Kɔlɔs 3:3 - Gabri Maja

³ Na cɨndi, kɨŋ na kalaŋ ga kɨŋ ma dan̰ Kɨris ɨni, sɔmɛ-bɨra togɨŋ wosɨ guso pɨna na dan̰ Kɨris a gusi Kumu.

Kɔlɔs 3:3 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Kɔl-gɨ-Ɗari gɨ Ja̰ wal 14:19

Lam wo̰ nee na, kalaŋ ga cay gɨsəŋ gaŋ kɨya sɔlɔŋ dan̰ cɨndɨge naŋ bɨrɨŋ. Ama kɨŋ na, kɨŋ kɨya sɔlɔŋ dan̰ cɨndɨgɨŋ kɨya gɨ ɨŋ som-bɨra bɨ, kɨŋ kalɨn̰ ma kɨŋ kɨya sɔmɛ-bɨra bɨ.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 4:14

Ama waŋ waŋ gɨ na saa kaŋ ga ɨŋ ba bii na, gɨmase kɨya jɔgɛ doyi ɗaŋ naŋ bɨrɨŋ. Kaŋ ga ɨŋ ba kɨya bii le, kɨya bɨle cɨn̰-kaŋ ga kɨya andaŋ gɨre a kuduroy bɨ, kɨya bii sɔmɛ-bɨra gɨ dan̰ cɨndi bɨ.

Kɔl-gɨ-Ɗari gɨ Ja̰ wal 5:21

Hɨn̰ gɨ kɨye bayi boy kalaŋ ga madɨrdaŋ lɨbge bɨ, lee gɨ kan somin̰ge-bɨra bɨ le, na hɨn̰ wo̰ ma, Kurɔŋ kalɨn̰ ma lee gɨ ɗe kan ga kuduroyi geyge le, na sɨman̰ge-bɨra bɨ.

Kɔl-gɨ-Ɗari gɨ Ja̰ wal 5:24

Jagɨŋ ɨŋ yəgɨŋ na kɔl gɨ cɨndi, waŋ waŋ gɨ na ja kɔl hɨnge bɨ, bɨga kuduroyi cay ban gɨ ba gɨyigəŋ na, orɨn̰ dan̰ sɔmɛ-bɨra gɨ dan̰ cɨndi. Kan kɨya bɔyɛ kɔl cayge naŋ, ama ban andaŋ na duroy tɨma dɨŋ coŋ bɨ, orɨn̰ duroy sɔmɛ-bɨra gɨ dan̰ cɨndi gɨŋ.

Kɔl-gɨ-Ɗari gɨ Ja̰ wal 5:40

Ama kɨŋ kan̰ ɨrga gusɨnɨ ɗe gɨ agɨŋ na wan̰ sɔmɛ-bɨra gɨ dan̰ cɨndɨgɨŋ gɨ cɨndi coŋ.

Magtubu di Pol wal bɨn̰ kalaŋ ga Rɔm 5:10

Tumɔ kɨɗɨn̰ ga na ba baan̰ ka-baa ga da Kumu ƴee le, tɨma di da Kurondi beena dugo pɨna danayi. Naa hɨn̰ wo̰ na, haw kɛ gɨ na bugoŋ dugo pɨna danayi le, na sol leen̰ cɨndi gɨ ban kɨya pɔɗɨna dan̰ gɨyəŋ gɨ da sɔmɛ-bɨra gɨ da Kurondi bɨ.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 6:11

Na toy di hɨn̰ wo̰ ma, kɨŋ-gandi kalɨn̰ ma sɨlagɨŋ gɨ kɨŋ ma ɨni bɨ, kɨŋ dor gusɨgɨŋ a te dɔnɔ di da ɨsɨna gɨŋ coŋ ɨni bɨ, kɨŋ som-bɨra leen̰ hɨnga nɔm kɨya cay Kumu te bugoŋ pɨna dan̰ Jesu-Kɨris bɨ.

Magtubu di Pol wal bɨn̰ kalaŋ ga Rɔm 6:2

Cə, na hɨn̰ wo̰ naŋ bɨrɨŋ! Na-gandi ga na ma bɨ andaŋ a te dɔnɔ di da ɨsɨna gɨŋ coŋ bɨ le. Kɛ na mɨna ma mana kɨya sɔmɛ a boy ɨsɨna gɨŋ coŋ ga?

Magtubu di Pol wal bɨn̰ kalaŋ ga Rɔm 8:2

Na cɨndi, dɔnɔ di da Turnɔ di da Kumu di ba bəŋ sɔmɛ-bɨra a te bugoŋ pɨna dan̰ Jesu-Kɨris le, dɔrɔŋ coŋ a te dɔnɔ di da ɨsɨna gɨŋ bɨ, tɨma dɨŋ bɨ.

1 Korɛ̰t 15:45

Na toy di hɨn̰ wo̰ ma walge duroy Magtubu di da Kumu dɨŋ yege hɨn̰: «Adam, ungo gɨ cay wase le Kumu bii sɔmɛ-bɨra.» Ama ojɨn̰ cay Adam gɨ kardi nee gɛs na, na ban mana kuyoŋdi-gusu gɨ da turnɔ gɨ ba bɨn̰ kalaŋ sɔmɛ-bɨra.

1 Korɛ̰t 2:14

Ungo gɨ kalɨn̰ gɨ Turnɔ di da Kumu wɨya kuduroy naŋ le, kɨya ɓale ƴɔɔ hɨnga ga sayga gusi Turnoyi Kumu naŋ. Hɨnga ga da Turnoyi Kumu woy gɨlɨn̰ na hɨn̰ hɨnga ga ni dɨngale a cɨndi. Ban ɓala sɔlɛ toyge naŋ, kɨya wa na Turnoyi Kumu ba kɨya ɗɔɔ cɨn̰ ungo sagaŋ a cayi a cay dɔrɛ cɨn̰ hɨnga gaŋ.

2 Korɛ̰t 5:14

Kɨya wa na geye gɨ da Kɨris ba orɨn̰ danani ma mani leen̰ hɨn̰ wo̰, ni-gandi ga ni sol kuɗa gɨ na ungo pɨna hayi ƴɔbɨ ba mare a ban̰di kundɨwa gɨ da kalaŋ le. Hɨn̰ wo̰ na kan nɔm mage danayi.

2 Korɛ̰t 5:7

Na cɨndi, na godɨrde na dan̰ gɨyəŋ gɨ da aye kudurɔ kona wala na gudɨrda na dan̰ gɨyəŋ gɨ da hɨnga ga na sol dan̰ cɨndɨna naŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 3:9

Kumu gɨ ba ɗɔɔ hɨnga nɔm ƴom hɨnga ga woy kɨɗɨn̰ wɔsɛdɨge gaŋ le, wosɨge boy ɨrɨmedi gɨŋ na jɨne hayi. Ban gɨyəŋ na ɗe gɨ ɨŋ na dɨran̰ te gɨyəŋdi hɨnga ga woy kɨɗɨn̰ wɔsɛdɨge gaŋ ga Kumu lee le, ɗe arɨn̰ cərərə bɨn̰ kalaŋ.

Pilib 4:7

Ɨni na, Kumu kɨya bɨgɨŋ gusi-dɔbɛ gɨ ɗɨn̰ ɨrɨme kɔl gɨ da kalaŋ. Gusi-dɔbɛ gɨ nee le ba kɨya game ɗugoygɨŋ bɨ, ɨrɨmedɨgɨŋ bɨ, a te bugoŋ pɨna dan̰ Jesu-Kɨris.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

Kɔlɔs 2:20

Na cɨndi, kɨŋ na mara pɨna dan̰ Kɨris bɨ dan̰ gɨyəŋ gɨ da tɨmaydi na, kɨŋ na te dɔnɔ di da turnɔn̰əŋ ga ɨsɨndəŋ ga dii-ƴaa a cay gɨsəŋ gaŋ kɛ naŋ ɨni. Hɨn̰ gɨ naa hɨn̰ wo̰ na, kɛ na kɨya wa ma kɨŋ gey lɔɔ hɨnga coŋ hɨn̰ gɨ kɨŋ naa kalaŋ ga a cay gɨsəŋ gaŋ wo̰ coŋ ga? Kɛ na kɨya wa ma magɨŋ kobɨde hada ga ye hɨn̰:

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

1 Pɨyɛr 3:4

Ama ɗagɨŋ gɨ majɨme togɨŋ saya na a kuduroygɨŋ. Majɨme di sayga a kuduroygɨŋ le ba kɛ: Kaledi ungo gɨ jal bɨ, ɨrɨme gɨ woy kɨɗɨn̰ pɨna bɨ. Kɨya wa lɔɔ hɨnga ga hɨn̰ wo̰ le, na majɨme di kɨledo ɗɨn̰ cɨn̰-kɨɗɨn̰ a cɨn̰ Kumu.

1 Pɨyɛr 4:2

Lee gɨ ayɨn̰ toy haw kɛ na, kɨbɨ wɔlɛ gɨ ba tumoygɨŋ gɨ ni somɨn̰-bɨra a cay gɨsəŋ gaŋ le, kuɗa gɨ kɨŋ sɨma dan̰ te gɨyəŋ gɨ da kuduroy geye gɨ da Kumu. Ama na dan̰ te gɨyəŋ gɨ da tabɨlaŋdi hɨnga ga lee kalaŋ le naŋ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 2:17

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii man gɨ na hɨnga ga ni dɔɔ ga woy a kɨɗɨn̰ wɔsɛdɨge gaŋ bɨ. Ɨŋ kɨya bii oru gɨ bɛrɛ gɨ walge gusoŋ gɨ hɨrɨwa nee bɨ. Na ungo gɨ ba-ƴɔɔ oru gɨ nee le ƴɔbɨ ba kɨya sɔlɛ gusoŋ le. Ama ungo gɨ ɗaŋ kɨya ɓale sɔlɛ naŋ.»