Kɔlɔs 3:4 - Gabri Maja

⁴ Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

Kɔlɔs 3:4 ပူးပေါင်းရင်းမြစ်များ

Matɨyo 13:43

Ama kalaŋ ga dan̰ durɔ ɗɨngar na, gusɨge kɨya ƴɔɔdɔ tɨwa jə̰ jə̰ hɨn̰ tɨwa di daa wo̰ boy dɔɔ-ƴaa di da Bayge dɨŋ. Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.

Kɔl-gɨ-Ɗari gɨ Lug wal 17:30

Wɔlɛ gɨ ɨŋ-bandi Kurɨn̰-ungo kɨya andɨn̰ le, kɨya wɔyɛ na hɨn̰ wo̰ bɨ.

Kɔl-gɨ-Ɗari gɨ Ja̰ wal 11:25

Jesu yoo hɨn̰: «Ɨŋ na bɔyɛ lɨbe gɨ da kalaŋ bɨ, ɨŋ na sɔmɛ-bɨra gɨ dan̰ cɨndi bɨ. Ungo gɨ na bɨga kuduroy canɨ na, ban na mara na mare kalɨn̰ ma, ban kɨya sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 14:3

Kɨɗɨn̰ ga ɨŋ na ɨra n̰ana kɨɗɨn̰ kɨya caygɨŋ ɨni na, ɨŋ kɨya bɨlgɨ jɨga kɨya lobgɨŋ gusɨnɨ, ɗe agɨŋ somɨn̰ kɨɗɨn̰ ga ɨŋ somɨn̰ nee gaŋ bɨ.

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Kɔl-gɨ-Ɗari gɨ Ja̰ wal 20:31

Ama hɨnga ga ni belin̰əŋ ga ɨŋ ba ye koldɨge duroy magtubu di kɛ dɨŋ le, ɨŋ ye na gɨ ɗe agɨŋ na been̰ kuduroygɨŋ cay Jesu, gɨ ban naa Kɨris Kurɨn̰-Kumu. Bɨ hɨn̰ gɨ kɨŋ na bɨga kuduroygɨŋ cayi na, kɨŋ kɨya wɔɔ sɔmɛ-bɨra kol cayi bɨ.

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Magtubu di Pol wal bɨn̰ kalaŋ ga Rɔm 8:18

Kɨɗɨn̰ ga ɨŋ ba ɨrɨm a cay gusoŋ-tɔgɛ gɨ Kumu ba kɨya wasɨn̰e cay bɨna kardi nee le, hɨnga ga ni gɨle-cɨn̰ ga a tɨwa di haw kɛ dɨŋ le, ɨŋ ɗongɨsɨge na dḛ wo̰ ƴɔbɨ gɨsɨn̰ danaa.

Magtubu di Pol wal bɨn̰ kalaŋ ga Rɔm 8:19

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

1 Korɛ̰t 1:7

Lee gɨ hɨnga ga ni ɗarwa di da Kumu ga ban bee le, pɨna wo̰ ga wɨygɨŋ unɔ, kɨŋ ga kɨŋ ba som gam tɨwa di Ba-gulondɨna Jesu-Kɨris kɨya andɨn̰ dus le.

1 Korɛ̰t 15:43

Kuyoŋdi-gusɨna gɨ ɨmgiige dugo le gɨlɨn̰ na hɨn̰ hɨnga ga dɨbɨge coŋ wo̰ ama kɨɗɨn̰ ga na bɨya lɨbɨ na, kɨya wɔyɛ kan̰di bɨ puydoŋ tɨwa biɗ biɗ bɨ. Kuyoŋdi-gusɨna gɨ ɨmgiige dugo le ɨran̰ dan̰ dɔnɔ naŋ, ama kɨɗɨn̰ ga na bɨya lɨbɨ na orɨn̰ dan̰ dɔnɔ tɔgɨ.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

1 Tesalonigɨ 4:17

Kardi nee ɨni na, na-gandi ga na baa dan̰ cɨndɨna a cay gɨsəŋ gaŋ ƴee le, Kumu kɨya orɨn̰ danana pɨna danage nɔm duroy gɨrɨmbale gaŋ, ɗe ana na yalɨn̰ cɨn̰ Ba-gulɔŋ duroy gɨɗɨgɨ-Kumu gɨŋ bɨ, ɗe ana na somɨn̰ dan̰ Ba-gulɔŋ dan̰ tumoyna bɨ.

1 Timote 6:14

Ji bɨga kɔl cay te tumɔ da Kumu, ɗe gɨ an̰ somɨn̰ dɨle hɨnga pɨna ga ɨsɨni ɨsɨbɨn̰ naŋ bɨ, dɨle kɔl pɨna ƴɔmɛ can̰ naŋ bɨ, bɨrɨŋ gɨsɨn̰ wɔlɛ gɨ Ba-gulondɨna Jesu-Kɨris kɨya cagan̰.

2 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris gɨ dan̰ gɨyəŋ da kuduroy geye gɨ da Kumu. Beege gɨye gɨ ni tɔgɛ bɛrnɛ gɨ ojɨ cay sɔmɛ-bɨra gɨ dan̰ cɨndi gɨ Kumu ye gɨ ɗi na kɨya bɨni le kɔbɔŋ. Ni way sɔmɛ-bɨra gɨ cɨndi gɨ nee le, na kɨya cay bugoŋ pɨna dan̰ Jesu-Kɨris.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

1 Ja̰ 5:12

Waŋ waŋ gɨ na bugoŋ pɨna dan̰ Kurondi na, orɨn̰ dan̰ sɔmɛ-bɨra gɨ dan̰ tumoyi ɨni. Ama waŋ waŋ gɨ na bugoŋ pɨna dan̰ Kurɨn̰-Kumu naŋ na, ɨran̰ dan̰ sɔmɛ-bɨra gɨ dan̰ tumoyi naŋ.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.

Wasɨn̰a 2:7

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu ba yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii wɔɔdi hɨya gɨ ungo na da na kɨya sɔmɛ-bɨra. Hɨya gɨ nee le woy na a Paradɨs di da Kumu dɨŋ.»

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 22:14

Tumoy wolwa kɨya wɔyɛ kol cay kalaŋ ga pɨlge badɨge kage ga sɨngɨɗɨdəŋ. Kɨya wa badɨge kage na arɨn̰a na, kan kɨya wɔɔ gɨyəŋ gɨ ni andɨn̰ duroy cay ƴaa-di-gumu dɨŋ bɨ, dɨn̰ge wɔɔdi hɨya gɨ ungo na daa na kɨya somɨn̰-bɨra bɨ.