Epɛs 1:7 - Gabri Maja

⁷ Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 1:7 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

Matɨyo 6:12

Ɗa kuduron̰ jala cay gɨye-lɔɔdini gɨ ɨra dan̰ durɔ naŋ gɨ ni lee danan̰, Hɨn̰ gɨ ni-gandi kalɨn̰ ma ni ba ɗen̰ kuduroyni jal a cay ka-looni ɨsɨna wo̰ bɨ.

Marg 14:24

Bɨ ban yege hɨn̰: «Hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ.»

Kɔl-gɨ-Ɗari gɨ Lug wal 1:77

Kɨya leen̰ gɨ ɗe kalaŋ kayi na sɨlan̰ge Gɨ ban na ɨrgan̰ naa dan̰ pɔɗɛ, Kɨya cay kuduroyi ga ban ɗe jal A cay ɨsɨnan̰əŋ gaŋ.

Kɔl-gɨ-Ɗari gɨ Lug wal 24:47

Naa wa wa kalɨn̰ ma, kan kɨya tɔgɛ bɛrnɛ bɨn̰ te wɔɔ gɨ da kalaŋ pɨna pɨna, ayɨn̰ toy a cay ƴaa-di-gumu di Jerusalɛm dɨŋ. Bɨ kan kɨya tɔgɛ bɛrnɛ yɔɔge hɨn̰: “Bɨlgɨŋ gɨye-lɔɔdɨgɨŋ na, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ.”

Kɔl-gɨ-Ɗari gɨ Ja̰ wal 20:23

Kan ga kɨŋ kɨya ɗɔɔ kuduroygɨŋ jalɨwa, a cay ɨsɨna koge gɨŋ na, kɨya wɔɔge kuduroy jalɨwa. Bɨ kan ga kɨŋ kɨya ɗɔɔ kuduroygɨŋ jalɨwa, a cay ɨsɨna koge gɨŋ naŋ na, kɨya wɔɔge kuduroy jalɨwa naŋ bɨ.»

Gɨye-lɔɔ 10:43

Ka-yɔɔ-kɔl-gɨ-Kumu-ba-yɔɔ nɔm leege tɨmon̰ toyi yege hɨn̰: Waŋ waŋ gɨ na bɨga kuduroy cayi na, naa dan̰ gɨyəŋ gɨ da gusondi ma Kumu na kɨya ɗɔɔ kuduroyi jalɨwa cay ɨsɨna koyi gɨŋ.

Gɨye-lɔɔ 2:38

Pɨyɛr dɨbɨge cay nee yege hɨn̰: «Bɨlgɨŋ gɨye-lɔɔdɨgɨŋ nɔm bɨ, ɗagɨŋ gɨ kan laagɨŋge batɛm pɨna pɨna dan̰ guson̰ Jesu-Kɨris bɨ, ɗe gɨ Kumu ɗe kuduroy jal cay lɔɔ ɨsɨna kogɨŋ gɨŋ bɨ. Ɨni na, kɨŋ kɨya wɔɔ Turnɔ ɗe-kuduroy-bɛrɛ di Kumu bɨn̰ kalaŋ le.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 3:19

Naa hɨn̰ wo̰ na, bɨlgɨŋ gɨye-lɔɔdɨgɨŋ bɨ, jɨgegɨŋ gusi Kumu ɗe ban yɨde ɨsɨna kogɨŋ nɔm coŋ.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

Magtubu di Pol wal bɨn̰ kalaŋ ga Rɔm 3:24

Ama Kumu dan̰ gɨyəŋ gɨ da ɗarwa toyi bɨle kalaŋ leen̰ ga dan̰ durɔ ɗɨngar a cɨndi kalɨn̰, na dan̰ gɨyəŋ gɨ da bugoŋ pɨna dan̰ Jesu-Kɨris gɨ ba dorge a te ɨsɨna koge gɨŋ dɨbɨge daa.

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 9:23

Kumu gey gɨle kandi-wɔɔ ga da gusoŋ-tɔgɛ koyi gɨ lee hundɔrɔ a gusi kan ga ban sol cɨn̰-n̰age toge, ga ban ƴom cay tɨbayige na jɨne hayi ɗe kan na andɨn̰ge a boy gusoŋ-tɔgɛ koyi gɨŋ le.

