Kɔlɔs 2:11 - Gabri Maja

¹¹ Dan̰ bugoŋ gɨ kɨŋ bugoŋ pɨna dan̰ Kɨris le, kɨŋ bɨle kalaŋ ga walgege ban̰a. Ɨni na, na wale ban̰a di ungo ba wale dan̰ kobi naŋ, ama na wale ban̰a di Kɨris gusi ba wale. Kɨya dorɨn̰ dɔnɔ di da kuyoŋdi-gusɨna gɨ ɨre orɨn̰ danana ɨsɨna gɨŋ le coŋ.

Kɔlɔs 2:11 ပူးပေါင်းရင်းမြစ်များ

Marg 14:58

«Ni-gandi ni je gɨ ban ye hɨn̰: “Ƴaa-di-da-Kumu di kɛ di kalaŋ gaɗɨge le, ɨŋ-bandi ɨŋ kɨya dɔsɛ coŋ bɨ duroy wɔlɛ sɨbɨ na, ɨŋ kɨya gaɗe di ɗaŋ di ungo laa dan̰ kobi naŋ.”»

Kɔl-gɨ-Ɗari gɨ Lug wal 2:21

Kɨɗɨn̰ ga kɨye le, lee wɔlɛ margɨm ɨni na, kan waliige ban̰a bɨ, kan sige gusondi na Jesu hɨn̰ gɨ ba-ƴɔbɛ gɨ daa nii ba yege kɨɗɨn̰ ga ƴoyi ba baa ƴɔɔ dan̰ kurdi ƴee le.

Gɨye-lɔɔ 17:24

Kumu gɨ ba lɔɔ gɨɗɨgɨ-Kumu bɨ, cay gɨsəŋ bɨ, hɨnga nɔm ga boy nee bɨ le, ban ma na Ba-gulondi hɨnga ga gɨɗɨgɨ-Kumu gɨŋ bɨ, cay gɨsəŋ gaŋ bɨ. Ban sɨma na a boy ƴaan̰əŋ ga kalaŋ n̰ɨrɨn̰ kumu gɨ pɨna wo̰, gɨ kalaŋ ba gaɗe naŋ bɨ.

Gɨye-lɔɔ 7:48

Ama Kumu gɨ ɗɨn̰ cay hɨnga nɔm le, kɨya sɔmɛ a duroy ƴaa di kobɨ kalaŋ ga ɨndəŋ ba gaɗe dɨŋ naŋ. Hɨn̰ gɨ ba-yɔɔ-kɔl-gɨ-Kumu-ba-yɔɔ ba ye le.

Magtubu di Pol wal bɨn̰ kalaŋ ga Rɔm 2:29

Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

Magtubu di Pol wal bɨn̰ kalaŋ ga Rɔm 6:6

Na sol gɨ haldɨna gɨ ɨlgi le ma dan̰ Kɨris pɨna a cay sɨya-gɨ-dagɨli gɨŋ ɨni, ɗe hal gɨ da ɨsɨna gɨ nee le mundoŋ coŋ, ɗe ana na won̰ gɔyɔŋ ga da ɨsɨna coŋ naŋ ɨni.

Magtubu di Pol wal bɨn̰ kalaŋ ga Rɔm 7:24

Ay, na gɨle-cɨn̰ di mɨna ba wo̰! Kɛ na waŋ ba kɨya dɔrɔŋ a kobi kuyoŋdi-gusɨnɨ gɨ ba-orɨn̰ danaŋ tɨma dɨŋ le ga?

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

2 Korɛ̰t 5:17

Hɨn̰ gɨ ungo na bugoŋ pɨna dan̰ Kɨris na, ban na ungo gɨ hɨrɨwa. Sɨla, hɨnga ga ɨlgi pɨde coŋ ɨni bɨ, hɨnga nɔm bɨle na ga hɨrɨwa bɨ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 5:24

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

Əbɨro 9:11

Ama haw kɛ Kɨris andɨgaŋ dus ɨni. Ban bɨle mangɨl gɨ da ka-cay ka-bɔgɛ kɨbar gɨ da hɨnga ga ɗadɨrdaŋ ga kɨya caga. Ƴaa-di-da-Kumu di leege dan̰ ɓala gɨ Kɨris andaŋ nee le, na ƴaa-ɓala gɨ gumu cɨla bɨ duroŋ cɨrɛɗ cɨla bɨ. Na kalaŋ ba lɔɔge ƴaa di nee le dan̰ kobɨge naŋ bɨ. Duroy kɔl le, na ƴaa di cay gɨsəŋ gaŋ kɛ naŋ.

Əbɨro 9:24

Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.