Kɔlɔs 2:2 - Gabri Maja

² Wɔrɨn̰ɛ gɨ nee le, ɨŋ worɨn̰ na kɨya dobɨn̰ bandɨ kuduroyge bɨ, ɗe gɨ geye na bɨgage pɨna bɨ. Ɨŋ gey gɨ cay bɨra dan̰ hɨnga-sɔlɛ na walɨn̰a kuduroyge. Na hɨn̰ wo̰ ma kan kɨya sɔlɛge hɨnga-sɔlɛ ga da Kumu ga woy kɨɗɨn̰ wɔsɛdɨge gaŋ, gɨ na Kɨris gusi.

Kɔlɔs 2:2 ပူးပေါင်းရင်းမြစ်များ

Matɨyo 11:25

A boy wɔlɛdi gɨ nee le Jesu ay kɔl bɨ ye hɨn̰: «Banɨ, ji Ba-gulɔŋ hɨnga ga daa nii dan̰ ga cay gɨsəŋ gaŋ kɛ, ɨŋ hɨramɨn̰ kɨya gɨ ji gɨlɨn̰ karɨn̰aŋ hɨnga ga ji wosɨn̰ kalaŋ ga muɗoldoŋ dan̰ ka-sɔlɛ hɨnga.

Matɨyo 11:27

Ɨni na, ban yen̰ kalaŋ ga ɨrege nee le hɨn̰: «Banɨ bəŋ dan̰ dɔnɔ a cay hɨnga nɔm. Kurɨn̰-Kumu le na waŋ ga? Ungo pɨna sɨla naŋ, ama na Banɨ ƴɔbɨ. Bay na waŋ ga? Ungo pɨna sɨla naŋ, ama na Kurondi ƴɔbɨ. Ungo gɨ ɨŋ dori pa dɨm ma, maŋ kɨya gɨli Banɨ ɗe ban na solii gɨ Ban naa ungo gɨ wo̰ ƴee.

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Kɔl-gɨ-Ɗari gɨ Lug wal 1:1

Kalaŋ kondɨ ayge te wale kol hɨnga ga ba lee gusɨge a duroyna le duroy magtubu dɨŋ.

Kɔl-gɨ-Ɗari gɨ Ja̰ wal 10:30

Ɨŋ-bandi dan̰ Banɨ le, ni na pɨna hani.»

Kɔl-gɨ-Ɗari gɨ Ja̰ wal 10:38

Ama hɨn̰ gɨ ɨŋ na laa ma, magɨŋ na bɨga kuduroyigɨŋ canɨ naŋ kalɨn̰ ma, bɨgagɨŋ kuduroyigɨŋ cay gɨye-lɔɔ nɔm ga ɨŋ ba lee, ɗe agɨŋ solɨn̰ gɨ Banɨ woy kuduronɨ bɨ, ɨŋ-bandi kalɨn̰ ma ɨŋ woy kuduroy Banɨ bɨ.

Kɔl-gɨ-Ɗari gɨ Ja̰ wal 16:15

Hɨnga nɔm ga Banɨ orɨn̰ le na kange. Na toy di wo̰ ma, maŋ ye hɨn̰: Hɨndi kɨya caga yəgɨŋ na kɔl gɨ hɨndi je kɨbɨnɨ.»

Kɔl-gɨ-Ɗari gɨ Ja̰ wal 17:3

Sɔmɛ-bɨra gɨ dan̰ cɨndi le: Na ɗe kan na solɨn̰ge ji-bandi Kumu gɨ cɨndi gɨ pɨna hayi kəɗ kəɗ bɨ, Jesu-Kɨris gɨ ji gɨygi le bɨ.

Kɔl-gɨ-Ɗari gɨ Ja̰ wal 5:17

Ama Jesu dɨbɨge cay nee yege hɨn̰: «Bɨrɨŋ gɨsɨn̰ labɨde, Banɨ som na kɨbɨ gɨye gɨŋ, lee gɨ ɨŋ-bandi kalɨn̰ ma, ɨŋ som na kɨbɨ gɨye gɨŋ bɨ.»

