Epɛs 1:18 - Gabri Maja

¹⁸ Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge,

Epɛs 1:18 ပူးပေါင်းရင်းမြစ်များ

Matɨyo 13:15

Kɨya wa te wɔɔ gɨ da kalaŋ ga nee le, kuduroyge osu tɔgɨ. Kan lɨgɨdege sɨmayige daa bɨ, lɨgɨdege cɨndɨge daa bɨ. Ɗe gɨ cɨndɨge na sɨlan̰ kɨɗɨn̰ naŋ bɨ sɨmayige na jen̰ kɔl naŋ bɨ, Ɗe kuduroyge na ɨrɨm kɔl pɨna naŋ bɨ, Ɗe kan na da bɨlɨn̰ jɨgan̰ gusɨnɨ naŋ, Ɨŋ na da poɗɨge.”

Marg 10:17

Jesu de say kɨya bɔɔ gɨyəŋ gɨŋ ɔrɛ ɨni na, gɨlmi gɨ pɨna wo̰ gɨrgɨ ɨrga poy gɨbayi dugo tumoyi bɨ ɨngɨrii hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ le ga?»

Kɔl-gɨ-Ɗari gɨ Lug wal 24:45

Ɨni na, ban haŋgɨ cɨndɨge, ɗe kan na solɨn̰ te kɔl gɨ kan ba walge a duroy Magtubu di da Kumu dɨŋ le.

Gɨye-lɔɔ 16:14

Tama di pɨna wo̰ di Tɨyatir som duroy kandɨ ga nee le, gusɔndɔ na Lidi. Hɨndi na ɗe-lɔɔ gɨyaw di da badɨge ga kɨledɨge osɨdoŋ tɔgɨ bɨ, na tama ɗe n̰ɨre Kumu bɨ. Ba-gulɔŋ lee gɨ hɨndi si sɨma kuɗa jen̰ kɔl kɨbɨ Pol.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Magtubu di Pol wal bɨn̰ kalaŋ ga Rɔm 11:29

Hɨn̰ gɨ Kumu na bɨn̰ ungo hɨnga ga ni bee-kalɨn̰ na, ban jɨga ƴa kobi daa naŋ bɨ. Hɨn̰ gɨ ban na tɨga ungo na, ban jɨga tayayi naŋ bɨ.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 2:12

Hɨngɨŋ gɨ a boy wɔlɛdi gɨ nee gɨŋ le, kɨŋ sɨla Kɨris ban gɨ Kumu dorii le naŋ bɨ, kɨŋ ɓala ɨre duroy te wɨn̰je gɨ da Ɨsɨrayɛl, kalaŋ ga Kumu torge tumɔ le naŋ bɨ. Hɨnga ga Kumu gɨsɨ kɨya cay saɗe kɨbɨ pɨna ɓɨse gusu le kɨŋ mɨnde durdɨne naŋ bɨ, hɨnga ga kɨŋ kɨya bɔgɛ ɨrɨmedɨgɨŋ cay nee unɔ bɨ, Kumu kalɨn̰ ma kɨŋ sɨlayi tumɔ naŋ bɨ.

Epɛs 3:16

Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Epɛs 4:4

Kuyoŋdi Kɨris na pɨna ƴɔbɨ bɨ, Turnɔ di da Kumu kalɨn̰ ma na pɨna ƴɔbɨ bɨ. Hɨn̰ wo̰ na hɨnga ga Kumu ye gɨ kɨŋ na bɨga ɨrɨmedɨgɨŋ cay nee kɨɗɨn̰ ga ban təgɨŋ le kalɨn̰ ma na pɨna hage ƴɔbɨ bɨ.

Epɛs 5:8

Tumɔ kɨŋ na ga da dɨlɨm, ama haw kɛ kɨŋ na ga da kɨɗɨn̰ ga asɨn̰ dan̰ te bugoŋ gɨ kɨŋ bugoŋ pɨna dan̰ Ba-gulɔŋ. Hɨn̰ wo̰ na, laagɨŋ hɨnga hɨn̰ karɨn̰aŋ ga somge kɨɗɨn̰ ga asɨn̰ gaŋ wo̰.

