Kɔlɔs 4:8 - Gabri Maja

⁸ Ɨŋ kɨya gɨyii gusɨgɨŋ ojɨn̰ na cay kɔl gɨ nee le ƴɔbɨ ɗe agɨŋ jen̰ kɔl gɨ ojɨ cayni bɨ, ɗe ban dobɨn̰ bandɨ kuduroygɨŋ bɨ.

Kɔlɔs 4:8 ပူးပေါင်းရင်းမြစ်များ

1 Korɛ̰t 4:17

Na toy di hɨn̰ wo̰ ma, maŋ gɨyɨn̰ dan̰ Timote gusɨgɨŋ le. Ban na kuronɨ gɨ ɨŋ lee-toyi tɔgɨ gɨ ɨre a cay tɨbayi dɨŋ te Ba-gulɔŋ. Hal ga ɨŋ kobɨ kardɨge a te bugoŋ pɨna dan̰ Kɨris le, ban kɨya hɨne kuduroygɨŋ cay nee. Na hɨnga ga ɨŋ gɨlɨn̰ kalaŋ duroy Ka-Daye gaŋ nɔm le.

2 Korɛ̰t 1:4

Ban na ba dɔbɛ bandɨ kuduroyna duroy hɨnga ga ni dɔsɛ-ɗugɔ gaŋ nɔm ɗe ana na ɓalɨn̰ dobɨn̰ bandɨ kuduroy kan ga somge duroy hɨnga ga ni dɔsɛ-ɗugɔ gaŋ bɨ. Na kɨya dɔbɛ bandɨ kuduroyge na dan̰ gɨyəŋ gɨ da bandɨ di na-gandi kalɨn̰ ma na wayi na gusi Kumu.

2 Korɛ̰t 12:18

Ɨŋ ol Titɨ ɗe na or gusɨgɨŋ bɨ, kurɨndɨni gɨ kɨŋ ba solii le ɨŋ gɨyii ɗe na or danayi bɨ. Kɛ Titɨ dii kardɨgɨŋ duroy hɨnga gaŋ pɨna ga? Naŋ. Kɛ ni gura danayi na te ɨrɨme gɨ pɨna gɨŋ naŋ ga? Kɛ ni gura na te gɨyəŋ gɨ pɨna gɨŋ naŋ ga?

2 Korɛ̰t 2:7

Naa hɨn̰ wo̰ na, kuɗa gɨ haw kɛ kɨŋ ɗa kuduroygɨŋ jala cayi bɨ, kɨŋ jala kuduroy bɨ. Kɨŋ laa hɨn̰ wo̰ ɗe ban somɨn̰ duroy cɨn̰-kula gɨ kɨya ɗɨn̰ cayi naŋ.

Epɛs 6:22

Na toy di hɨn̰ wo̰ ma ɨŋ gɨyii gusɨgɨŋ, ɗe ban or yogɨŋ kɔldɨni bɨ, dobgɨŋ bandɨ kuduroygɨŋ bɨ.

Pilib 2:28

Ɨŋ mal gɨ ni jɔgɛ gɨyɨn̰ danayi bɨgɨŋ haw, ɗe kɨɗɨn̰ ga ban na bugoŋ gusɨgɨŋ na, gusɨgɨŋ na moogɨŋ bɨ, ɨŋ-bandi kalɨn̰ ma ɗugonɨ na ba dugo bɨ.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

1 Tesalonigɨ 2:11

Hɨn̰ gɨ kɨŋ ba sol le, hɨnga ga ni ba lee danagɨŋ le, woy na hɨn̰ hɨnga ga karɨn̰aŋ ban̰an̰ge ba lee dan̰ karɨndɨge wo̰.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

1 Tesalonigɨ 4:18

Hɨn̰ wo̰ na, dɨbagɨŋ bandɨ kuduroy gusɨgɨŋ duroygɨŋ dan̰ kɔl gɨ nee le.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

2 Tesalonigɨ 2:17

na walɨn̰a kuduroygɨŋ dan̰ bandɨ. Kuɗa gɨ ban bɨgɨŋ tɔgɨ di ni leen̰ hɨnga ga ɗari daa daa dan̰ gɨye-lɔɔdɨgɨŋ bɨ, dan̰ kɔl yɔdɨgɨŋ bɨ.