Kɔlɔs 4:2 - Gabri Maja

² Ay karmɨnɨ, ƴɨmagɨŋ te ɔlɛ bɨ, sɨmagɨŋ-bɨra toy nee bɨ, laan̰gɨŋ Kumu ho’o jɨn̰ tumɔ tumɔ bɨ.

Kɔlɔs 4:2 ပူးပေါင်းရင်းမြစ်များ

Matɨyo 26:41

Sɨmagɨŋ dan̰ toygɨŋ daa bɨ, ulagɨŋ Kumu ɗe agɨŋ ban̰ boy hɨnga ga ni gɨybe gaŋ naŋ. Kɨya wa turnoy ungo gey lɔɔ hɨnga ga kuɗa hage, ama ungo gɨ ɨndi ɨran̰ dan̰ tɔgɨ naŋ.»

Marg 13:33

Ɗagɨŋ muɗɔlɛ cay gusɨgɨŋ gɨŋ bɨ, sɨmagɨŋ-bɨra bɨ, kɨya wa kɨŋ sɨla cay tɨwa di hɨnga ga nee le kɨya cagan̰ naŋ.

Kɔl-gɨ-Ɗari gɨ Lug wal 18:1

Jesu say dor kɨradi-kɔl gɨ pɨna wo̰, kɨya gɨlge gɨ kuɗa gɨ kan na ula Kumu daa daa, dɨle dɔrɛ gɨlale.

Kɔl-gɨ-Ɗari gɨ Lug wal 21:36

Sɨmagɨŋ cay tɨbay gɨŋ dɨŋ bɨ, ulan̰gɨŋ Kumu daa daa ɗe ban bɨgɨŋ tɔgɨ agɨŋ mɨn̰ɨn̰ cay hɨnga nɔm ga ba kɨya andaŋ caygɨŋ bɨ, agɨŋ ɨrɨn̰ daa tumonɨ ɨŋ-bandi Kurɨn̰-ungo bɨ.»

Gɨye-lɔɔ 1:14

Kan nɔm kɨbɨge beege kuduroyge pɨna bɨ, ƴomge kuduroyge osɨ kɨɗɨn̰ ɔlɛ Kumu gɨŋ daa daa bɨ. Kandɨ ga pɨna bɨ, Mari Jesu ƴoyi bɨ, karmii bɨ, daydaŋge danage nee bɨ.

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

Epɛs 6:18

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 2:7

Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

Kɔlɔs 3:15

Ɗe gɨ gusi-dɔbɛ da Kɨris da-ƴaa a kuduroygɨŋ. Kɨya wa Kumu təgɨŋ na gɨ agɨŋ na som naa dan̰ gusi-dɔbɛ, ɗe agɨŋ na bɨle kuyoŋ-gusu gɨ pɨna bɨ. Wɨyagɨŋ na ka-loon̰ Kumu ho’o bɨ.

Kɔlɔs 3:17

Hɨnga ga ani ani ga kɨŋ kɨya lɔɔ, naa kɔl yɔdɨgɨŋ naŋ le gɨye-lɔɔdɨgɨŋ kalɨn̰ ma, laagɨŋ na dan̰ guson̰ Ba-gulɔŋ Jesu. Dan̰ gɨyəŋ gɨ da gusondi na laan̰gɨŋ Bayna Kumu ho’o.

Kɔlɔs 4:12

Epapəras gɨ na ungo gɨ a tagɨŋ le, ləgɨŋ lapɨya. Ban na marɨna ba-gɨye gɨ da Jesu-Kɨris, gɨ lee kɨmbɨl kol caygɨŋ a duroy ɔlɛ Kumu gɨŋ, ɗe agɨŋ na ɨrɨn̰ a cay tɨbayigɨŋ dɨŋ jaŋ bɨ, won̰ kalaŋ ga duroŋ cɨrɛɗ bɨ, leen̰ hɨnga ga kuduroy Kumu gey bɨ.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.