Epɛs 1:17 - Gabri Maja

¹⁷ Kuɗa gɨ ban gɨ na Ba-gulondɨna Jesu-Kɨris bayi, ban gɨ na Bayna gɨ gusoŋ-tɔgɛ na koyi le bɨgɨŋ kɨŋ nɔm turnɔ di ɗe bɨn̰ ungo cɨn̰-muɗɔlɛ bɨ, ɗe haŋge cɨn̰ ungo cayi bɨ, ɗe agɨŋ solɨn̰ Kumu gɨɗaŋ.

Epɛs 1:17 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 16:17

Kɨɗɨn̰di ga nee gaŋ le, Jesu dɨbii cay nee yeyi hɨn̰: «Tumoy wolwa woy kol can̰, Simo kurɨn̰ Jonasɨ, kɨya gɨ na Banɨ gɨ ba som a daa nii ba haŋge cɨndɨn̰ a cay hɨnga ga nee le, wala na ungo gɨ ɨndi naŋ.

Matɨyo 20:33

Ɨni na, kan yeyige hɨn̰: «Ba-gulɔŋ, ni gey gɨ ɗe cɨndɨni na hangɨdaŋ.»

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Kɔl-gɨ-Ɗari gɨ Lug wal 12:12

Kɨya wa na Turnɔ ɗe-kuduroy-bɛrɛ le ba kɨya gɨlgɨŋ kɔl gɨ kɨŋ kɨya yɔ a boy tɨwadi di nee le.»

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Kɔl-gɨ-Ɗari gɨ Ja̰ wal 14:17

Ban na Turnɔ di da kɔl gɨ cɨndi. Kalaŋ ga a cay gɨsəŋ gaŋ kɨya ɓale ƴomiige gusɨge naŋ. Kɨya wa kan sɨlayige naŋ bɨ, sɨlayige dan̰ cɨndɨge naŋ bɨ. Ama kɨŋ-gandi na, kɨŋ solii kɨya gɨ ban som danagɨŋ bɨ, som kuduroygɨŋ nee bɨ.

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 16:3

Kan kɨya lɔɔ hɨn̰ wo̰, na kɨya gɨ kan sɨlage Banɨ naŋ bɨ, sɨlaŋge ɨŋ-bandi naŋ bɨ.

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Gɨye-lɔɔ 6:10

Ama kan ɗɨn̰ge cayi dan̰ man̰e gɨ da kɔl naŋ, kɨya wa cɨn̰-muɗɔlɛ di ban ba yen̰ kɔl le, na Turnɔ ɗe-kuduroy-bɛrɛ ba bii.

Gɨye-lɔɔ 7:2

Ɨni na, Etɛn dɨbɨge cay nee yege hɨn̰: «Karmɨnɨ bɨ, ban̰anɨ bɨ, jagɨŋ. Kɨɗɨn̰ ga mon̰iigɨŋ Abɨraham ba ban̰ a cay gɨsəŋ ga Mesopotami gaŋ ƴee, pa dɨm ma kɨya sɔ orɨn̰ somɨn̰ Haran le, Kumu gɨ ba gusoŋ-tɔgɛ andaŋ cayi yey hɨn̰:

Magtubu di Pol wal bɨn̰ kalaŋ ga Rɔm 1:28

Kɨɗɨn̰ ga kan hagɨrge sɔlɛ gɨyəŋ gɨ da Kumu na, Kumu ɗege duroy sɔlɛ-hɨnga kage gaŋ le, lee gɨ kan leege hɨnga ga uja ga ni lɔɔ naŋ.

Magtubu di Pol wal bɨn̰ kalaŋ ga Rɔm 15:6

ɗe gɨ kɨŋ-gandi nɔm togɨŋ dɨŋ, kɨŋ na dɨbɨn̰ gusoŋ-tɔgɛ a cay Kumu, Ba-gulondɨna Jesu-Kɨris bayi le.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 14:6

Ay, karmɨnɨ ga ban̰aŋ dan̰ ga kandɨ, hɨn̰ gɨ ba woy kɛ le hɨn̰ gɨ ɨŋ na ɨra gusɨgɨŋ, ma ɨŋ na ya kɔl danagɨŋ dan̰ kɨbɨ gɨ ungo sɨla naŋ na kɛ kɨŋ kɨya wɔɔ na wa a duroy kɔl gɨ ɨŋ ba ye danagɨŋ le ga? Kɨŋ kɨya wɔɔ hɨnga pɨna duroy nee naŋ. Ama hɨn̰ gɨ ɨŋ na yagɨŋ hɨnga ga Kumu wasɨn̰ cayge bəŋ, naŋ le hɨnga ga ɨŋ sol, naŋ le ɨŋ na yagɨŋ naa kɔl-gɨ-Kumu-ba-yɔɔ, naŋ le ɨŋ na gɨlgɨŋ naa hɨnga na, kɨŋ kɨya wɔɔ hɨnga duroy kɔl yɔnɨ gɨŋ.

