Epɛs 1:11 - Gabri Maja

¹¹ Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 1:11 ပူးပေါင်းရင်းမြစ်များ

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Gɨye-lɔɔ 2:23

Gɨlmi gɨ nee le, kɨŋ dobii kobɨ ka-lɔɔ terɨn̰ ɗe kan dɨɗiige a cay sɨya-gɨ-dagɨli gɨŋ, dan̰ gɨyəŋ gɨ Kumu ojɨ jɨne hayi.

Gɨye-lɔɔ 20:27

Kɨya wa ɨŋ tee bɛrnɛdi hɨnga nɔm ga Kumu ba ojɨ lɔɔ bɨgɨŋ le, dɨle wɔsɛ cay hɨnga pɨna dugo.

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 4:28

Kan leege hɨnga nɔm ga ji ba ojɨ tumɔ dan̰ dɔnɔ ton̰ bɨ, dan̰ kuduroy geye kon̰ bɨ le.

Magtubu di Pol wal bɨn̰ kalaŋ ga Rɔm 11:34

hɨn̰ gɨ Magtubu di da Kumu ba ye hɨn̰: «Kɛ, na waŋ ba sɔlɛ ɨrɨme gɨ da Ba-gulɔŋ Kumu ga? Naŋ le kɛ, na waŋ ba bɨle ba bogii kɔl kuduroy ga?»

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

Magtubu di Pol wal bɨn̰ kalaŋ ga Rɔm 8:28

Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

Magtubu di Pol wal bɨn̰ kalaŋ ga Rɔm 8:30

Kalaŋ ga Kumu ojɨ ɗe na gɨlɨn̰ge dan̰ Kurondi wo̰ le, ban teege bɨ. Kalaŋ ga ban teege le, ban bɨlge leen̰ ga dan̰ durɔ ɗɨngar bɨ. Kalaŋ ga ban bɨlge leen̰ ga dan̰ durɔ ɗɨngar le, ban bɨge gusoŋ-tɔgɛ koyi bɨ.

Magtubu di Pol wal bɨn̰ kalaŋ ga Rɔm 9:11

Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.

Galad 3:18

Ama hɨn̰ gɨ hɨnga ga ni ban̰di-gulɔŋ ga Kumu bee le, ungo na waa naa dan̰ gɨyəŋ gɨ da gasɨn̰-kɔl na, na dan̰ gɨyəŋ gɨ da kɔl gɨ ban ye gɨ ɗi na kɨya lɔɔ naŋ ɨni. Kɨya wa Kumu lee ɗarwa dan̰ Abɨraham na dan̰ gɨyəŋ gɨ da hɨnga ga ban ye gɨ ɗi na kɨya bii.

Epɛs 1:14

Turnɔ ɗe-kuduroy-bɛrɛ na hɨnga ga gɨl gɨ Kumu na kɨya bɨna hɨnga ga ɗari ga ban ƴom cay tɨbayige kol cay kalaŋ kayi. Ban gɨlna gɨ na na kɨya wɔɔgɨŋ hɨnga ga nee le leen̰ cɨndi, kɨɗɨn̰ ga Kumu kɨya dorna ɗena daa cɨrab. Kuɗa gɨ na hɨramgɨŋ gɨmɨn̰aw di da Kumu.

Epɛs 1:18

Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge,

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

Epɛs 1:8

Kumu bɨna cɨn̰-muɗɔlɛ dan̰ cay wɔyɛ-bɨra di ɓal kɔl na kɨya cay ɗarwa di gumu di ban lee danana le.

Epɛs 1:9

Na toy di hɨn̰ wo̰ ma, Kumu lee gɨ ɗe cɨndɨna hangaŋ cay hɨnga ga tumɔ woy kɨɗɨn̰ wɔsɛdɨge gaŋ ga ban ojɨ kɨya lɔɔ dan̰ kuduroy-ɗarwa toyi, di ban ƴom cay tɨbaa tumɔ gɨ ni lɔɔ dan̰ gɨyəŋ gɨ da Jesu-Kɨris.

Epɛs 3:11

Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm.

Kɔlɔs 1:12

Hɨn̰ wo̰ na, kɨŋ laan̰ Bayna Kumu ho’o dan̰ tɨwa nɔm. Kɨya wa ban bɨlna leen̰ kalaŋ ga na ɓal wɔɔ hɨnga ga ni ban̰di-gulɔŋ ga da kalaŋ ga woyge dan̰ cɨndɨge boy dɔɔ-ƴaa asɨn̰a dɨŋ.

Kɔlɔs 3:24

Sɨlagɨŋ gɨ kɨŋ kɨya wɔɔ hɨnga ga ni ban̰di-gulɔŋ ga Ba-gulɔŋ ba kɨya bɨgɨŋ, gɨ nee le mana cay-kɔbɔ kogɨŋ. Ba-gulondɨgɨŋ na Kɨris, na ban ma magɨŋ lee gɨye bii.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Əbɨro 6:17

Na toy di hɨn̰ wo̰ ma, Kumu gey gɨ ka-wɔɔ hɨnga ga Kumu ye gɨ ɗi na kɨya bee le, na sɨlage duroy arɨn̰a gɨɗaŋ gɨ cay gasɨndi ga ban ay le, ɗi na kɨya bɨle naŋ. Na kɨya cay kɔl gɨ nee le ma, ban dɨɗɨ kɨbɨ hɨnga ga ban ye gɨ ɗi na kɨya bee le dan̰ ɓɨse gusi.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 1:4

Na orɨn̰gɨŋ dan̰ hɨnga ga ni wɔɔ ga ni ban̰di-gulɔŋ ga kɨya ɔsɨn̰ɛ naŋ bɨrɨŋ bɨ, ga mɨdage kɨya ƴɔmɛ naŋ bɨ, ga te jɨran̰dedɨge kɨya ayaŋ naŋ bɨ. Kumu gam hɨnga ga ni ban̰di-gulɔŋ ga nee le a gɨɗɨgɨ-Kumu gɨŋ ojɨn̰ caygɨŋ.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.