1 Korɛ̰t 1:30

Na Kumu ba bɔgɨna pɨna dan̰ Jesu-Kɨris bɨ, ban lee Kɨris leen̰ cɨn̰-muɗɔlɛ tona di sayga gusi Kumu bɨ, hɨnga ga dan̰ durɔ ɗɨngar kana bɨ, dɔrɛ se dan̰ cɨndi kona bɨ, bɔyɛ ca tona bɨ,

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

Epɛs 1:14

Turnɔ ɗe-kuduroy-bɛrɛ na hɨnga ga gɨl gɨ Kumu na kɨya bɨna hɨnga ga ɗari ga ban ƴom cay tɨbayige kol cay kalaŋ kayi. Ban gɨlna gɨ na na kɨya wɔɔgɨŋ hɨnga ga nee le leen̰ cɨndi, kɨɗɨn̰ ga Kumu kɨya dorna ɗena daa cɨrab. Kuɗa gɨ na hɨramgɨŋ gɨmɨn̰aw di da Kumu.

Epɛs 1:18

Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge,

Epɛs 1:6

Ɗe gɨ ana na hɨramii kɨya cay gusoŋ-tɔgɛ koyi bɨ, kɨya cay ɗarwa di gumu di ban lee danana kɨya cay bugoŋ gɨ na bugoŋ pɨna dan̰ kurondi, ungo gɨ ban lee-toy tɔgɨ.

Epɛs 1:8

Kumu bɨna cɨn̰-muɗɔlɛ dan̰ cay wɔyɛ-bɨra di ɓal kɔl na kɨya cay ɗarwa di gumu di ban lee danana le.

Epɛs 2:4

Ama sɔlɛ cɨn̰-n̰age di da Kumu ɗɨn̰ hɨnga nɔm bɨ, ban geyna dan̰ wandɨ di gumu tɔgɨ bɨ.

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Epɛs 3:16

Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Pilib 4:19

Kumu hɨnge orɨn̰ dan̰ kandi-wɔɔ ga lee hundɔrɔ. Ban kɨya bɨgɨŋ hɨnga nɔm ga n̰agedɨge ləgɨŋ, ban kɨya lɔɔ na dan̰ gɨyəŋ gɨ da Jesu-Kɨris.

Kɔlɔs 1:14

Dan̰ te bugoŋ pɨna dan̰ Kurondi le, Kumu dornagɨŋ beenagɨŋ daa bɨ, ɗe kuduroyi jal cay ɨsɨna konagɨŋ gɨŋ bɨ.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 2:13

Kɨŋ ga tumɔ kɨŋ madɨrdaŋ kol gɨye-lɔɔdɨgɨŋ gɨ ɨra dan̰ gɨyəŋdi naŋ bɨ, kol wale gɨ walagɨŋge ban̰a naŋ bɨ le, Kumu lee gɨ kɨŋ jɨga som-bɨra dan̰ Kɨris. Ban ɗe kuduroy jal a cay gɨye-lɔɔdɨgɨŋ gɨ ɨra dan̰ gɨyəŋdi naŋ nɔm.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 3:6

Ban gɨygɨn̰ dan̰ Turnɔ ɗe-kuduroy-bɛrɛ cayna, dan̰ tɔrɛ-kɨbɨ nɔm dan̰ gɨyəŋ gɨ da ba-poɗɨnagɨŋ Jesu-Kɨris.

Əbɨro 9:22

Dan̰ gɨyəŋ gɨ da gasɨn̰-kɔl na, kondɨwadi hɨnga na dorge mɨra na dan̰ kɨbar bɨ, hɨn̰ gɨ kɨbar na bugoŋ dugo naŋ na, kuduroy jalɨwa unɔ bɨ.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 2:12

Ay, karɨnɨ kange, ɨŋ wal kɔl gɨ kɛ le bɨgɨŋ: «Kumu ɗe kuduroyi jal a cay ɨsɨna kogɨŋ gɨŋ ɨni kol cay guson̰ Jesu-Kɨris.»

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

Wasɨn̰a 14:4

Kan na kalaŋ ga dɨbage gusɨge duroy kɨni gɨŋ malan̰ge kandɨ naŋ, kɨya wa sɨlage kandɨ naŋ. Kan ga nee le na ka-kɔbɛ kurɨn̰-dɨmangɨ a kɨɗɨn̰ gaŋ nɔm ga ban orɨn̰ nee. Kan na kalaŋ ga ban boy cayge duroy kalaŋ ga ɨndəŋ bɨ, kan woy gɨlɨn̰ na hɨn̰ hɨnga ga cay wase ga walge duroy yage gɨŋ ɗege dan̰ cɨndɨge gɨ ni aye bɨn̰ Kumu bɨ, bɨn̰ kurɨn̰-dɨmangɨ bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,