1 Korɛ̰t 2:10

Ama Kumu wasɨn̰ cay hɨnga ga woy kɨɗɨn̰ ɓurɔŋgɛdɨge gaŋ le bɨni dan̰ gɨyəŋ gɨ da Turnɔ toyi. Kɨya wa Turnɔ ɓal kɔbɛ te hɨnga pɨna pɨna nɔm. Ko naa hɨnga ga Kumu wosɨ a kɨɗɨn̰ ɓurɔŋgɛdɨge gaŋ ƴee kalɨn̰ ma, hɨndi ɓal kɔbɛ pɨna pɨna.

1 Korɛ̰t 2:8

Ungo pɨna wo̰ duroy kɛrɨmbɛlɛŋ ga a cay gɨsəŋ gaŋ kɛ gɨ sol cɨn̰-muɗɔlɛ di nee le unɔ. Hɨn̰ gɨ kan ni na sɨlage na, Ba-gulɔŋ gɨ gusoŋ-tɔgɛ na toy le, kan ni kɨya gagɨliige a cay sɨya-gɨ-dagɨli gɨŋ naŋ.

2 Korɛ̰t 12:1

Gɨle gusu ɗarwadi unɔ, ama naa wa wa kalɨn̰ ma ɨŋ kɨya gɨle gusɨnɨ. Ɨŋ kɨya yɔ kol hɨnga ga Ba-gulɔŋ wasɨn̰ cayge bəŋ bɨ, hɨnga ga buyoŋ cɨnɨ hɨn̰ dḛ wo̰ bɨ.

Epɛs 1:3

Kuɗa gɨ hɨrame wɨya uja cay Kumu bɨ, Ba-gulondɨna Jesu-Kɨris Bay bɨ. Kɨya wa ban tor-kɨbi cayna kol bugoŋ gɨ na bugoŋ pɨna dan̰ Kɨris. Kɨɗɨn̰ ga ban bɨna hɨnga ga ni tɔrɛ-kɨbɨ nɔm ga dan̰ cɨndɨge cɨndɨge ga gɨɗɨgɨ-Kumu gaŋ ga sayga gusi Turnɔ ɗe-kuduroy-bɛrɛ.

Epɛs 3:5

Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi.

Epɛs 4:13

Na hɨn̰ wo̰ ma, ma na kɨya loon̰ gɨye bɨrɨŋ gɨsɨn̰ gɨ na-gandi nɔm, na na bugoŋgɨŋ pɨna te aye kudurɔ gɨŋ bɨ, na na sɨlan̰gɨŋ Kurɨn̰-Kumu nara bɨ. Ɨni na, na-gandi nɔm na kɨya bɨləŋgɨŋ kalaŋ ga cɨndɨge nadɨrdaŋ ga malgɨge bɨrɨŋ ɓalɨn̰ge dan̰ Kɨris ca ca.

Pilib 3:15

Kuɗa gɨ na-gandi nɔm ga cɨndɨna naa a te aye kudurɔ gɨŋ le, na kɨba ɨrɨme gɨ pɨna hayi gɨ nee le. Ama hɨn̰ gɨ hɨnga ga pɨna na wɨya, ma te tumoygɨŋ na ɓalɨn̰a cay nee naŋ kalɨn̰ ma, Kumu kɨya haŋge cɨndɨgɨŋ cay nee.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Magtubu di Jag wal 2:1

Karmɨnɨ ga ban̰aŋ dan̰ ga kandɨ, kɨŋ ay kuduroygɨŋ bɨn̰ Ba-gulondɨna Jesu-Kɨris gɨ dɨbɨge gusoŋ-tɔgɛ cayi ɨni. Dɔrɛgɨŋ cɨn̰ kalaŋ naŋ, kɨya wa dɔrɛ cɨn̰ kalaŋ le, na hɨnga ga ɨra dan̰ gɨyəŋ gɨ da ba-aye-kudurɔ naŋ.

2 Pɨyɛr 1:3

Na cɨndi, Kumu bɨnagɨŋ hɨnga nɔm ga na or n̰agedɨge na kol dɔnɔ toyi, ɗe ana na somɨn̰gɨŋ-bɨra bɨ, leen̰gɨŋ gɨye lɔɔ gɨ bugoŋ pɨna dan̰ Kumu bɨ. Ban Kumu lee gɨ na solgɨŋ gɨ ban teenagɨŋ na dan̰ gɨyəŋ gɨ da gusoŋ-tɔgɛ koyi bɨ, na dan̰ gɨyəŋ gɨ da tɔgɨ toyi bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

Wasɨn̰a 7:12

yen̰ge hɨn̰: «Ɗa-ɗe-woy-hɨn̰-wo̰! Ho’o, hɨrame bɨ, gusoŋ-tɔgɛ bɨ, Cɨn̰-muɗɔlɛ bɨ, lɔɔ ho’o bɨ, Hurɔmɔ bɨ, dɔnɔ bɨ, tɔgɨ bɨ Na ga da Kumu konagɨŋ ɨlge dan̰ ɨlge! Ɗa-ɗe-woy-hɨn̰-wo̰!»