ gaŋ bɨ, ka-n̰ɨre kula ga ɨsɨn bɨ.

2 Pɨyɛr 2:14

Tama di ani ani di kan kɔbɔɔ dan̰ cɨndɨge le, kan won̰ge danaa a ɨrɨmedɨge gɨŋ bɨ, lɔɔ hɨnga ga ɨsɨni sɨlge naŋ bɨrɨŋ bɨ. Kan gɨybɨge boy toge ƴomɨn̰ge kalaŋ ga togɨyge unɔ bɨ. Tɨrabe lɔɔ te gursu le, kan solge tɔgɨ bɨ, ɓɨse gɨ da Kumu woy cayge.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

1 Ja̰ 4:4

Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

1 Ja̰ 5:19

Na solgɨŋ gɨ na na-gandi ƴɔbɨ ma na kalaŋ ga da Kumu. Ama kalaŋ ga a cay gɨsəŋ gaŋ nɔm le, woyge na te dɔnɔ di da Haban̰ Ba-lɔɔ ɨsɨna gɨŋ.

1 Ja̰ 5:4

Ho’o, waŋ waŋ gɨ naa kurɨn̰ Kumu na, orɨn̰ dan̰ dɔnɔ di ni bon̰-kɨmbɨl a cay dɔnɔ di a cay gɨsəŋ gaŋ. Bɨ dɔnɔ di na ba bon̰ kɨmbɨl a cay dɔnɔ ga cay gɨsəŋ gaŋ le, sayga na gusi aye kudurɔ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 16:17

Ba-ƴɔbɛ gɨ daa nii gɨ cay jurgumdɨge ɓɨgɨ kobo koyi cɨn̰ kal gɨŋ. Ɨni na, noy ungo ye daa pəŋ a duroy ƴaa-di-da-Kumu dɨŋ bɨ, noy ungo le sayga na a cay kali-tɨrɨmbala dɨŋ ye hɨn̰: «Te kɔl ayaŋ ɨni.»

Wasɨn̰a 20:2

Ban ƴom dan̰ kɨmana gɨ teeyige dɨrago̰ gɨ na kumbulo gɨ jɨne bɨ, na Haban̰ bɨ, na Sidan bɨ le, saɗii dugo dan̰ mɔrɨyɔŋ gɨ ni ɨlge dubu.