Kɔl-gɨ-Ɗari gɨ Ja̰ wal 5:23

ɗe gɨ kalaŋ nɔm been̰ge hurɔmɔ cay kuroŋ hɨn̰ gɨ kan ba been̰ge Kumu hurɔmɔ le. Ungo gɨ na dɨbɨn̰ kuroŋ hurɔmɔ naŋ na, kɨya dɨbɨn̰ Kɨye bayi gɨ gɨygɨn̰ dan̰ kuroŋ le hurɔmɔ naŋ bɨ.

Kɔl-gɨ-Ɗari gɨ Ja̰ wal 6:69

Ni-gandi na, ni bee kuduroyni can̰, ni solɨn̰, ji woy dan̰ cɨndɨn̰, Kumu gɨygɨn̰.»

Gɨye-lɔɔ 4:32

Kalaŋ nɔm ga ba ayge kuduroyge le, beege kuduroyge dan̰ ɨrɨmedɨge pɨna. Ungo gɨ ba-lɔɔ hɨnga wɔɔdi leen̰ kayi dan̰ cay gusi unɔ bɨ. Hɨnga nɔm na kage nɔm.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 2:4

Naŋ le, kɛ ji hagɨr na kuduroy-ɗarwa da Kumu di gumu bɨ, dɨbe-ɗugɔ toyi bɨ, haye-kudurɔ toyi bɨ ga? Kɛ, ji sɨla gɨ kuduroy-ɗarwa di da Kumu di ban ɨre lee le, na ɗe gɨ an̰ na bɨlɨn̰ haldɨn̰ naŋ ga?

1 Korɛ̰t 14:31

Kɨya wa kɨŋ-gandi nɔm kɨŋ ɓal yɔɔ-kɔl-gɨ-Kumu-ba-yɔɔ. Ama ɗa gɨ kɨŋ ya kardi gusɨgɨŋ gusɨgɨŋ. Hɨn̰ wo̰ na waŋ waŋ kalɨn̰ ma kɨya wɔɔ hɨnga ga ni sɔlɛ gusi mɨgay bɨ, kɨya dɔbɛ bandɨ kuduroy kalaŋ nɔm bɨ.

1 Korɛ̰t 2:12

Ama na-gandi na, na waa na turnɔ da kalaŋ ga a cay gɨsəŋ gaŋ kɛ naŋ, ama na Turnɔ di sayga gusi Kumu ɗe ana na solɨn̰ hɨngan̰əŋ ga Kumu bɨna dan̰ ɗarwa toy.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 3:16

Ɨŋ olii ɗe gɨ ban na bɨgɨŋ kandi-wɔɔ ga da gusoŋ-tɔgɛ koyi ɗe agɨŋ osɨn̰ bɨ wan̰ dɔnɔ toyi bɨ dan̰ gɨyəŋ gɨ da Turnɔ toyi di woy kuduroygɨŋ.

Epɛs 3:3

Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ.

Epɛs 6:22

Na toy di hɨn̰ wo̰ ma ɨŋ gɨyii gusɨgɨŋ, ɗe ban or yogɨŋ kɔldɨni bɨ, dobgɨŋ bandɨ kuduroygɨŋ bɨ.

Pilib 2:1

Hɨnga ga beena pɨna dan̰ Kɨris ga dobɨ bandɨ kuduroyna wɨya nee naŋ ga? Hɨnga ga bɨna tɔgɨ a te geye gɨŋ wɨya nee naŋ ga? Kɨŋ bugoŋ pɨna te Turnɔ di da Kumu ɗe saɗɨna pɨna le naŋ ga? Kuduroyna ga woy a cay gusɨna wɨya nee naŋ ga? Sɔlɛ cɨn̰-n̰age da gusɨna wɨya nee naŋ ga? Ho’o woy nee.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Kɔlɔs 1:26

Kɔl gɨ nee le na hɨnga ga woy kɨɗɨn̰ wɔsɛdɨge gaŋ ga Kumu gam kɨɗɨn̰ wɔsɛdɨge gaŋ ɨlge dan̰ ɨlge le. Haw kɛ ban lee gɨ cɨn̰ kan ga woyge dan̰ cɨndɨge hangaŋ cay nee.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

