Epɛs 1:15 - Gabri Maja

¹⁵ Na toy di hɨn̰ wo̰ ma ɨŋ-bandi kalɨn̰ ma, ayɨn̰ toy gɨ ɨŋ ba je kol kuduroygɨŋ ga kɨŋ ba ay bɨn̰ Ba-gulɔŋ Jesu bɨ, kol geye gɨ kɨŋ ba gey kan ga woyge dan̰ cɨndɨge nɔm bɨ na,

Epɛs 1:15 ပူးပေါင်းရင်းမြစ်များ

Gɨye-lɔɔ 20:21

Tɨmon̰ tɨnge di ɨŋ ba lee kɨya cay Jesu le, tee na kalaŋ ga ni Jubɨ bɨ, Gɨrɛg bɨ, ɗe na bɨlege gɨye-lɔɔdɨge bɨlɨn̰ge gusɨge gusi Kumu bɨ, ɗe gɨ kan na bɨgan̰ kuduroyge a cay Ba-gulondɨna Jesu bɨ.

Magtubu di Pol wal bɨn̰ kalaŋ ga Rɔm 1:8

Hɨnga ga cay wase na, ɨŋ leen̰ Kumu hɨnge ho’o dan̰ gɨyəŋ gɨ da Jesu-Kɨris kol caygɨŋ nɔm, kɨya wa kalaŋ ye kol aye kudurɔ kogɨŋ gon̰ cay gɨsəŋ nɔm.

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Epɛs 1:1

Na ɨŋ-bandi Pol ba wale magtubu di kɛ le. Ɨŋ na ba-gɨre-gɨye gɨ da Jesu-Kɨris, kɨya gɨ na kuduroy geye gɨ da Kumu koyi. Ɨŋ wal magtubu di kɛ le bɨn̰ na kalaŋ ga woyge dan̰ cɨndɨge a cay ƴaa-di-gumu di Epɛs dɨŋ bɨ, ga ɨrege cay tɨbayige dɨŋ dan̰ wɔlɛ pɨna pɨna a te bugoŋ pɨna dan̰ Jesu-Kɨris koge gɨŋ bɨ.

Epɛs 3:18

Hɨn̰ wo̰ na, kɨŋ kɨya ɓale won̰ tɔgɨ di ni solɨn̰ duroy geye gɨ ban gey lɔɔ kol caygɨŋ le pɨna dan̰ kan ga woyge dan̰ cɨndɨge ga ɗaŋ. Kɨŋ kɨya sɔlɛ wolwado bɨ, sɨngɨɗɨwado bɨ, hɔgɨwado bɨ, ɗɨgɨwado bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 4:9

Kɔl gɨ ojɨ cay geye gɨ a duroy ka-karme na, kɨŋ ɨra n̰agedi gɨ ungo gɨ wale magtubu koldi bɨgɨŋ naŋ ɨni, kɨya wa Kumu gɨlgɨŋ kɨŋ-gandi gusɨgɨŋ gɨyəŋ gɨ ni geyɨn̰ gusɨgɨŋ duroygɨŋ.

2 Tesalonigɨ 1:3

Karmɨnɨ ga ban̰aŋ dan̰ ga kandɨ, ojɨ gɨ ni leen̰ Kumu ho’o jɨn̰ tumɔ tumɔ kol caygɨŋ. Hɨnga ga nee le, na dan̰ gɨyəŋdɨge kɨya wa aye kudurɔ kogɨŋ or cɨndi jɨn̰ tumɔ tumɔ dan̰ togi togi bɨ, geye gɨ kɨŋ orɨn̰ duroygɨŋ le, malgɨ gusɨgɨŋ pɨna pɨna bɨ.

1 Timote 1:14

Ama Ba-gulondɨna lee ɗarwa danaŋ tɔgɨ. Ban lee gɨ ɨŋ ay kuduronɨ bɨ, ɨŋ ƴom wandɨ danayi bɨ, kɨya cay bugoŋ gɨ ɨŋ bugoŋ pɨna dan̰ Jesu-Kɨris.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

Pilemo 1:5

Kɨya wa ɨŋ je kol geye kon̰ bɨ kol aye kudurɔ kon̰ bɨ, gɨ ojɨ cay Ba-gulɔŋ Jesu bɨ, ojɨn̰ cay kan ga woyge dan̰ cɨndɨge nɔm bɨ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Ja̰ 3:17

Hɨn̰ gɨ ungo na ɨran̰ dan̰ kandi-wɔɔ ga a cay gɨsəŋ gaŋ mana lɨgɨ cɨndi daa a cay kurɨndi gɨ hɨnga wɨyii na, kɛ na mɨna ma ban gɨ yɔ gɨ ɗi na gey Kumu ga?

1 Ja̰ 4:21

Te tumɔ di Kɨris bɨnagɨŋ le ye hɨn̰: «Ungo gɨ na gey Kumu na, kuɗa gɨ ban gey kurɨndi bɨ.»