Kɔlɔs 4:6 - Gabri Maja

⁶ Ɗe gɨ kɔl yɔdɨgɨŋ wɨya na gɨ ɗari dan̰ wɔlɛ pɨna pɨna bɨ, andan̰ na dan̰ kɔl gɨ ƴogi daa daa bɨ. Ɗe agɨŋ solɨn̰ gɨyəŋ gɨ ni dɨbɨn̰ waŋ waŋ kalɨn̰ ma kɔl cay nee ojɨn̰ cay Kɔl-gɨ-Ɗari.

Kɔlɔs 4:6 ပူးပေါင်းရင်းမြစ်များ

Matɨyo 5:13

«Kɨŋ woy na hɨn̰ ɗɔgɔ da kalaŋ ga cay gɨsəŋ gaŋ wo̰. Ma hɨn̰ gɨ ɗɔgɔ le na laɗa na, na wa ba kɨya jɨgan̰ dan̰ man̰edo le ga? Gɨye-lɔɔdo unɔ ɨni bɨ, kan kɨya bɔgɔɔge vbɨŋ coŋ bɨ, kalaŋ ba kɨya ɗɔdɨrdɛge dan̰ tɨbayge bɨ.

Marg 9:50

«Ɗɔgɔ le na hɨnga ga ɗari. Ama hɨn̰ gɨ ɗɔgɔ le man̰edo na sa coŋ na, na wa ba kɨya jɨgan̰ dan̰ man̰edo le ga? Wɨyagɨŋ hɨn̰ ɗɔgɔ wo̰ bɨ, kuɗa gɨ gusi-dɔbɛ ɗe woy duroygɨŋ bɨ.»

Kɔl-gɨ-Ɗari gɨ Lug wal 4:22

Kan nɔm yege kɔl gɨ ɗari kol cayi bɨ, kɔl kayge yɔd bɨ. Kɨya cay kɔl ga ɗadɨrdaŋ gɨ ba andaŋ a kɨbi le. Ama kardi nee na, kalaŋ ga pɨna duroyge yege hɨn̰: «Kɛ na ban kurɨn̰ Jɨsɛb le naŋ ga?»

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Pɨyɛr 3:15

Ama Kɨris gɨ na Ba-gulɔŋ le, dɨrayigɨŋ sigɨŋ dan̰ cɨndi a ɗugoygɨŋ. Sɨmagɨŋ a cay tɨbaygɨŋ dɨŋ dan̰ wɔlɛ pɨna pɨna, ɗe agɨŋ dorɨn̰ te hɨnga ga kɨŋ ba bee ɨrɨmedɨgɨŋ cay nee le, tumoy kalaŋ ga ka-ɨngɨrgɨŋ toyge le.