Epɛs 1:19 - Gabri Maja

¹⁹ ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris,

Epɛs 1:19 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 3:6

Kalaŋ ga ɨndəŋ na wɔɔge na kalaŋ ga ɨndəŋ, ama Turnɔ di da Kumu ba lɔɔ gɨ turnoyna wan̰ sɔmɛ-bɨra gɨ hɨrɨwa.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

2 Korɛ̰t 4:7

Ama na-gandi ga na kojɨ kandi-wɔɔ ga nee le, na woy gɨlɨn̰ na hɨn̰ pɨray gun̰u wo̰, ɗe kalaŋ solɨn̰ gɨ dɔnɔ di ɗɨn̰ cɨn̰-kɨɗɨn̰ di ni ba leen̰ gɨye le, na sayga na gusi Kumu wala naa gusɨni ni-gandi naŋ.

2 Korɛ̰t 5:17

Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 3:20

Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le.

Epɛs 3:7

Kɨya cay kuduroy-ɗarwa di Kumu lee danaŋ bɨ, kɨya cay dɔnɔ toyi di lee gɨye gusɨnɨ bɨ le, ban bəŋ gɨye gɨ ni togɨn̰-bɛrnɛ Kɔl-gɨ-Ɗari.

Epɛs 6:10

Kagadi kɔl hɨnge ba kɛ: Daragɨŋ togɨygɨŋ na duroy te bugoŋ pɨna kogɨŋ gɨŋ dan̰ Ba-gulɔŋ bɨ, a gusi tɔgɨ toyi di ɗɨn̰ hɨnga nɔm bɨ.

Pilib 2:13

Ho’o, na Kumu gusi ba lɔɔ gɨye kuduroygɨŋ bɨ, bɨgɨŋ kuduroy-geye dan̰ tɔgɨ ɗe agɨŋ na leen̰ hɨnga ga ɗari ga ban ojɨ.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

Kɔlɔs 1:29

Na toy di hɨn̰ wo̰ ma, ɨŋ lee gɨye gɨlalɨn̰ kɔɗ kɔɗ bɨ, worɨn̰ɨn̰ dan̰ gɨyəŋ gɨ da tɔgɨ da Kɨris di lee gɨye gusɨnɨ dan̰ dɔnɔ bɨ.

Kɔlɔs 2:12

Dan̰ gɨyəŋ gɨ da batɛm di kɨŋ ba lee le, ɨmgɨgɨŋge pɨna dan̰ Kɨris bɨ, kɨŋ boy lɨbɨ pɨna danayi bɨ. Kɨya wa kɨŋ bee kuduroygɨŋ cay dɔnɔ di da Kumu di boyii lɨbii duroy kalaŋ ga madɨrdaŋ gaŋ le.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

2 Tesalonigɨ 1:11

Na toy di hɨn̰ wo̰ ma, ni ol Kumu cɨndɨni tumɔ tumɔ kol caygɨŋ le, ɗe ban bɨlgɨŋ agɨŋ ɓalɨn̰ somɨn̰ sɔmɛ gɨ hɨrɨwa a te gɨyəŋ gɨ ban təgɨŋ nee le. Bɨ ni olii gɨ ban na bɨgɨŋ tɔgɨ ɗe agɨŋ na leen̰ hɨnga ga ɗadɨrdaŋ nɔm ga kuduroygɨŋ gey lɔɔ bɨ, ɗe aye kudurɔ kogɨŋ lee gɨye bɨ.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!