Epɛs 1:8 - Gabri Maja

⁸ Kumu bɨna cɨn̰-muɗɔlɛ dan̰ cay wɔyɛ-bɨra di ɓal kɔl na kɨya cay ɗarwa di gumu di ban lee danana le.

Epɛs 1:8 ပူးပေါင်းရင်းမြစ်များ

Matɨyo 11:19

Ama kɨɗɨn̰ ga ɨŋ-bandi Kurɨn̰-ungo ɨŋ caga na, ɨŋ dii bɨ, ɨŋ si bɨ, naa hɨn̰ wo̰ kalɨn̰ ma, kan yege hɨn̰: “Sɨlagɨŋ ba-dɔɔ dɔɔ bɨ, ba-sɔdɔ cɛrɛ koydɨn̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, ka-lɔɔ ɨsɨna bɨ.” Ama cɨn̰-muɗɔlɛ gɨ da Kumu gɨl gusi dan̰ durɔ ɗɨngar na dan̰ gɨyəŋ gɨ da gɨye-lɔɔdi.»

Magtubu di Pol wal bɨn̰ kalaŋ ga Rɔm 11:33

Na cɨndi, kandi-wɔɔ ga da Kumu ɗɨn̰ cɨn̰-kɨɗɨn̰. Cɨn̰-muɗɔlɛ koyi bɨ, hɨnga-sɔlɛ kayi bɨ, kagadɨge unɔ. Cɨn̰-muɗɔlɛ di da dɔɔ-ƴaa toyi ɗɨn̰ cɨn̰-kɨɗɨn̰. Gɨyəŋ gɨ da lɔɔ hɨnga kayi dor turnoy kɨɗɨn̰ bɨrɨŋ gɨ ungo ɓala dɔrɛ toyge naŋ,

Magtubu di Pol wal bɨn̰ kalaŋ ga Rɔm 5:15

Ama hɨnga ga ni bee ga Kumu bɨna kalɨn̰ le, wɨya gɨlɨn̰ na hɨn̰ ga da Adam wo̰ naŋ. Na kol hɨnga ga dan̰ gɨyəŋdɨge naŋ ga ungo pɨna hayi ƴɔbɨ lee le ma, kalaŋ kondɨ marɨn̰ge. Ɗarwa di da Kumu gumu ɗɨn̰ hɨnga ga dan̰ gɨyəŋdɨge naŋ ƴee coŋ. Ɗarwa le ɨrga na dan̰ gɨyəŋ gɨ da ungo pɨna hayi, Jesu-Kɨris, hɨndi lee kuduroy-ɗarwa gɨɗaŋ dan̰ kondɨwadi kalaŋ.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Magtubu di Jud wal 1:25

Kumu konagɨŋ pɨna hayi kəɗ kəɗ gɨ ba-poɗɨnagɨŋ dan̰ gɨyəŋ gɨ da Ba-gulondɨna Jesu-Kɨris le, kuɗa gɨ gusoŋ-tɔgɛ bɨ, gɨmɨn̰aw bɨ, dɔnɔ bɨ, dɔnɔ di ni diin̰ cay ƴaa bɨ, wɨya na kayi ban ƴɔbɨ boy ɨlgen̰əŋ ga pɨde bɨ, haw kɛ bɨ, bɨrɨŋ dan̰ tumoyi bɨ. Ɗa-ɗe-woy-hɨn̰-wo̰.

Wasɨn̰a 5:12

Kan ayge te tumoyge daa pəŋ yen̰ge hɨn̰: «Kurɨn̰-dɨmangɨ gɨ walge tumoyi le, Ɓal wɔɔ dɔnɔ bɨ, Kandi-wɔɔ bɨ, cɨn̰-muɗɔlɛ bɨ, tɔgɨ bɨ, Hurɔmɔ bɨ, gusoŋ-tɔgɛ bɨ, hɨrame bɨ!»