Kɔlɔs 3:1 - Gabri Maja

¹ Hɨn̰ gɨ kan na bɨyagɨŋ lɨbgɨŋ pɨna dan̰ Kɨris ɨni na, kuɗa gɨ kɨŋ mala na hɨnga ga a gɨɗɨgɨ-Kumu gaŋ, ga na kɨɗɨn̰ ga Kɨris somɨn̰ nee a cay kobɨ Kumu gɨ bara gɨŋ.

Kɔlɔs 3:1 ပူးပေါင်းရင်းမြစ်များ

Matɨyo 22:44

“Ba-gulɔŋ Kumu yen̰ dan̰ Ba-gulonɨ yeyi hɨn̰: Ɨre sɨma a cay kɔbɔŋ gɨ bara gɨŋ, bɨrɨŋ gɨsɨn̰ gɨ ɨŋ kɨya bɨle ka-baadɨn̰ loon̰ hɨnga ga ji kɨya bogɨn̰ gondɨn̰ cay nee.”

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Matɨyo 6:20

Ama mɨrəŋdegɨŋ kandi-wɔɔ kagɨŋ ga a cay gɨsəŋ gaŋ kɛ le a daa nii. Kɨya wa a daa nii le, yulmu kɨya tale naŋ bɨ, kɨya ƴɔmɛ-yɨlwa naŋ bɨ, ka-hase kɨya kɨbege kɨɗɨn̰ hasɨn̰ge naŋ bɨ.

Matɨyo 6:33

Hɨnga ga ojɨ gɨ ni se cɨndɨgɨŋ kardi nee cay wase male le, na dɔɔ-ƴaa di da Kumu bɨ, gɨye-lɔɔ gɨ dan̰ durɔ ɗɨngar gɨ ban gey le bɨ. Kardi nee na, Kumu kɨya bɨgɨŋ hɨnga toyge ga baa le nɔm cay nee coŋ.

Marg 12:36

Kɨya wa Dabid gusi koyi kalɨn̰ ma ye dan̰ gɨyəŋ gɨ da Turnɔ ɗe-kuduroy-bɛrɛ hɨn̰: “Ba-gulɔŋ Kumu yen̰ Ba-gulonɨ hɨn̰: Ɨre sɨma a cay kɔbɔŋ gɨ bara gɨŋ, Bɨrɨŋ gɨsɨn̰ gɨ ɨŋ kɨya bɨle ka-baadɨn̰ Leen̰ hɨnga ga ji kɨya bogɨn̰ gondɨn̰ cay nee.”

Marg 14:62

Jesu dɨbii cay nee yeyi hɨn̰: «Əw, ɨŋ na ban, bɨ kɨŋ nɔm kɨŋ kɨya sɔlɛ Kurɨn̰-ungo sɔmɛ a cay kali di ni tɨrɨmbala dɨŋ kɨway Kumu ba dɔnɔ gɨ gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 12:33

Kɨlgɨŋ kandi-wɔɔdɨgɨŋ coŋ, ɗagɨŋ gursudɨge gusɨnan̰gɨŋ ka-n̰age. N̰anagɨŋ magɨla kogɨŋ gɨ ni bogɨn̰ gursu di kɨya mundoŋ naŋ bɨrɨŋ. Dayagɨŋ hɨnga wɔɔdɨgɨŋ a daa nii gusi Kumu. Gursu di nee le, kɨya mundoŋ naŋ bɨ, ka-hase kɨya bugoŋ mɨnde durdi nee naŋ bɨ, yulmu kɨya tale naŋ bɨ.

Kɔl-gɨ-Ɗari gɨ Lug wal 20:42

Kɨya wa Kɨlma Dabid dan̰ gusi kalɨn̰ ma, ye duroy magtubu Kɨbe Kɨra Sɔm dɨŋ ye hɨn̰: “Ba-gulɔŋ Kumu yen̰ dan̰ Ba-gulonɨ ye hɨn̰: Ɨre sɨma a cay kɔbɔŋ gɨ bara gɨŋ.

Kɔl-gɨ-Ɗari gɨ Lug wal 22:69

Ama aŋ yəgɨŋ, an̰ toy haw kɛ na, ɨŋ-bandi Kurɨn̰-ungo le, ɨŋ kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ a cay kobi gɨ bara gɨŋ.»

