Epɛs 1:4 - Gabri Maja

⁴ Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi,

Epɛs 1:4 ပူးပေါင်းရင်းမြစ်များ

Matɨyo 24:22

Hɨn̰ gɨ Kumu ni na bɨya kɨbɨ wɔlɛ gɨ nee le daa naŋ na, ungo pɨna nɛŋ ni kɨya dɔgɛ kɨɗɨn̰ andaŋ naŋ. Ama Kumu ɨrɨm a cay kalaŋ ga ban torge. Na toy di hɨn̰ wo̰ ma ban boy kɨbɨ wɔlɛ gɨ nee le daa kol cayge.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Kɔl-gɨ-Ɗari gɨ Ja̰ wal 10:16

Ɨŋ orɨn̰ dan̰ gamge ga ɗaŋ ga unɔge a boy jaŋ gɨ kɛ gɨŋ. Naa wa wa kalɨn̰ ma, ɨŋ kɨya malgage ɨrgan̰ danage ƴee. Kan kɨya jɔɔ nonɨ ɨni na, ɨŋ kɨya bogɨge pɨna ɗe bɨlege kondɨwadi te gamge ga pɨna hage bɨ, ba sɔlɛ kardɨge kalɨn̰ ma kɨya wɔyɛ na pɨna hayi bɨ.

Kɔl-gɨ-Ɗari gɨ Ja̰ wal 15:16

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Gɨye-lɔɔ 15:18

Sɨlagɨŋ kɔl gɨ Ba-gulɔŋ ba ye le ba kɔ. Hɨnga ga ban ba lee haw kɛ le, Na hɨnga ga ban ƴom cay tɨbayge na jɨne hage.”»

Gɨye-lɔɔ 18:10

Kɨya wa ɨŋ woy danan̰. Ungo gɨ kɨya ɓale ƴomɨn̰ leen̰ hɨnga ga ɨsɨni unɔ. Kɨya wa ɨŋ orɨn̰ dan̰ kalaŋ kondɨ, ga na kange a cay ƴaa-di-gumu di nee dɨŋ le.»

Magtubu di Pol wal bɨn̰ kalaŋ ga Rɔm 8:33

Kɛ na waŋ ba kɨya se kɔl a cay kalaŋ ga Kumu torge ga? Ungo wo̰ unɔ! Kumu gusi ba bɨlge leen̰ kalaŋ ga dan̰ durɔ ɗɨngar.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Epɛs 5:27

Kɨya wa ban gey ɨrgan̰ dan̰ Ka-Daye tumoy gusi koyi gaŋ, hɨn̰ tama di jɨran̰de jə̰ jə̰ bɨ, di mɨdage ɨsɨboo naŋ bɨ, di guso bɨga gangɨ naŋ bɨ, di kɨway guso gɨ mundoŋ unɔ bɨ. Ban gey gɨ Ka-Daye na wɨyage dan̰ cɨndɨge bɨ, masadɨge na unɔ bɨ.

Pilib 2:15

ɗe agɨŋ bɨlɨn̰ kalaŋ ga masadɨge unɔ bɨ, duroŋge mɨra bɨ, karɨn̰ Kumu ga hɨnga ga ɨsɨni dḛ wo̰ cɨlge naŋ bɨ, ga sɨmage duroy kalaŋ ga dan̰ durɔ ɗɨngar gaŋ naŋ, naŋ bɨ, duroy kalaŋ ga mundoŋ coŋ ga a cay gɨsəŋ gaŋ kɛ naŋ bɨ. Wɨyagɨŋ duroyge hɨn̰ dɨngɛ di asɨn̰ duroy dɨlɨm dɨŋ wo̰,

Kɔlɔs 1:22

Ama haw kɛ na, Kumu beegɨŋ pɨna danayi kol cay kuyoŋdi Kɨris dan̰ gɨyəŋ gɨ da tɨmaydi ɗe lee gɨ kɨŋ na andan̰ cɨn̰ Kumu hɨn̰ kalaŋ ga woyge dan̰ cɨndɨge bɨ, ga masadɨge unɔ bɨ, ga ungo ɓala dɨbɨge kɔl cayge naŋ bɨ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

Kɔlɔs 3:12

Ay, kalaŋ ga Kumu torgɨŋ, kɨŋ bɨle na kalaŋ kayi ga woyge dan̰ cɨndɨge bɨ, ga ban geyge bɨ. Na toy di hɨn̰ wo̰ ma, kuɗa gɨ kɨŋ dɨba sɔlɛ cɨn̰-n̰age da gusɨgɨŋ a gusɨgɨŋ hɨn̰ badɨge wo̰ ɗe agɨŋ bɨlɨn̰ ka-lɔɔ ɗarwa bɨ, ka-dɔgɛ jɔrgɔ naŋ bɨ, kalaŋ ga kaledɨge jal bɨ, ka-dɨbe ɗugɔ bɨ.

1 Tesalonigɨ 3:12

Kuɗa gɨ Ba-gulɔŋ laa gɨ geye gɨ kɨŋ gey gusɨgɨŋ duroygɨŋ le malga bɨ ɨra dan̰ cɨndi jɨn̰ tumɔ tumɔ, hɨn̰ geye koni gɨ ni ba orɨn̰ kol caygɨŋ wo̰ bɨ.

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 17:8

Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.