Kɔlɔs 3:14 - Gabri Maja

¹⁴ Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

Kɔlɔs 3:14 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 13:34

Ɨŋ bɨgɨŋ te tumɔ di hɨrɨwa: Geygɨŋ gusɨgɨŋ. Hɨn̰ gɨ ɨŋ ba geygɨŋ le, geygɨŋ gusɨgɨŋ duroygɨŋ hɨn̰ wo̰ bɨ.

Kɔl-gɨ-Ɗari gɨ Ja̰ wal 15:12

Sɨlagɨŋ te tumɔ tɨnge le ba kɛ: Geygɨŋ gusɨgɨŋ hɨn̰ gɨ ɨŋ ba geygɨŋ wo̰ bɨ.

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Magtubu di Pol wal bɨn̰ kalaŋ ga Rɔm 13:8

Ɗɔɔgɨŋ tugɨla wɔyɛ caygɨŋ naŋ. Tugɨla pɨna ƴɔbɨ ba wɔyɛ caygɨŋ, na geye gusɨgɨŋ duroygɨŋ. Ungo gɨ na gey kurɨndi na, ban lee gasɨn̰-kɔl dɨɗɨ ɗəndəŋ ɨni.

Epɛs 1:4

Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi,

Epɛs 4:3

Turnɔ di da Kumu leegɨŋ leen̰ te wɔɔ gɨ pɨna. Dɨbgɨŋ gusɨgɨŋ coŋ agɨŋ gamɨn̰ bugoŋ pɨna gɨ nee le, sɨman̰gɨŋ dan̰ gusi-dɔbɛ gɨ saɗɨgɨŋ pɨna le.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Kɔlɔs 2:2

Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

1 Tesalonigɨ 4:9

Kɔl gɨ ojɨ cay geye gɨ a duroy ka-karme na, kɨŋ ɨra n̰agedi gɨ ungo gɨ wale magtubu koldi bɨgɨŋ naŋ ɨni, kɨya wa Kumu gɨlgɨŋ kɨŋ-gandi gusɨgɨŋ gɨyəŋ gɨ ni geyɨn̰ gusɨgɨŋ duroygɨŋ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

Əbɨro 6:1

Na toy di hɨn̰ wo̰ ma, kuɗa gɨ ana orgɨŋ dan̰ cɨndɨna tumɔ a te hɨnga ga ni gɨle ga ojɨ cay kalaŋ ga cɨndɨge nadɨrdaŋ a te Kɨris gaŋ bɨ. Kuɗa gɨ na sɔmdɛgɨŋ cay hɨnga ga ni gɨle ga cay wase gɨ ojɨ cay Kɨris le naŋ ɨni. Dɨle jɔgɛ tɨrabe hɨnga ga ni gɨle ga sayga toyge dɨŋ, hɨnga ga nee le ba kɛ: Ɗɔɔ kardi hɨnga ga kɨya orɨn̰ dan̰ kalaŋ tɨma dɨŋ bɨ, bɔgɛ kudurɔ cay Kumu bɨ,

1 Pɨyɛr 4:8

Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

2 Pɨyɛr 1:7

sɨgɨŋ a cay gɨye-lɔɔ gɨ bugoŋ pɨna dan̰ Kumu, geye gusu te karme bɨ, sɨgɨŋ a cay geye gusu te karme, geye bɨ.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:23

Kɔl gɨ ban ye dan̰ gɨyəŋ gɨ da te tumoyi le ba kɛ: Kuɗa gɨ nana bɨgagɨŋ kuduroynagɨŋ cay guson̰ Kurondi Jesu-Kɨris bɨ, nana geygɨŋ gusɨnagɨŋ hɨn̰ gɨ Kɨris ba an̰ te tumoyi bɨnagɨŋ wo̰ bɨ.

1 Ja̰ 4:21

Te tumɔ di Kɨris bɨnagɨŋ le ye hɨn̰: «Ungo gɨ na gey Kumu na, kuɗa gɨ ban gey kurɨndi bɨ.»