Epɛs 2:19 - Gabri Maja

¹⁹ Lee gɨ haw kɛ, kɨŋ ka-aye kudurɔ ga toygɨŋ na Jubɨ naŋ le, kɨŋ na kɨrge naŋ ɨni bɨ, kɨŋ na kalaŋ ga pɨna danani ɨni bɨ. Kɨŋ bɨle na te kalaŋ ga pɨna dan̰ kalaŋ ga woyge dan̰ cɨndɨge bɨ. Kɨŋ na te wandɨ da Kumu bɨ.

Epɛs 2:19 ပူးပေါင်းရင်းမြစ်များ

Matɨyo 10:25

Hɨn̰ gɨ ba-aye-cay-tɨbay ba-gɨlii hɨnga na gɨlɨn̰ dan̰ ba-gɨlii hɨnga bɨ, marɨna ba-gɨye na gɨlɨn̰ dan̰ ba-gulondi bɨ ɨni na, ɓal hɨn̰ wo̰. Hɨn̰ gɨ kalaŋ na ɨrage bɨrɨŋ tɔgɛge ba-ƴaa Bɛljebul na, kɛ kan gɨ tɔgɛge kan ga a duroy ƴaadi dɨŋ na mɨna bɨ ga?

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Epɛs 2:12

Hɨngɨŋ gɨ a boy wɔlɛdi gɨ nee gɨŋ le, kɨŋ sɨla Kɨris ban gɨ Kumu dorii le naŋ bɨ, kɨŋ ɓala ɨre duroy te wɨn̰je gɨ da Ɨsɨrayɛl, kalaŋ ga Kumu torge tumɔ le naŋ bɨ. Hɨnga ga Kumu gɨsɨ kɨya cay saɗe kɨbɨ pɨna ɓɨse gusu le kɨŋ mɨnde durdɨne naŋ bɨ, hɨnga ga kɨŋ kɨya bɔgɛ ɨrɨmedɨgɨŋ cay nee unɔ bɨ, Kumu kalɨn̰ ma kɨŋ sɨlayi tumɔ naŋ bɨ.

Epɛs 3:15

Kumu na te wɔɔ gɨ da kalaŋ pɨna pɨna nɔm bayge, ga gɨɗɨgɨ-Kumu gaŋ bɨ, ga cay gɨsəŋ gaŋ bɨ.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Pilib 3:20

Ama na-gandi na, na na kalaŋ ga cay ƴaadɨna na a gɨɗɨgɨ-Kumu gɨŋ. Gɨɗɨgɨ-Kumu na kɨɗɨn̰ ga ba-pɔɗɛ kalaŋ Ba-gulondɨna Jesu-Kɨris gɨ na ba som gamii le, kɨya sayga nee ɨrga a cay gɨsəŋ gaŋ.

Əbɨro 11:13

Kalaŋ ga jɨne ga nee le nɔm mage na dan̰ aye kudurɔ koge. Dɨle wɔɔge hɨnga ga Kumu ye gɨ ɗi na kɨya bɨge le, ama kan solge mandɨge na hen̰ te ɨrga bɨ leen̰ge gusi-mɔwa koldɨge bɨ. Lee gɨ kan yege leen̰ cɨndi gɨ ke naa kɨrge bɨ ka-sɔmɛ cay tɨbayge dɨŋ bɨ.

Əbɨro 13:14

Kɨya wa a cay gɨsəŋ gaŋ kɛ le, na ɨran̰ dan̰ cay ƴaa di kɨya sɔmɛ dan̰ tumɔɔ naŋ. Ama na malgɨŋ na cay ƴaa-di-gumu di kɨya caga ƴee.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.