Kɔlɔs 2:19

Kalaŋ ga nee le sɨlɨn̰ge gusɨge gusi Kɨris naŋ bɨrɨŋ. Ban woy gɨlɨn̰ na hɨn̰ caa wo̰ bɨ, Ka-Daye woy gɨlɨn̰ na hɨn̰ kuyoŋdi-gusi wo̰ bɨ. Kalaŋ ga bugoŋge danayi le, ban bɨge hɨnga nɔm ga kan orɨn̰ n̰agedɨge bɨ, ban lee gɨ kan bugoŋge pɨna duroyge bɨ. Hɨn̰ gɨ kuyoŋdi-gusi ungo ba bugoŋ pɨna dan̰ gɨyəŋ gɨ da gurɨyadi dan̰ sere wo̰ bɨ malgɨn̰ge hɨn̰ gɨ Kumu ba gey wo̰ bɨ.

Kɔlɔs 3:14

Dɨbagɨŋ geye hɨn̰ badɨge wo̰ a cay hɨnga ga nee le nɔm, kɨya wa geye woy gɨlɨn̰ na hɨn̰ gangɨ di saɗɨ kalaŋ pɨna kuɗa duroŋ cɨrɛɗ wo̰.

Kɔlɔs 4:3

Ulayigɨŋ kol cayni bɨ. Ulagɨŋ Kumu ɗe haŋgɨ gɨyəŋ gɨ da tɔgɛ bɛrnɛ a tumoyni ɗe ani teen̰ bɛrnɛ gɨ da hɨnga ga woy a kɨɗɨn̰ wɔsɛdɨge gaŋ ojɨn̰ cay Kɨris, gɨ ɨŋ won̰ dangay dɨŋ koldi le bɨn̰ kalaŋ.

Kɔlɔs 4:8

Ɨŋ kɨya gɨyii gusɨgɨŋ ojɨn̰ na cay kɔl gɨ nee le ƴɔbɨ ɗe agɨŋ jen̰ kɔl gɨ ojɨ cayni bɨ, ɗe ban dobɨn̰ bandɨ kuduroygɨŋ bɨ.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

2 Pɨyɛr 1:10

Karmɨnɨ ga ban̰aŋ dan̰ ga kandɨ, na toy di hɨn̰ wo̰ ma, kuɗa gɨ kɨŋ ƴɨma togɨygɨŋ daa ɗe ɗɨn̰ di tumɔ coŋ agɨŋ ɨrɨn̰ osu a te tɔgɛ gɨ Kumu təgɨŋ le bɨ, dɔrɛ gɨ Kumu dorgɨŋ le bɨ. Kɨya wa hɨn̰ gɨ kɨŋ na laa hɨn̰ wo̰ na, kɨŋ kɨya bɔɔ a boy hɨnga ga ɨsɨni gaŋ naŋ bɨrɨŋ.

2 Pɨyɛr 1:3

Na cɨndi, Kumu bɨnagɨŋ hɨnga nɔm ga na or n̰agedɨge na kol dɔnɔ toyi, ɗe ana na somɨn̰gɨŋ-bɨra bɨ, leen̰gɨŋ gɨye lɔɔ gɨ bugoŋ pɨna dan̰ Kumu bɨ. Ban Kumu lee gɨ na solgɨŋ gɨ ban teenagɨŋ na dan̰ gɨyəŋ gɨ da gusoŋ-tɔgɛ koyi bɨ, na dan̰ gɨyəŋ gɨ da tɔgɨ toyi bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

1 Ja̰ 3:19

Hɨn̰ gɨ nana geygɨŋ karmiinagɨŋ ga ban̰aŋ dan̰ ga kandɨ na, na hɨn̰ wo̰ dɨm ma mana kɨya sɔlɛgɨŋ gɨ na naa kalaŋ ga da kɔl gɨ cɨndi. Dan̰ gɨyəŋ gɨ da ɨrɨme gɨ nee le na, ɗugoynagɨŋ kɨya bɔɔ po̰ dugo tumoy Kumu.

1 Ja̰ 5:7

Ka-lɔɔ tɨmon̰ le won̰ sɨbɨ: