Kɔlɔs 3:22 - Gabri Maja

²² Ay kɨŋ gɔyɔŋ, jagɨŋ kɔl kɨbɨ ka-gulondɨgɨŋ ga a cay gɨsəŋ gaŋ kɛ mɨjag mɨjag. Laagɨŋ gɨye mɨjag mɨjag, na kɨya cay cɨndɨge ga woy kardɨgɨŋ hɨn̰ gɨ kɨŋ na mal naa gɨ ni ƴɔɔ cɨn̰ kalaŋ wo̰ naŋ. Ama laagɨŋ na dan̰ kuduroygɨŋ ga pɨna kɨya wa kɨŋ hɨndar na Kumu.

Kɔlɔs 3:22 ပူးပေါင်းရင်းမြစ်များ

Matɨyo 6:22

«Tii na lamba da kuyoŋdi-gusɨn̰: Kɨɗɨn̰ ga tɨdɨn̰ na wɨya kuɗa na, kuyoŋdi-gusɨn̰ nɔm kɨya sɔmɛ na duroy asɨn̰a gɨŋ.

Matɨyo 8:9

Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma, ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna ya hɨn̰: “Ɨra” na ban or bɨ, ɨŋ na yan̰ gɨ ɗaŋ hɨn̰: “Jɨge” na ban jɨga bɨ, ɨŋ na yan̰ dan̰ guyɔŋ hɨnge hɨn̰: “Laa hɨnga ga kɛ na”, ban lee bɨ.»

Kɔl-gɨ-Ɗari gɨ Lug wal 6:46

«Na kɨya wa ma magɨŋ təŋ: “Ba-gulɔŋ, Ba-gulɔŋ” bɨ, kɨŋ laa hɨnga ga ɨŋ yəgɨŋ le naŋ ga?

Kɔl-gɨ-Ɗari gɨ Lug wal 7:8

Ɨŋ ye hɨn̰ wo̰ na kɨya gɨ ɨŋ-bandi kalɨn̰ ma ka-canɨ woyge nee bɨ. Ɨŋ-bandi kalɨn̰ ma ɨŋ orɨn̰ dan̰ asɨgarn̰əŋ ga ɨŋ som cayge bɨ. Hɨn̰ gɨ ɨŋ na yan̰ gɨ pɨna hɨn̰: “Ɨra!” Na ban or bɨ; ɨŋ na yan̰ gɨ ɗaŋ hɨn̰: “Jɨge!” Na ban jɨga bɨ! Bɨ ɨŋ na yan̰ dan̰ guyɔŋ hɨnge “laa hɨnga ga kɛ” na, ban lee bɨ.»

Gɨye-lɔɔ 2:46

Kan beege noyge pɨna dayɨn̰ge dan̰ wɔlɛ pɨna pɨna duroy gulɔŋ ƴaa-di-da-Kumu dɨŋ bɨ, diige hɨnga pɨna kɨbɨ-ƴaadɨge gɨŋ bɨ, diige hɨnga dan̰ gusi-mɔwa bɨ, dan̰ kuduroy-bɛrɛ bɨ.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 1:10

Kɛ ɨŋ mal na gɨ kalaŋ na hɨramaŋge ga? Naŋ, na hɨrame gɨ da Kumu ma maŋ gey. Kɛ ɨŋ mal na gɨ kalaŋ gusɨge na mooge canɨ ga? Hɨn̰ gɨ ɨŋ ni na mala gɨ ni ƴɔɔ cɨn̰ kalaŋ ɗaŋ coŋ na, ɨŋ ni kɨya bɨləŋ marɨna ba-gɨye gɨ da Kɨris naŋ ɨni.

Kɔlɔs 3:20

Ay kɨŋ karɨn̰aŋ, jagɨŋ kɔl kɨbɨ kandɨgɨŋ ka-woogɨŋ mɨjag mɨjag. Kɨya wa na hɨnga ga nee le ba ƴɔɔ cɨn̰ Ba-gulɔŋ.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

Pilemo 1:16

Haw kɛ na, ban na guyɔŋ ƴɔbɨ naŋ, ban kuɗa ɗɨn̰ guyɔŋ coŋ. Ban na kurɨndɨna gɨ ni lee-toy tɔgɨ te aye kudurɔ gɨŋ. Ɨŋ-bandi ɨŋ geyi tɔgɨ bɨ, ji-bandi ji kɨya geyi cɨla ƴee bɨ, kɨya wa ban na ungo gɨ ɨndi hɨn̰ ji-bandi wo̰ bɨ, ba-aye-kudurɔ hɨn̰ ji-bandi wo̰ bɨ.