Gɨye-lɔɔ 2:34

Na cɨndi, Dabid le sa ɨra daa nii naŋ, ama ban ye hɨn̰: “Ba-gulɔŋ Kumu yen̰ Ba-gulonɨ hɨn̰: Sɨma a cay kɔbɔŋ gɨ bara gɨŋ,

Gɨye-lɔɔ 7:55

Ama ban na, Turnɔ ɗe-kuduroy-bɛrɛ ƴee kuduroy pɨl pɨl. Ban ay cɨndi solɨn̰ gɨɗɨgɨ-Kumu ɨni na, sol asɨn̰a gɨ da Kumu bɨ, sol Jesu ɨre dan̰ tɨbay daa a cay kobɨ Kumu gɨ bara gɨŋ bɨ.

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

2 Korɛ̰t 4:18

Na hɨnga ga ungo sol dan̰ cɨndi ma mani ɗa cɨndɨni cay nee naŋ. Ama ni ɗe cɨndɨni na cay hɨnga ga ungo ɓala sɔlɛ dan̰ cɨndi naŋ. Kɨya wa hɨnga ga ungo sol dan̰ cɨndi le, na hɨnga ga kardɨge kɨya sɨngɨɗɨwa naŋ. Ama hɨnga ga ungo ɓala sɔlɛ dan̰ cɨndi naŋ le, na hɨnga ga kɨya wɔyɛ dan̰ tumoyge.

Epɛs 4:10

Ban gɨ gɨsɨn or te gɨsəŋ gaŋ mɨrɨg le, na ban ba nɔɔ daa gɨɗɨgɨ-Kumu gɨŋ bɨ, ɗe ban na ƴee kɨɗɨn̰ nɔm dan̰ gɨyəŋ gɨ da Turnoyi.

Epɛs 5:22

Kandɨ jagɨŋ, kuɗa gɨ tama di ani ani kalɨn̰ ma dɨba caa dugo bɨn̰ kudurɔɔ hɨn̰ gɨ hɨndi ba dobɨn̰ caa dugo bɨn̰ Ba-gulɔŋ wo̰ bɨ.

Kɔlɔs 2:20

Na cɨndi, kɨŋ na mara pɨna dan̰ Kɨris bɨ dan̰ gɨyəŋ gɨ da tɨmaydi na, kɨŋ na te dɔnɔ di da turnɔn̰əŋ ga ɨsɨndəŋ ga dii-ƴaa a cay gɨsəŋ gaŋ kɛ naŋ ɨni. Hɨn̰ gɨ naa hɨn̰ wo̰ na, kɛ na kɨya wa ma kɨŋ gey lɔɔ hɨnga coŋ hɨn̰ gɨ kɨŋ naa kalaŋ ga a cay gɨsəŋ gaŋ wo̰ coŋ ga? Kɛ na kɨya wa ma magɨŋ kobɨde hada ga ye hɨn̰:

Kɔlɔs 3:2

Ɨrɨmgɨŋ a cay hɨnga ga a gɨɗɨgɨ-Kumu gaŋ, ɨrɨmegɨŋ a cay hɨnga ga a cay gɨsəŋ gaŋ kɛ naŋ.

Əbɨro 1:13

Duroy ka-ƴɔbɛ ga daa nii le, pɨna wo̰ gɨ Kumu yeyi hɨn̰: «Ɨre sɨma a kɨwanɨ a cay kɔbɔŋ gɨ bara gɨŋ, Bɨrɨŋ gɨsɨn̰ gɨ aŋ bɨle ka-baadɨn̰ Leen̰ hɨnga ga ni bogɨn̰ gondɨn̰ cay nee» le, unɔ yɔd.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 10:12

Ama ban Jesu-Kɨris na, ay gusi been̰ kɨbar na cay pɨna ɗɔ ƴɔbɨ. Ɗe hɨnga ga ni bogɨn̰ kɨbar kayi na wɨya dan̰ tumoyge yɔd kɨya cay ɨsɨnan̰əŋ. Kardi nee ɨni na, ban som na kɨway Kumu cay kobi gɨ bara gɨŋ dan̰ tumoyi.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 8:1

Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.