Pilib 3:14

Ɨŋ gɨre cɨnɨ jɨn̰ gusi hɨnga ga woy tumonɨ ɗe aŋ na wan̰ hɨnga ga ni cay-kɔbɔ ga Kumu tena koldɨge te bugoŋ pɨna dan̰ Jesu-Kɨris ɗe ana na orgɨŋ wɔɔ a gɨɗɨgɨ-Kumu gɨŋ le.

Kɔlɔs 1:12

Hɨn̰ wo̰ na, kɨŋ laan̰ Bayna Kumu ho’o dan̰ tɨwa nɔm. Kɨya wa ban bɨlna leen̰ kalaŋ ga na ɓal wɔɔ hɨnga ga ni ban̰di-gulɔŋ ga da kalaŋ ga woyge dan̰ cɨndɨge boy dɔɔ-ƴaa asɨn̰a dɨŋ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

1 Tesalonigɨ 5:8

Ama na-gandi ga na kalaŋ ga da kɨɗɨn̰ ga woli le, kuɗa gɨ na ƴɨma gusɨna a cay hɨnga nɔm. Dɨbanagɨŋ badɨge ga ni kɨmbɨl ga na nare gɨ na aye kudurɔ bɨ, geye bɨ le a gusɨnagɨŋ, bɨ jagɨwa ga ni kɨmbɨl gɨ na bɔgɛ ɨrɨmedɨna cay pɔɗɛ gɨŋ le, cayna gɨŋ bɨ.

2 Tesalonigɨ 1:11

Na toy di hɨn̰ wo̰ ma, ni ol Kumu cɨndɨni tumɔ tumɔ kol caygɨŋ le, ɗe ban bɨlgɨŋ agɨŋ ɓalɨn̰ somɨn̰ sɔmɛ gɨ hɨrɨwa a te gɨyəŋ gɨ ban təgɨŋ nee le. Bɨ ni olii gɨ ban na bɨgɨŋ tɔgɨ ɗe agɨŋ na leen̰ hɨnga ga ɗadɨrdaŋ nɔm ga kuduroygɨŋ gey lɔɔ bɨ, ɗe aye kudurɔ kogɨŋ lee gɨye bɨ.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Əbɨro 10:32

Kuɗa gɨ kuduroygɨŋ hɨn a cay hɨnga ga ləgɨŋ cay wase le. Kɨɗɨn̰ ga kɔl gɨ cɨndi gɨ da Kumu ba haŋgɨ cɨndɨgɨŋ le, a boy wɔlɛdi gɨ nee gɨŋ le, kɨŋ way tabɨ kondɨ kardi nee. Ama kɨŋ ɨre osu kɨbɨ kɨmbɨl gɨŋ le.

Əbɨro 6:4

Kalaŋ ga asɨn̰a gɨ da Kumu asɨn̰ kɨɗɨn̰ kuduroyge bɨ, wayge ɗarwa di sayga kobɨ Kumu kondɨ bɨ, wayge Turnɔ ɗe-kuduroy-bɛrɛ bɨ le,

1 Pɨyɛr 1:3

Kuɗa gɨ ana hɨramgɨŋ Ba-gulondɨna Kumu, Jesu-Kɨris Bayi. Kɨya cay sɔlɛ cɨn̰-n̰age toyi di gumu di ban jɨga wɔɔnagɨŋ ɗaŋ dan̰ gɨyəŋ gɨ da bɔyɛ lɨbe gɨ da Jesu-Kɨris duroy kalaŋ ga madɨrdaŋ. Hɨnga ga nee le, lee gɨ ɨrɨmedɨnagɨŋ gɨ na ba bee cay nee le kɨya wɔyɛ-bɨra.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.