Epɛs 2:13 - Gabri Maja

¹³ Ama haw kɛ na, kɨŋ bugoŋ pɨna dan̰ Jesu-Kɨris lee gɨ kɨŋ ga tumɔ kɨŋ hən̰ dan̰ Kumu le, kɨŋ ɨrga mɨnde gusi dan̰ gɨyəŋ gɨ da kɨbardi Kɨris.

Epɛs 2:13 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 10:16

Ɨŋ orɨn̰ dan̰ gamge ga ɗaŋ ga unɔge a boy jaŋ gɨ kɛ gɨŋ. Naa wa wa kalɨn̰ ma, ɨŋ kɨya malgage ɨrgan̰ danage ƴee. Kan kɨya jɔɔ nonɨ ɨni na, ɨŋ kɨya bogɨge pɨna ɗe bɨlege kondɨwadi te gamge ga pɨna hage bɨ, ba sɔlɛ kardɨge kalɨn̰ ma kɨya wɔyɛ na pɨna hayi bɨ.

Gɨye-lɔɔ 15:14

Simo ba yeni gaŋ kɛ ayɨn̰ a toy dɨŋ le, Kumu ojɨ tɔrɛ duroy kalaŋ ga toyge na Jubɨ naŋ ɗe gɨ kan na bɨləŋge kalaŋ kayi.

Gɨye-lɔɔ 2:39

Kɨya wa Kumu ye gɨ ɗi na kɨya bee Turnɔ ɗe-kuduroy-bɛrɛ di nee le, naa kɨya caygɨŋ bɨ, kɨya cay karɨndɨgɨŋ bɨ, kɨya cay kalaŋ nɔm ga woyge kɨɗɨn̰ ga hen̰ gaŋ bɨ, kɨya waŋ waŋ gɨ Ba-gulɔŋ Kumu kɨya togii bɨ.»

Gɨye-lɔɔ 22:21

Ama Ba-gulɔŋ yəŋ hɨn̰: “Ɨra, ɨŋ kɨya gɨyɨn̰ na hen̰, dan̰ kɨɗɨn̰ ga kɛ gaŋ gusi kalaŋ ga toyge na Jubɨ naŋ”.»

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

1 Korɛ̰t 12:13

Ho’o Kumu leena batɛm nɔm na dan̰ Turnoyi di pɨna haa ɗe ana na bɨləŋ kuyoŋdi-gusu gɨ pɨna hayi gɨ na kuyoŋdi-gusu Kɨris. Ban lee hɨnga ga pɨna hage ga nee le kol cayna nɔm, ko na naa Jubɨ wala kalaŋ ga toyge na Jubɨ naŋ, ko na naa gɔyɔŋ wala kalaŋ ga cayge-kalɨn̰ kalɨn̰ ma, Kumu lee gɨ Turnoyi bɨləŋ hɨn̰ hɨnga ga ni sɔ ga pɨna hage ga na si boy nee wo̰.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

2 Korɛ̰t 5:17

Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Epɛs 1:1

Na ɨŋ-bandi Pol ba wale magtubu di kɛ le. Ɨŋ na ba-gɨre-gɨye gɨ da Jesu-Kɨris, kɨya gɨ na kuduroy geye gɨ da Kumu koyi. Ɨŋ wal magtubu di kɛ le bɨn̰ na kalaŋ ga woyge dan̰ cɨndɨge a cay ƴaa-di-gumu di Epɛs dɨŋ bɨ, ga ɨrege cay tɨbayige dɨŋ dan̰ wɔlɛ pɨna pɨna a te bugoŋ pɨna dan̰ Jesu-Kɨris koge gɨŋ bɨ.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 2:12

Hɨngɨŋ gɨ a boy wɔlɛdi gɨ nee gɨŋ le, kɨŋ sɨla Kɨris ban gɨ Kumu dorii le naŋ bɨ, kɨŋ ɓala ɨre duroy te wɨn̰je gɨ da Ɨsɨrayɛl, kalaŋ ga Kumu torge tumɔ le naŋ bɨ. Hɨnga ga Kumu gɨsɨ kɨya cay saɗe kɨbɨ pɨna ɓɨse gusu le kɨŋ mɨnde durdɨne naŋ bɨ, hɨnga ga kɨŋ kɨya bɔgɛ ɨrɨmedɨgɨŋ cay nee unɔ bɨ, Kumu kalɨn̰ ma kɨŋ sɨlayi tumɔ naŋ bɨ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 2:6

Kumu boyna lɨbna te bugoŋ pɨna dan̰ Jesu-Kɨris bɨ, or ɗena pɨna danayi a gɨɗɨgɨ-Kumu gɨŋ daa nii.

Əbɨro 9:18

Na toy di hɨn̰ wo̰ ma, saɗe kɨbɨ pɨna ɓɨse gusu gɨ cay wase le, beege kɨbar dugo pa dɨm ma ayge te loon̰ gɨye ƴee.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,